2021-09-30 11:25
Рубен МАРГАРЯН
ՁՈՂԻԿ-ՕԳՆՈՂԻԿ. ԱԼԻԵՎԻ ԻՆՉԻ՞Ն Է ՊԵՏՔ ՀԱՆԴԻՊԵԼ ՆԻԿՈԼԻ ՀԵՏ
Ադրբեջանի նախագահ Իլհամ Ալիևը հայտարարել է, որ պատրաստ է հանդիպել Հայաստանի վարչապետ Նիկոլ Փաշինյանի հետ, եթե ԵԱՀԿ Մինսկի խումբը կազմակերպի նման հանդիպում: Իբր՝ միշտ պատրաստ եմ կառուցողական քննարկումների, հայտարարել Է նա France-24 հեռուստաալիքին տված հարցազրույցում: Ի՞նչ կնշանակի սա։
Ադրբեջանի նույն այն նախագահը, որն ավելի վաղ բազմիցս հայտարարել է, թե Լեռնային Ղարաբաղի հակամարտությունը, որի կարգավորմամբ, ըստ էության, զբաղվում է ԵԱՀԿ Մինսկի խումբը, լուծված է: Նույն այն Ալիևը, որը բազմիցս պարծեցել է, թե քանի որ հակամարտությունը լուծված է, Մինսկի խումբն այլևս անելիք չունի։ Նույն այն Ալիևը, որը բոլորովին վերջերս մեղադրեց համանախագահներին անգործության, ապակառուցողական մոտեցումների մեջ, որոնք էլ հանգեցրել են 44-օրյա պատերազմին... Եվ ահա հիմա՝ ԵԱՀԿ ՄԽ-ի «հովանու ներքո» Փաշինյանի հետ հանդիպելու բուռն ցանկություն։
Պատճառը միջազգային ասպարեզում Իլհամ Ալիևի ունեցած խնդիրներն են, ինչն արտացոլվում է մի շարք երկրների և միջազգային կառույցների գործողությունների հետ կապված նրա դժգոհ հայտարարություններում։ Արտացոլվում է ինչպես պաշտոնապես, այնպես էլ Ալիևի կողմից վերահսկվող հասարակական կազմակերպությունների և ԶԼՄ-ների միջոցով:
Բաքուն դժգոհ է Ռուսաստանից, ավելի ճիշտ՝ Լեռնային Ղարաբաղում ռուս խաղաղապահների գործողություններից։ Բաքվի մտահղացմամբ ՝ խաղաղապահ զորախումբը պետք է ապահովեր Ադրբեջանի լիակատար վերահսկողությունը Լեռնային Ղարաբաղի նկատմամբ։ Մինչդեռ իրականում խաղաղապահ զորակազմը ապահովում է Հայաստանի և Արցախի անխափան կապը Լաչինի միջանցքով։ Ավելին, օգնում է Արցախի հումանիտար և սոցիալական խնդիրների լուծման գործում։
Ալիևը դժգոհ Է Իրանից, որը զորավարժություններ է անցկացնում Ադրբեջանի հետ սահմանին, ռազմական տեխնիկա կուտակում այնտեղ՝ ակնարկելով, որ Ադրբեջանը չպետք է խոչընդոտի հայ-իրանական կապերի զարգացմանը և գործակցի Իսրայելի հետ։
Ֆրանսիայից Ալիևը դժգոհ է ցմահ, համարելով, որ Մինսկի խմբի համանախագահ այդ երկիրն ավանդաբար հայամետ դիրքորոշում ունի։ Դժգոհ է նաև Վաշինգտոնից, որը ճնշում է գործադրում Բաքվի վրա՝ հայ ռազմագերիներին ազատ արձակելու անհրաժեշտության և վերջին պատերազմի ժամանակ Անկարայի և Բաքվի համատեղ գործողությունները հետաքննելու պահանջներով։ Բաքուն դժգոհ է նույնիսկ նրանից, որ Երևանում ԱՄՆ դեսպանն այցելել է «Եռաբլուր» զինվորական պանթեոն...
Ալիևը դժգոհ է միջազգային կառույցներից, որոնք պարբերաբար ընդունում են Բաքվի այս կամ այն գործողությունները դատապարտող բանաձևեր։ Դե, և կրկնեմ. Ադրբեջանում մեծ է դժգոհությունը Մինսկի խմբի այն հայտարարություններից, որ Արցախի կարգավիճակը լուծված չէ, բանակցությունները պետք է շարունակվեն։ Եթե ամփոփենք, ապա Ալիևը դժգոհ է այն ճնշումից, որ իր վրա գործադրում են վերոնշյալ և այլ կառույցներն ու երկրները, դրա համար էլ հանկարծ սաստիկ փափագեց հանդիպել Փաշինյանի հետ։
Պարզվում է, Փաշինյանը Ալիևի համար ձողիկ-օգնողիկի պես մի բան է. Ադրբեջանի առաջնորդն ակնկալում է, որ Փաշինյանի հետ հանդիպումը թույլ կտա իրեն լուծել բոլոր խնդիրներն ու հետ մղել միջազգային կառույցների հարձակումները: Ալիևը չգիտես ինչու հույս ունի, որ Փաշինյանը հանդիպման արդյունքում կընդառաջի իր ցանկություններին, և Ադրբեջանի նախագահը կունենա բոլոր հնարավորությունները՝ հայտարարելու աշխարհին. «Ի՞նչ եք ուզում ինձանից։ Իմ ու Փաշինյանի միջև լիակատար փոխըմբռնում է տիրում, խաղաղություն, բարեկամություն, սեր։ Հայաստանը՝ ի դեմս Փաշինյանի, ընդունում է իր սխալները, մենք նրան պատժել ենք, հիմա Երևանն ընդունում է մեր պայմանները և պարտավորվում կատարել Բաքվի արդար պահանջները, այն է՝ ճանաչել Ադրբեջանի տարածքային ամբողջականությունը, մեզ համար միջանցք բացել դեպի Նախիջևան, լուծարել իր բանակը։ Իսկ հետո թող իրենց համար հանգիստ ապրեն Էրիվանում ու լողան Գեյչայում, մենք դեմ չենք»։
Այսպես է դատում Ալիևը, թե՞ փոքր-ինչ այլ կերպ։ Կատեգորիկ չենք լինի։ Բայց այն, որ միջազգային հանրության հովանու ներքո՝ ի դեմս ԵԱՀԿ Մինսկի խմբի, հանդիպելով իր կողմից բազմիցս նվաստացված Փաշինյանի հետ՝ Ալիևը մտադիր է ամրապնդել դիրքերը միջազգային կառույցների և տարածաշրջանային առաջատար դերակատարների հետ հարաբերություններում, կարծում ենք՝ ակնհայտ է։
ПОСЛЕДНИЕ ОТ АВТОРА
-
2025-06-21 10:39Лучшие аналитические умы Армении бьются разгадать, что же случилось с Николом Пашиняном, когда он вдруг решил наехать на Самвела Карапетяна? На человека, о котором годами ранее говорил исключительно с придыханием. Можно сказать, оды пел в его честь, в честь его известной благотворительной деятельности в Армении и Арцахе.
-
2025-06-19 15:23Время, и далеко не самое отдаленное, расставит все точки над i и даст однозначные ответы на вопрос о том, какая связь между заключением под стражу Самвела Карапетяна и визитом Никола Пашиняна в Турцию. А то, что между этими двумя унизительными для Армении событиями есть прямая связь - к гадалке не ходи. Эта связь гораздо более тесная, чем попытка Пашиняна связать арест Карапетяна с работой «Электрических сетей Армении». Связь более прямая, чем попытка Пашиняна и рюкзаков из «Гражданского договора» связать арест Карапетяна с процессами вокруг церкви. Не говорим уже о смешных попытках обвинить Карапетяна в призыве свергнуть конституционный строй. Обвинениях, которые свелись к сказанной Карапетяном фразе, что если политикам не удастся разрулить ситуацию вокруг церкви, он, Карапетян, «по-своему примет участие в этом» …
-
2025-06-18 09:35Официально подтверждено: Никол Воваевич совершит визит в Турцию. В гости к Эрдогану, по приглашению последнего. Правда, на момент написания статьи еще не был уточнен статус визита: государственный, официальный или рабочий. Но разве это важно, какие формальности между своими?
-
2025-06-17 09:29Ирано-израильский конфликт отбросил на задний план все другие информационные потоки. Некоторые были примечательны. В частности, заявления премьер-министра Армении Никола Пашиняна в ходе панельной дискуссии на тему «Используя момент для построения долгосрочного партнерства с соседями» на саммите GLOBSEC 2025 в Праге.
ПОСЛЕДНЕЕ ПО ТЕМЕ
-
2022-04-15 08:16Ադրբեջանը փորձում է արագացնել իրադարձությունները Երբ գործընթացը, որի արդյունքում նախատեսվում է խաղաղության համաձայնագիր ստորագրել, մեկնարկում է Արցախի կարգավիճակի հստակեցման շրջանցումով, ապա եզրահանգումը կարող է լինել միայն մեկը. իշխող ռեժիմի պարագլուխը կրկին որոշել է «ամեն ինչ սկսել սեփական կետից»։ Նման եզրակացության է հանգեցնում նաև խոշոր գործարար Գուրգեն Արսենյանի խորհրդարանի ամբիոնից Փաշինյանին ուղղած կոչը՝ «սթափեցնել Ղարաբաղի ղեկավարությանը»։ Գործարար պատգամավորը շա՜տ է շտապում բիզնես սկսել թուրքերի հետ…
-
2022-04-08 08:59Ինչ վերաբերում է Բրյուսելում Ալիևի, Փաշինյանի և Շառլ Միշելի բանակցությունների արդյունքներին։ Հայկական կողմի համար ամենադրականն այն է, որ համատեղ ճեպազրույց չեղավ։ Այդպիսի ճեպազրույցների ժամանակ Փաշինյանն Ալիևի կողքին ողորմելի է դիտվում։ Համատեղ ասուլիսի բացակայությունը բոնուս է Փաշինյանի համար, որը դժվար թե ասելիք ունենար՝ ի պատասխան հայ հասարակայնությանը հուզող հարցերին։
-
2022-04-05 19:27Կապիտուլյանտը վախեցնում է պատերազմով՝ հող նախապատրաստելով նոր դավաճանության համար։ Արցախի Հանրապետության Պաշտպանության բանակը պաշտպանեց Քարագլխի ռազմավարական գագաթի մի մասը, չնայած թուրքական «բայրաքթարերից» ռմբակոծմանը և հակառակ Փաշինյանի ռեժիմի գաղտնի հրահանգներին։ Այս մասին վերջին օրերին բացահայտ հայտարարում են ռազմական փորձագետները։ Մասնավորապես, Դավիթ Ջամալյանը նշել է, որ Արցախի ղեկավարության կախվածությունը կապիտուլյանտի ռեժիմի ազդեցությունից էականորեն նվազել է։ Փորձագետը բարձր է գնահատել Պաշտպանության բանակի ջանքերը՝ Քարագլուխից ադրբեջանցիների մասնակի հետմղման ուղղությամբ:
-
2022-04-02 08:48Բայց ի՜նչ գեղեցիկ հեքիաթ էր: «Թուրքիան պատրաստ է կարգավորել Հայաստանի հետ հարաբերություններն առանց նախապայմանների»,- երդում-պատառ էին ուտում մեր պետական այրերը։ Դե, թուրքերն էլ ողորմածաբար ժպտում էին, թե՝ այո, իհա՜րկե, առանց նախապայմանների, հայ եղբայրներ, առանց նախապայմանների։ Ի՞նչ նախապայմաններ։ Արցախը դուք առանց այդ էլ հանձնեցիք, գրեթե ամբողջությամբ, ցեղասպանության թեման Երևանը չի լոբբինգավորում, սահմանների առումով դժգոհություններ չկան…