2021-09-08 17:52
Рубен МАРГАРЯН
ԻՇԽՈՂ ԹԻՄԻ ՎՇՏԵՐԸ
«Ալեն Սիմոնյանի ծովափնյա հանգիստը զարմանալու չէ, դա է այդ մարդկանց աշխարհընկալումը, ընտրել եք, աջակցել եք ,ուրեմն բարի եղեք նաև հանդուրժել. գերիների հարցը իրենց համար ակտուալ չէ, առհասարակ արցախյան հիմնահարցը ակտուալ չէ իրենց համար, կարևորը՝ SOQAR-ը էժան նավթամթերք է շուտով ներկրելու Հայաստան, թե ինչ դուստրիկ ձեռնարկության փաթեթավորմամբ , դա հետո կերևա»։ Այս մասին ֆեյսբուքյան իր էջում գրել է Արցախի Ազգային ժողովի պատգամավոր Կարեն Հովհաննիսյանը:
Հունական հանգստավայրերում խորհրդարանի խոսնակի և երկրի գլխավոր աներձագի պարերը, որոնք կարելի է դիտել համացանցում, իրոք ոչ մեկին չեն զարմացնում։ Եվ դժվար թե Երևանի առանձին ներկայացուցիչների վերջին հայտարարություններն այն մասին, թե Բաքվի հետ ոչ մի բանակցություն չի ընթանում, իսկ եթե անգամ դրանք լինեն, ապա միայն Արցախի կարգավիճակի հարցի գերակա քննարկմամբ, մոլորության մեջ գցեն որևէ մեկին։ Դժվար թե որևէ մեկն ակնկալում է, թե մեր իշխանությունը հանկարծ հայրենասեր է դարձել և այսուհետ Ալիևին չի նվիրելու անխտիր ամեն ինչ ու նույնիսկ հետևողականորեն պաշտպանելու է Արցախի շահերը։ Իրականում իշխանության աշխարհայացքը բոլորովին չի փոխվել։ Նրանք առաջվա պես շարունակում են մնալ նույն բանսարկուները, մանիպուլյատորներն ու հավակնոտ դատարկախոսները, որոնք հոգու խորքում երազում են միայն մեկ բանի մասին. ինչպես արդյունավետ լափեն Արցախը հանձնելու համար Եվրոպայի խոստացած միլիարդավոր դոլարներն ու հանգիստ պառկեն խոտին ինչ-որ տեղ՝ գինու ձրի շիշը ձեռքին։
Շուշին ու Հադրութը հանձնած թիմի անդամները, խոսնակն ու աներձագը, առանց մեղքի չնչին իսկ զգացումի վայելում են անհոգ կյանքը Հունաստանում։ Նրանք մոռացել են իրենց թիմի կործանած հազարավոր կյանքերի մասին, նրանց չեն մտահոգում ո՛չ կրակոցներն Արցախի սահմանների վրա, ո՛չ ջրի ու էլեկտրականության պարբերական խափանումներն այնտեղ, ո՛չ էլ այն, որ Ֆիզուլիում արդեն օդանավակայան է բացվել, իսկ Քաշաթաղում ընթանում են թուրքական ու ադրբեջանական ստորաբաժանումների զորավարժությունները։
Արցախը նրանց համար ինչպես որ եղել է, այնպես էլ մնում է լոկ գլխացավանք։ Ճիշտ է, այսօր այդ ցավն ավելի քիչ է։ Նրանք Ռուսաստանի վրա են գցել Արցախի անվտանգության ապահովման գործառույթը, Մոսկվայի ուսերին բարդել գերիների հարցը, ուրախ կլինեին ամբողջությամբ ՌԴ-ին հանձնել նաև Հայաստանի անվտանգության ապահովման հարցը։ Այս թիմը ինչպես որ եղել է պետության շահերի համար բացարձակ անօգուտ, իսկ ավելի ճիշտ՝ վնասակար, այնպես էլ մնում է այդպիսին։ Պարզապես, հիմար չլինելով, հասկանում են, որ ներկայիս աշխարհաքաղաքական իրողությունների պայմաններում իշխանության ղեկին մնալու համար պետք է ցուցաբերեն, գոնե լոկ ցույց տան, այլ վարքագիծ։
ՆԻԿՈԼԸ ՇԱՏ ՈՒՐԱԽ ԿԼԻՆԵՐ ՀԱՆՁՆԵԼ ԱՐՑԱԽԸ ՎԵՐՋՆԱԿԱՆԱՊԵՍ ՈՒ ԱՆԴԱՌՆԱԼԻՈՐԵՆ։ Մեկընդմիշտ ազատվել գլխացավանքից՝ արտարժույթի նոր հոսքի դիմաց։ Տարբերություն չկա, թե որտեղից. Եվրոպայից, Մոսկվայից, Բաքվից, թե Անկարայից։ Բայց հասկանում է, որ հիմա դա կախված է ոչ միայն իրենից ու Ալիևից։ Կան նաև աշխարհաքաղաքական այլ խաղացողներ…
Փաշինյանի քաղաքականությունն այսօր ամբողջությամբ Մոսկվայի ազդեցության ոլորտում է։ Եվ սաստիկ վշտանալով հանդերձ՝ նա ստիպված է հայտարարել, թե պաշտպանելու է Արցախի շահերը, ձևացնել, թե զբաղված է բանակի ամրապնդմամբ... Իրականում եթե անգամ ինչ-որ բան մտահոգում է վարչապետին, ապա դա իր նախկին ժողովրդականությունը վերադարձնելու ձգտումն է, ինչին փորձում է հասնել՝ մսխելով բյուջեն և պարտքի փոսում թաղելով հանրապետությունը։
Վարկանիշը բարձրացնել չի ստացվում, ինչից վարչապետն ընկնում է կատաղության մեջ, որն էլ կոտրում է ընդդիմության գլխին։ Ընդդիմադիրներին ծեծեցին հենց խորհրդարանում, ընդդիմադիր 36 խորհրդարանականներից 26-ի դեմ գործեր են հարուցված, և նրանք փաստացի անազատ են, երեք ընդդիմադիր պատգամավորներ կալանավորված են՝ պատգամավորական անձեռնմխելիության սկզբունքի լկտի շրջանցումով. իսկական խունտայի գործողությունների ձևաններ։ Հայաստանում այսպիսի սանձարձակ կամայականություն երբևէ չի եղել։
Օբյեկտիվ իրողություններից կատաղած է ոչ միայն Փաշինյանը, այլև նրա թիմի մյուս անդամները։ Հայաստանի արդարադատության նախարար Կարեն Անդրեասյանը աշխարհի ամենաազատ ռադիոկայանի եթերում սաստիկ վրդովմունք է հայտնում, որ կան Փաշինյանի կամքին անհնազանդ դատավորներ, և ասում է, որ եթե իր կամքով լիներ, ապա վեթինգ կանցկացներ կես ժամում, բայց, բառացի մեջբերում ենք նախարարին. «Ցավոք սրտի, էս երկրում կա օրենք»։ Մե՜ծ վիշտ է դա արդարադատության նախարարի համար, որը ստիպված է հաշվի նստել օրենքի, ավելի ճիշտ՝ դրա դեռ վերջնականապես չոչնչացված մնացորդների հետ։
ПОСЛЕДНИЕ ОТ АВТОРА
-
2025-06-18 09:35Официально подтверждено: Никол Воваевич совершит визит в Турцию. В гости к Эрдогану, по приглашению последнего. Правда, на момент написания статьи еще не был уточнен статус визита: государственный, официальный или рабочий. Но разве это важно, какие формальности между своими?
-
2025-06-17 09:29Ирано-израильский конфликт отбросил на задний план все другие информационные потоки. Некоторые были примечательны. В частности, заявления премьер-министра Армении Никола Пашиняна в ходе панельной дискуссии на тему «Используя момент для построения долгосрочного партнерства с соседями» на саммите GLOBSEC 2025 в Праге.
-
2025-06-16 09:08Что показали военные действия между Израилем и Ираном? В первую очередь несомненное преимущество в технологиях одной страны над другой. Настолько существен сегодня этот фактор, что отходят в сторону такие компоненты, как территория страны, количество населения, патриотизм населения, храбрость командования… Все отходит на второй план.
-
2025-06-14 09:55Начинал Дональд Трамп бодро. С энтузиазмом, пожалуй, не уступающим энтузиазму Пашиняна в 2018-ом. На этой волне Трампу даже удалось на некоторое время прекратить огонь в Газе и наладить определенный американо-российский диалог, но к конкретным позитивным результатам по деэскалации в конфликтных регионах это пока не привело. Более того, видим, что многие планы Трампа не только не реализованы, но в определенной степени привели к эскалации ситуации.
ПОСЛЕДНЕЕ ПО ТЕМЕ
-
2022-03-16 19:42Լեռնային Ղարաբաղի արտգործնախարար Դավիթ Բաբայանը հայտարարում է, որ Արցախի ճանաչումը որպես Ադրբեջանի մաս անհնար է։ Դա կհանգեցնի հայկական Արցախի ոչնչացման։ Դավիթ Բաբայանը վստահ է. ինչպես էլ որ ընթանա հայ-ադրբեջանական հարաբերությունների կարգավորման գործընթացը, այն չպետք է ընթանա Արցախի շահերի հաշվին: Դավիթ Բաբայանը համարում է, որ Երևանում չի կարող լինել այնպիսի իշխանություն, որը կհամաձայնի Արցախի կարգավիճակին Ադրբեջանի կազմում... Բուն այն փաստը, որ Դավիթ Բաբայանը հայտարարում է դա, վկայում է այն մասին, որ իրականում նա լուրջ կասկածներ ունի։
-
2022-03-11 19:57Արդեն քանի օր շարունակ Արցախում անհանգիստ է։ Ըստ էության, ոչ ոք՝ ո՛չ Հայաստանում, ո՛չ էլ Արցախում, առանձնապես չի զարմացել։ Բնական է, որ ֆաշիստական պետությունը փորձելու է օգտվել Ուկրաինայի հետ կապված ճգնաժամից, որպեսզի ձեռնարկի Արցախի Հանրապետությունը վերացնելու նոր փորձ։
-
2022-03-07 20:00Մի «ըմբոստ» միտք, որը ցանկանում եմ կիսել ձեզ հետ։ Այն ամփոփված է նրանում, որ Ուկրաինայում ռազմական գործողություն անցկացնելու Պուտինի որոշման վրա, ի թիվս այլ գործոնների, ազդել է նաև 2020-ի աշնան 44-օրյա պատերազմը Լեռնային Ղարաբաղում։ Փորձեմ պարզաբանել։
-
2022-01-26 20:02Խորհրդակցություն Գորիսում Արցախի հետ շփման գծի ողջ երկայնքով 2016 թվականի ապրիլյան ագրեսիայի արդյունքում Ադրբեջանը չիրականացրեց ռազմավարական ոչ մի խնդիր և կրեց կենդանի ուժի և ռազմական տեխնիկայի շատ ավելի մեծ կորուստներ, քան Արցախի Պաշտպանության բանակը: