2022-03-16 18:14
Марина МКРТЧЯН
0
ԿԱՌԱՎԱՐՈՒԹՅՈՒՆԸ ՕԺԱՆԴԱԿՈՒՄ Է ԲՌՆԱԶԱՎԹՎԱԾ ՏԱՐԱԾՔՆԵՐԻ ԲՆԱԿՉՈՒԹՅԱՆ ԱՐՏԱԳԱՂԹԻՆ
Ինչո՞ւ Տավուշի մարզպետը չի արձագանքում տեղի բնակիչների բողոքներին
Եթե նախկին օմբուդսմեն Արման Թաթոյանը չահազանգեր, մայրաքաղաքի հասարակայնությունը դժվար թե իմանար, որ Սյունիքում կառուցվող նոր հիմնական ճանապարհի հատվածները, որը կոչված է դառնալու Կապան–Ճակատեն ճանապարհի այլընտրանքը, նույնպես լինելու են ադրբեջանցիների վերահսկողության տակ:
Թաթոյանը տեղեկացրեց, որ կառավարությունն անտեսել է Կապանի աշխատակազմի առաջարկը՝ անվտանգության պահանջներին լիովին համապատասխանող ճանապարհի կառուցման վերաբերյալ: Վերլուծելով բռնազավթված տարածքներից ստացվող տեղեկությունները՝ անկարելի է ձերբազատվել այն մտքից, որ Փաշինյանի կառավարությունը միտումնավոր կերպով վարում է սահմանամերձ համայնքների բնակիչների շահերին հակասող քաղաքականություն։
Բերդ խոշորացված համայնքի մասին վերջին շրջանում խոսվում է բացառապես դրա ղեկավար Հարություն Մանուչարյանի քաղաքական հետապնդումների առնչությամբ։ Մենք կխախտենք ավանդույթը և, վկայակոչելով Ներքին Կարմիրաղբյուր վարչական միավորի ղեկավար Լևոն Առաքելյանին, կհիշեցնենք 2020-ի հուլիսյան իրադարձությունները Տավուշում։ Այն ժամանակ ադրբեջանական զինուժի գնդակոծությունների արդյունքում վնասվել էր 6 տուն։ Անցել է գրեթե 2 տարի, իսկ գործն այդպես էլ չի շարժվել մեռյալ կետից։ Ներքին Կարմիրաղբյուր տարածքային միավորի բնակիչները բազմաթիվ բողոքներ ու դիմումներ են գրել մարզային աշխատակազմին, սակայն Տավուշի մարզպետը՝ Փաշինյանի մտերիմ ընկեր Հայկ Ղալումյանը, ոչինչ չի ձեռնարկում: Ներքին Կարմիրաղբյուրը սահմանամերձ տարածք է, ադրբեջանական զինուժի ռմբակոծություններից և գնդակոծություններից հետո վերականգնողական աշխատանքները համակարգել է նույն այն Ռոբերտ Ղուկասյանը, որը վերջերս Փաշինյանի հրամանով զբաղեցրեց Սյունիքի մարզպետի պաշտոնը: Ներքին Կարմիրաղբյուրում վերականգնողական աշխատանքներ իրականացնել Ղուկասյանն անկարող գտնվեց, ինչի համար էլ, պետք է ենթադրել, խրախուսանք ստացավ Նիկոլ Փաշինյանից՝ Սյունիքի մարզպետի պաշտոնի տեսքով…
Շուռնուխի ղեկավարը արդարության հույս ունի
Սյունիքի գործերով դեռևս Մելիքսեթ Պողոսյանի ժամանակներից զբաղվում է միջգերատեսչական աշխատանքային խումբը։ Մեզ հայտնի է, որ մայիսի 12-ին մարզի բռնազավթումից հետո խմբին հաջողվել է շահագործման նախապատրաստել Որոտան վարչական միավորի հացի արտադրամասը։
Դա թույլ կտա հաց մատակարարել Շուռնուխ համայնքին, որի մի մասն անցել է ադրբեջանցիների վերահսկողության տակ: Համայնքի բնակիչները դժվարությամբ են ուղևորվում Գորիս, փոխադրումներն իրականացնում է զինվորական «Ուրալ»-ը՝ շաբաթը 2 անգամ: Շուռնուխ վարչական միավորի ղեկավար Հակոբ Արշակյանը օրերս թերթերից մեկին տված հարցազրույցում պատմել է, որ գյուղը կիսելուց հետո 4 ընտանիքներ տեղափոխվել են Գորիս, որտեղ ապրում են վարձով, իսկ մյուսները ժամանակավորապես բնակվում են Սարավանում: Բռնազավթումից հետո Շուռնուխում մնացել է ընդամենը 110 բնակիչ, տեղի դպրոցում սովորում է 18 աշակերտ, մանկապարտեզ չկա, փոխարենը կա բուժկետ։
Արշակյանը հույս ունի, որ սահմանագծման և սահմանազատման արդյունքում արդարությունը կվերականգնվի։ Նա նույնպես զրկվել է իր տնից և այժմ ապրում է գյուղապետարանի շենքում։ Արշակյանը պատմեց, որ իրեն տնից վռնդել է ադրբեջանցի գեներալը, որն ինչ-որ քարտեզ է ցույց տվել իրեն և ոտքը գետնին զարկելով՝ ասել, թե սա ադրբեջանական հող է։ «Ռուս գեներալն ասում է, որ գենշտաբի քարտեզով ենք առաջնորդվելու։ Այդ քարտեզը հանում են, ադրբեջանցի գեներալն ասում է՝ հեռացրեք, մենք GPS-ով ենք որոշելու, թե որոնք են մեր տարածքները։ Սև լճում այդ նույն GPS-ը ցույց է տալիս, որ Սև լիճը մերն է։ Բայց թուրքն այնտեղ իր ուզած անհասկանալի քարտեզն է ցույց տալիս և ասում, որ այդտեղ քարտեզով են շարժվում»,- ասաց գյուղապետը։ Արշակյանը պատմեց նաև, որ այլընտրանքային ճանապարհը դժվարանցանելի է և, հակառակ կառավարության խոստումների, դրա կառուցումը չի ավարտվի ապրիլին, այլ կձգվի մինչև տարեվերջ:
ԱԻՆ-ի մեքենայով ամեն առավոտ Գորիսից հաց են տանում Շուռնուխ, վարչական միավորի տարածքում գործում է միայն 1 խանութ, Գորիսից և Կապանից ապրանքների առաքումը շատ է դժվարացել, համայնքի բնակիչները չեն կարողանում անասնաբուծությամբ զբաղվել, քանի որ անասունները գնում են ադրբեջանցիների վերահսկողության տակ անցած արոտավայրեր: Ճակատենի, Շիկահողի, Արաշենի, Ներքին Հանդի, Ծավի, Շիշկերտի բնակիչները մշտապես գտնվում են ադրբեջանական զավթիչների թիրախում, սակայն իշխանությունը լռության է մատնում այդ հանգամանքը՝ ազդարարելով «խաղաղության դարաշրջանի» գալուստ։
Ավետյանն ահազանգում է, կառավարությունից չեն արձագանքում
Բռնազավթված մյուս մարզից տագնապալի տեղեկություններ են ստացվում այն մասին, որ Գեղամասար համայնքի (Գեղարքունիքի մարզ) մի քանի վարչական միավորներ տարածքում զավթիչների խորանալուց հետո բնակիչները զրկվել են խմելու ջրից: Հնարավորություն չկա ոռոգման աշխատանքներ կատարել գարնանացանի ընթացքում, ինչի մասին տեղեկացրել է Գեղամասարի ղեկավար Հակոբ Ավետյանը։
Նրա խոսքերով, խոշորացված համայնքի 18 գյուղերից 6-ը զրկվել են կանոնավոր ջրամատակարարումից: Ջրի աղբյուրները, որոնցից օգտվում էին Կութ, Սոթք և Ազատ գյուղերի բնակիչները, գտնվում են ադրբեջանական զավթիչների դիրքերի մոտ, իսկ Ջաղացաձոր գյուղի աղբյուրները սկիզբ են առնում Այրքից և նույնպես մասնակիորեն գտնվում են ադրբեջանցիների վերահսկողության տակ: Նորաբակ և Գեղամաբակ գյուղերը մատակարարող աղբյուրները լիովին վերահսկվում են զավթիչների կողմից։
Ավետյանն ահազանգում է արդեն մի քանի ամիս շարունակ, սակայն կառավարությունում նրան չեն լսում։ Ինչո՞վ է զբաղված տարածքային կառավարման և ենթակառուցվածքների նախարարությունը։ Առջևում շոգ ամառն է, բնակիչներն առայժմ ջուր են կրում հարևան համայնքներից, ադրբեջանցիների մասնակի վերահսկողության տակ գտնվող աղբյուրներից օգտվելն անվտանգ չէ, ջրի թունավորման վտանգ կա։ Մայիսի 12-ից ի վեր Գեղարքունիքի բնակիչները զրկված են արոտավայրերից օգտվելու և հող մշակելու հնարավորությունից։
Սարերի ձյունը դեռ չի հալչել, բայց արդեն կա առաջին զոհը։ Մարտի 7-ին ադրբեջանական դիրքերից գնդակոծության հետևանքով սպանվել է 33-ամյա սերժանտ Հրաչ Մանասարյանը: Իրականանում են կանխատեսումներն այն մասին, որ զավթիչների դիրքեր բերված ծանր ռազմական տեխնիկան չէր կարող նախատեսված լինել միայն նոյեմբերի 16-ի դիրքային պատերազմի համար։ Այդ զենքը դեռ կրակելու է հայ զինվորների ու գրավյալ տարածքների խաղաղ բնակիչների վրա։ Ադրբեջանցիները ջանում են դուրս մղել հայ բնակչությանը ոչ միայն Արցախից, այլև Սյունիքից ու վերին Շորժայից, իսկ Փաշինյանի կառավարությունը ոչինչ չի անում բռնազավթված մարզերի բնակիչների համար կյանքի ընդունելի պայմաններ ստեղծելու ուղղությամբ։
Տպավորություն է ստեղծվում, որ վարչապետը, իր նախարարներն ու մարզպետները միտումնավոր անտեսում են իրավիճակը։ Հիմնավորված կասկածներ են առաջանում, որ Հայաստանի գործադիր իշխանությունը, ինչպեսև ադրբեջանցիները, շահագրգռված է, որ բնակչությունն արտագաղթի գրավյալ տարածքներից։ Այլապես կառավարությունը չէր զբաղվի տոպրակներով ու հանրային սննդի օբյեկտների աղամաններով՝ անտեսելով նրանց խնդիրները, ովքեր տուժել են և շարունակում են տուժել ադրբեջանցիների ներկայությունից։ Ուշադրություն դարձրեք, պարոնայք ընթերցողներ, տոպրակների և աղամանների մասին կառավարության նիստերում խոսվում է այնպիսի ջերմեռանդությամբ, ասես խոսքը բնակչության անվտանգության խնդրի մասին է, մինչդեռ Սյունիքում 7 այլընտրանքային ճանապարհների շինարարության մասին խոսվում է այնպես, հընթացս…
Բռնազավթված և ադրբեջանցիների գործողություններից տուժած տարածքների բնակիչների խնդիրների նկատմամբ իշխանության հանցավոր անտարբերության խորապատկերին «առանց նախապայմանների» խաղաղության մասին դատողություններն առնվազն զազրելի են: Սյունիքից և Գեղարքունիքից բնակչության ելքը խաղաղության նախապայմաններից մեկն է՝ Ալիևի և Էրդողանի ձևաններով, քանզի հանրահայտ է, որ Ռուբեն Ռուբինյանի մասնակցությամբ բանակցությունները զուտ ձևական բնույթ են կրում, խաղաղության համաձայնագրերի բոլոր պայմանները՝ Ադրբեջանի և Թուրքիայի տարածքային ամբողջականության ճանաչմամբ, արդեն նախորոշված են ժողովրդի թիկունքում...
ПОСЛЕДНИЕ ОТ АВТОРА
-
2024-04-26 10:17После того, как весной 2018 г. массы поддержали антиконституционный захват власти под вывеской "революции любви и согласия", Пашинян и его команда стали общаться с народом на языке дешевых манипуляций. Самый свежий образчик - насаждение тезиса, дескать, благодаря стараниям Пашиняна, в Тавуше азербайджанцам будут сданы не 4, а 2,5 деревни. Расчет сделан на то, что жители приграничного марза придут в неописуемый восторг, возрадуются и прославят Никола! Верхушка режима делает ставку на массовую деградацию…
-
2024-04-25 10:15Судья Жора Чичоян, выдавший санкцию на домашний арест и залог в 7 млн драмов для участника 44-дневной войны Самвела Варданяна, в свое время выдал санкцию на арест матери погибшего героя Гаянэ Мартиросян. Режим, напомню, обвинил ее в попытке похищения сына Пашиняна Ашота. Чичоян стал судьей 22 сентября 2022 г., а до этого был прокурором. Он приобрел известность, когда президент РА представил возражения в Высший судебный совет по поводу его назначения, но в ВСС позицию президента игнорировали. Дело в том, что за Жору вступились отец - прокурор Ширака Армен Чичоян и брат отца - судья ВСС Сергей Чичоян.
-
2024-04-24 09:57В ходе повторного визита Пашинян успокоил тавушцев, дескать, 4 деревни не будут сданы, а обмен территориями состоится в пользу тавушцев. Обман раскрылся почти сразу: когда на приграничные участки прибыли геодезисты и специалисты по разминированию, стало очевидно, что жители Тавуша могут разделить судьбу жителей Шурнуха, которые лишились своих домов в обход делимитации и каких-либо законных оснований!
-
2024-04-24 09:40"Армянский народ надо уничтожить в корне… Сейчас идет война, другого такого случая больше не будет", - дословно было произнесено в ходе секретного заседания высших чинов младотурецкого государства в 1915 г. 109-й годовщине предшествуют попытки правящей верхушки поставить под сомнение факт Геноцида в Западной Армении, специалисты считают, что инициатива исходит от Анкары, а это значит, что Геноцид продолжается в виде ревизии факта и попытки забвения. По мере приближения 109 годовщины становится очевиднее, что режим Пашиняна участвует в гибридной войне против армянского народа на стороне геноцидных государств!
ПОСЛЕДНЕЕ ПО ТЕМЕ
-
2022-05-02 19:27Սերժ Սարգսյանի հրաժարականը վերջի՞նն էր Երևանը վերածվել է ոստիկանական մեծ բաժանմունքի. յուրաքանչյուր 100 մետրը մեկ անցորդները բախվում են ոստիկանների և քաղաքացիներին բաժանմունքներ տեղափոխելու համար նախատեսված միկրոավտոբուսների կուտակումների։ Այդ ավտոբուսներում մարդկանց ենթարկում են ծեծի ու նվաստացումների։ 2011թ.-ին Հայաստանի խորհրդարանն ընդունել է աշխարհի ամենաառաջադեմ (եվրոպացի փորձագետների գնահատմամբ) օրենքներից մեկը՝ հավաքների, հանրահավաքների և երթերի քաղաքացիների իրավունքի մասին: Օրենքում ամրագրված է նույնիսկ չարտոնված ակցիաներին ոստիկանության միջամտության արգելքը, եթե դրանք խաղաղ բնույթ են կրում։
-
ԿՅԱՆՔԻ ՏԵՐԵՐԸ, ԿԱՄ՝ ՄԱՅՐԱՔԱՂԱՔԱՅԻՆ ՄՈՆՈԼԻՏ. ՓԱՇԻՆՅԱՆԸ ՍԿՍԵԼ Է ՆԱԽԱՊԱՏՐԱՍՏՎԵԼ 2023-Ի ԸՆՏՐՈՒԹՅՈՒՆՆԵՐԻՆ2022-03-31 17:36Փաշինյանը ձևավորում է իր սեփական օլիգարխիան՝ մայրաքաղաքի ընտրությունների հեռանկարով Հայտնի է, որ խոշոր գործարարներ Սամվել Ալեքսանյանը, Խաչատուր Սուքիասյանը և Գագիկ Ծառուկյանը վերահսկում են Երևանի վարչական խոշոր միավորները։
-
2022-02-22 21:00Պախարակում՝ առանց փաստարկների և ապացույցների Անդրանիկ Քոչարյանը, ոչ դես, ոչ դեն, հայտարարեց, որ քննիչ հանձնաժողովը 44-օրյա պատերազմի հանգամանքների ուսումնասիրությունը սկսելու է բանակցային ժառանգությունից, որպեսզի բացահայտի այն պատճառները, որոնք հնարավոր են դարձրել թուրք-ադրբեջանական ագրեսիան Արցախի Հանրապետության դեմ: Նրա խոսքերով, հանձնաժողովի աշխատանքը բոյկոտելու որոշումը ընդդիմադիր պատգամավորներին թելադրված է «երկու հոգու» կողմից։ 4 տարի անց վարչախումբն առաջվա պես շարժվում է Ռոբերտ Քոչարյանին և Սերժ Սարգսյանին համակարգված կերպով վարկաբեկելու ուղեգծով։
-
2022-02-07 18:12«Եվրոպան չարձագանքեց...» -Ինչո՞ւ ընդդիմադիր խմբակցությունները որոշեցին չառաջադրել իրենց թեկնածուին Հայաստանի 5-րդ նախագահի պաշտոնում, չէ՞ որ ի սկզբանե խոսքը վերաբերում էր քաղաքական հարուստ անցյալ ունեցող հավասարազոր թեկնածությանը, հետաքրքրություն էր բորբոքվում և նույնիսկ կոնկրետ անուններ էին նշվում: