2022-02-03 19:17
Марина МКРТЧЯН
0
ՀԱՅԱՍՏԱՆԻ ԲՌՆԱԶԱՎԹՈՒՄԻՑ 2 ԱՄԻՍ և 12 ՕՐ ԱՌԱՋ…
2021թ. փետրվարի 25-ին բանակը պահանջեց Փաշինյանի հրաժարականը
2021թ.փետրվարի 25-ի իրադարձությունները կարող էին ավարտվել ռեժիմի տապալումով, իշխանափոխությունից հետո ընդդիմությունը ոչ մի անգամ այդքան մոտ չէր եղել նպատակին։
ԳԼԽԱՎՈՐ ՇՏԱԲԻ ՀԱՅՏԱՐԱՐՈՒԹՅԱՆԸ ՆԱԽՈՐԴԵԼ ԷԻՆ ՄԻ ՇԱՐՔ ԱՂՄԿԱՀԱՐՈՒՅՑ ԻՐԱԴԱՐՁՈՒԹՅՈՒՆՆԵՐ։ Հունվարի 8-ին իրավապաշտպան Ռուբեն Մելիքյանը բողոքի ակցիա էր կազմակերպել Արդարադատության նախարարության շենքի մոտ։ Նախօրեին՝ հունվարի 7-ին, տեղեկություններ էին հրապարակվել այն մասին, որ Փաշինյանը պատրաստվում է Մոսկվայում ստորագրել ևս մեկ խայտառակ փաստաթուղթ, որի տեքստը գտնվում է նախարարությունում։ Մելիքյանը պահանջում էր ներկայացնել փաստաթուղթը։
Հունվարի 9-ին ժամանակավոր կառավարության վարչապետի պաշտոնում «Հայրենիքի փրկության շարժման» թեկնածու Վազգեն Մանուկյանը հանդիպեց արտգործնախարարի հետ և քննարկեց Փաշինյանի Մոսկվա կատարելիք այցի հետ կապված հարցեր։ Հունվարի 11-ին Մոսկվայում տեղի ունեցավ Պուտին-Փաշինյան-Ալիև եռակողմ հանդիպումը։ Նույն օրը հրապարակվեց նախագահ Արմեն Սարգսյանի հոդվածն այն մասին, որ Երրորդ Հանրապետությունը սպառել է իրեն, և ժամանակն է անցնել Չորրորդին։ Հոդվածի մասին մոռացան հունվարի 16-ին, երբ Վատիկանում ՀՀ նախկին դեսպան Միքայել Մինասյանը հանդես եկավ ԱԺ նախագահ Արարատ Միրզոյանի գործակալական անցյալի սկանդալային բացահայտմամբ։ Հունվարի 18-ին մեկնարկեց խորհրդարանի հետպատերազմյան առաջին նստաշրջանը:
2021թ. փետրվարի 2-ին տեղի ունեցավ Ռոբերտ Քոչարյանի, Սերժ Սարգսյանի, Վազգեն Մանուկյանի, Արթուր Վանեցյանի, Գագիկ Ծառուկյանի, Իշխան Սաղաթելյանի հանդիպումը։ «Հայրենիքի փրկության շարժումը» ժողովրդականության գագաթնակետին էր, հանդիպման մասնակիցները քննարկեցին արտահերթ խորհրդարանական ընտրությունների հետ կապված հարցեր։ Փետրվարի 7-ին Փաշինյանը, վախենալով այդ հանդիպման հետևանքներից, չեղարկեց արտահերթ խորհրդարանական ընտրությունները։ Հիշեցնեմ, որ արտահերթ խորհրդարանական ընտրությունների անհրաժեշտության մասին ռեժիմի պարագլուխը հայտարարել էր 2020 թվականի դեկտեմբերի 25-ին։ Հետո Փաշինյանը ևս մեկ անգամ կմտափոխվի, բայց դա կլինի արդեն փետրվարի 25-ից հետո. մարտի 18-ին կապիտուլյանտը հայտարարեց, որ արտահերթ խորհրդարանական ընտրությունները տեղի կունենան հունիսի 20-ին։
Փետրվարի 25-ին բանակը պահանջեց Փաշինյանի հրաժարականը։ Գլխավոր շտաբի պահանջների հրապարակումից հետո ռեժիմի պարագլուխն իր կողմնակիցներին կոչ արեց հավաքվել Հանրապետության հրապարակում։ Անմիջապես կառավարության շենք եկան Ալեն Սիմոնյանն ու Արարատ Միրզոյանը։ Անհապաղ հրապարակվեց Տեր-Պետրոսյանի հայտարարությունը ստեղծված իրավիճակից ելքի մասին՝ «առանց ցնցումների և կորուստների, որոնք նվեր կլինեն ադրբեջանա-թուրքական տանդեմին»։ Հայտարարություններով հանդես եկան երկրորդ նախագահի գրասենյակը, Ամենայն Հայոց Կաթողիկոս Գարեգին Բ-ն, ՀՀԿ գործադիր մարմինը և Գագիկ Ծառուկյանի կուսակցությունը: ԲՀԿ-ն կոչ արեց չտանել Հայաստանը դեպի քաղաքացիական պատերազմ։ Գլխավոր շտաբին իրենց աջակցությամբ հանդես եկան Արցախի Պաշտպանության բանակի 124 սպաներ։
Փաշինյանը կարողացավ զսպել իրավիճակը…
Իրավիճակը մայրաքաղաքում թեժանում էր, բոլորը հասկանում էին, որ կապիտուլյանտը պատասխան քայլեր կձեռնարկի։ Պաշտպանության նախկին նախարար Սեյրան Օհանյանը հիշեցրեց, թե ինչպես 2008-ի մարտի 1-ին Փաշինյանը կոչ արեց իր կողմնակիցներին դուրս գալ փողոց՝ մահակներով ու քարերով զինված: Հասարակական գործիչ Գեղամ Նազարյանը ենթադրություն հայտնեց, որ Բաքուն Փաշինյանին հրամայել է արյուն հեղել Երևանում, իսկ քաղաքագետ Հրանտ Մելիք-Շահնազարյանը հնչեցրեց հետևյալ կանխատեսումը՝ ելնելով նախկին փորձից. «Նիկոլն ասում է, որ կա՛մ ինքը կլինի վարչապետ, կա՛մ Հայաստանը բանակ չի ունենա, այսինքն չի ունենա պետականություն»։
ՀԻՇԵՑՆԵՄ, ՈՐ ԳԼԽԱՎՈՐ ՇՏԱԲԻ ՀԱՅՏԱՐԱՐՈՒԹՅԱՆ ՀԱՄԱՐ ԱՌԻԹ էՐ ծառայել Գլխավոր շտաբի պետի առաջին տեղակալ Տիրան Խաչատրյանի անհիմն պաշտոնազրկումը: Նրան հեռացրել էին պաշտոնից այն բանի համար, որ ծիծաղել էր ի պատասխան լրագրողի խնդրանքի՝ մեկնաբանելու Փաշինյանի սկանդալային հայտարարությունը «Իսկանդերների» մասին, որոնք «պայթել են 10 տոկոսով»։ Խաչատրյանը մասնակցել է Արցախյան առաջին ազատամարտին, երբ ընդամենը 19 տարեկան էր, և շարունակելով ծառայել Հայրենիքին՝ արժանացել գեներալի կոչման։ Իսկ պաշտոնից նրան զրկեց կապիտուլյանտը... ծիծաղելու համար։
Փետրվարի 25-ին ռազմական փորձագետ Կարեն Վրթանեսյանը կոչ արեց նախագահին, ԱԱԾ-ին, դատախազությանն ու ոստիկանությանը կողմնորոշվել. «Իրենք Հայաստանի կողմից են, թե՞ Հայաստանի դեմ»։ Հասարակական գործիչ Նարեկ Սամսոնյանը հայտարարեց, որ թիվ 1 ինքնաթիռը պատրաստ է ցանկացած պահի օդ բարձրանալ: Երևանում սկսեցին տագնապալի լուրեր տարածվել, որ ռեժիմի կողմնակիցների զինված հանցախմբերը հավաքվել են կառավարական ամառանոցներում։
Ժամը 14-ի սահմաններում Փաշինյանը դուրս եկավ կառավարության շենքից և իր կողմնակիցների «Նիկոլ՝ վարչապե՛տ» վանկարկումների ներքո երթով անցավ մայրաքաղաքի կենտրոնական փողոցներով, որից հետո վերադարձավ հրապարակ։ Նրա կողքից քայլում էր որդին՝ Աշոտը, ավելի ուշ միացան կինն ու ավագ դուստրը։ Գլխավոր շտաբի կողմնակիցները հավաքվել էին Օպերայի և բալետի թատրոնի շենքին հարակից հրապարակում։ Փաշինյանն ու իր շրջապատը խոսում էին ռազմական հեղաշրջման փորձի, բանակը հակասահմանադրական գործողությունների մեջ ներքաշելու նախկին իշխանության ներկայացուցիչների մտադրության, քաղաքական գործընթացներին բանակի միջամտության անթույլատրելիության մասին և այլն։
Նույն օրը՝ փետրվարի 25-ին, հայկական կողմի նախաձեռնությամբ տեղի ունեցավ Փաշինյանի հեռախոսազրույցը ՌԴ նախագահ Վլադիմիր Պուտինի հետ: Հեռախոսազրույցից հետո Փաշինյանը ներկայացրեց զսպվածություն դրսևորելու Կրեմլի կոչը՝ իբրև աջակցություն իր ռեժիմին։ Հարկ է հատուկ ընդգծել, որ Անկարան պաշտպանեց ռազմական հեղաշրջման փորձի վերաբերյալ Փաշինյանի գնահատականը, իսկ ԱՄՆ Պետդեպարտամենտը, հակառակը, ընդունեց, որ այդ գնահատականը չի համապատասխանում իրականությանը։ Պետդեպարտամենտից հասկացնել տվեցին, որ նման փորձի ոչ մի նշան չի արձանագրվել։
Հայոց բանակի հասցեին Փաշինյանի և Էրդողանի մեղադրանքների համընկնումը կասկած չթողեց, թե ում շահերն են ներկայացնում ռեժիմի պարագլուխն ու նրա խունտան։ Հետագա իրադարձությունները ցույց տվեցին, որ ռազմական հեղաշրջման փորձի վերաբերյալ Թուրքիայի նախագահի և Հայաստանի վարչապետի գնահատականների համընկնումը պատահական չէր։ Հայոց բանակի փլուզման ուղղությամբ Փաշինյանի բոլոր քայլերին Անկարան և Բաքուն արձագանքել ու արձագանքում են ջերմ աջակցությամբ…
Փետրվարի 27-ին նախագահ Արմեն Սարգսյանը վերադարձրեց Նիկոլ Փաշինյանից ստացած հրամանագիրը գեներալ Գասպարյանին Գլխավոր շտաբի պետի պաշտոնից հեռացնելու մասին: Գլխավոր շտաբի 40 անդամների վերաբերյալ, որոնք ստորագրել էին կառավարության հրաժարականի պահանջով դիմումը, ռեժիմի պարագլուխն ասաց, որ նրանք կարող են վերադառնալ աշխատանքի։ Մարտի 10-ի առավոտյան ժամը 9-ին Փաշինյանը Ֆեյսբուքում գրառում կատարեց այն մասին, թե Գասպարյանը հեռացված է համարվում պաշտոնից իրավունքի ուժով։ Այդ որոշումը Սահմանադրության կոպիտ խախտում էր, սակայն նախագահը, ինչպես հայտնի է, ՍԴ դիմեց այլ հարցով։ Այդ մասին երկար խոսել չարժե, մանավանդ որ այդ քայլերն իրավիճակի վրա ոչ մի կերպ չազդեցին։
Փաշինյանի վերոնշյալ ֆեյսբուքյան գրառմանը նախորդել էր խորհրդարանի երկու մուտքերն արգելափակելու «Հայրենիքի փրկության շարժման» փորձը։ Մարտի 9-ին Մանուկյանն արտաբերեց «Տղերք, հառա՛ջ» կոչը, ակցիայի մասնակիցները փակեցին մուտքերը, սակայն այդ ամենն արդեն անօգուտ էր, իրավիճակն անկում էր ապրում…
Փետրվարի 25-ին իշխանափոխությունը թվում էր անխուսափելի իրադարձություն, սակայն Փաշինյանը կարողացավ զսպել իրավիճակը, հենվելով այն զանգվածների վրա, որոնք դուրս եկան փողոց՝ իր ռեժիմին աջակցելու։ Այնուհետ լոկ բառեր էին։ Մարտի 1-ին Փաշինյանի կողմնակիցները նշեցին 2008 թվականի իրադարձությունների տարելիցը. ադրբեջանցիների կողմից Սյունիքի և Գեղարքունիքի մարզերի տարածքների բռնազավթմանը մնացել էր 2 ամիս և 12 օր:
Հ.Գ.- Գլխավոր շտաբի նախկին պետ Օնիկ Գասպարյանը առ այսօր չի կարողանում ապացուցել, որ պատերազմի 4-րդ օրը ելույթ է ունեցել Անվտանգության խորհրդի նիստում, առաջարկելով դադարեցնել մարտական գործողությունները՝ պարտության վտանգի մատնանշումով։ Փաշինյանն ու Անվտանգության խորհրդի քարտուղար Արմեն Գրիգորյանը պնդում են, թե ԱԽ նիստում նման զեկույց չի եղել, հանրությանը ներկայացվել է այդ նիստի տեսագրությունը, որը, ամենայն հավանականությամբ, մոնտաժված է: Գլխավոր շտաբի մյուս նախկին պետը՝ Մովսես Հակոբյանը ներկայումս ենթարկվում է հետապնդման՝ պատերազմի 3-րդ օրը զորքերի համալրումը դադարեցնելու և կամավորներին առաջնագիծ ուղարկելու վերաբերյալ Փաշինյանի տված հրամանը հրապարակելու համար։
ПОСЛЕДНИЕ ОТ АВТОРА
-
2024-05-29 11:15Статья 2 Конституции гласит: "Власть в Республике Армения принадлежит народу". 26 мая на митинге народ объявил архиепископа Баграта Галстаняна кандидатом на пост премьер-министра. Из лагеря власти ответили ссылками на ту же статью, где также говорится о том, что "узурпация власти какой-либо организацией или личностью является преступлением". Эта оценка больше подходит для событий апреля-мая 2018 г.
-
2024-05-28 10:04Руководитель аппарата премьер-министра Араик Арутюнян объявил о начале реконструкции альтернативной дороги через соседнюю с Киранц деревню Ачаркут. Эта дорога совершит крен в сторону Киранц и по соседству со школой соединится с ныне действующей основной дорогой. Арутюнян заверил, что "дорога будет расширена и станет проходимой даже для грузов". По его словам, реконструкция будет произведена по международным стандартам в течение 2-х месяцев. Этот срок подтвердил с трибуны парламента Пашинян, который назвал дорогу из Киранц "дорогой из исторической Армении в реальную". В этой "реальной Армении" Пашинян предложил строить стены и сажать деревья, дабы отгородиться от вооруженных азербайджанцев. Полагаю, для учащихся упомянутой школы это предложение весьма "актуально"…
-
2024-05-27 10:13Россия заинтересована в том, чтобы у Армении не было границ, и чтобы она не была государством. По версии Пашиняна, Москва хочет показать, что армянский народ не способен самостоятельно управлять государством и годится только на роль населения "территории вроде полуфорпоста". Главарь правящей верхушки выразил с трибуны последней парламентской 4-дневки решимость оказать сопротивление "попыткам имперского управления Арменией". В чем, конкретно, проявляются эти попытки, Пашинян, увы, не уточнил. Выходит, больше всего в суверенитете и независимости РА заинтересованы Турция и Азербайджан, ибо процесс сдачи 4-х деревень в Тавуше под вывеской делимитации приветствовали только Алиев и Эрдоган!
-
2024-05-23 10:20Образовавшаяся после досрочных парламентских выборов 20 июня 2021 г. неформальная внепарламентская коалиция карликовых сил на днях сформировала платформу. "Республика" Арама Завеновича, Европейская партия Тиграна Хзмаляна, партия "Во имя республики" Армана Бабаджаняна и христианские демократы Левона Шириняна объявили о том, что главной целью так называемой "Демократической платформы" станет содействие властям в деле европейской интеграции и углубления западного вектора внешней политики. В контексте текущих событий речь идет о партиях, чьи лидеры готовы разделить с Пашиняном ответственность за преступления против народа и государства!
ПОСЛЕДНЕЕ ПО ТЕМЕ
-
2022-05-02 19:27Սերժ Սարգսյանի հրաժարականը վերջի՞նն էր Երևանը վերածվել է ոստիկանական մեծ բաժանմունքի. յուրաքանչյուր 100 մետրը մեկ անցորդները բախվում են ոստիկանների և քաղաքացիներին բաժանմունքներ տեղափոխելու համար նախատեսված միկրոավտոբուսների կուտակումների։ Այդ ավտոբուսներում մարդկանց ենթարկում են ծեծի ու նվաստացումների։ 2011թ.-ին Հայաստանի խորհրդարանն ընդունել է աշխարհի ամենաառաջադեմ (եվրոպացի փորձագետների գնահատմամբ) օրենքներից մեկը՝ հավաքների, հանրահավաքների և երթերի քաղաքացիների իրավունքի մասին: Օրենքում ամրագրված է նույնիսկ չարտոնված ակցիաներին ոստիկանության միջամտության արգելքը, եթե դրանք խաղաղ բնույթ են կրում։
-
ԿՅԱՆՔԻ ՏԵՐԵՐԸ, ԿԱՄ՝ ՄԱՅՐԱՔԱՂԱՔԱՅԻՆ ՄՈՆՈԼԻՏ. ՓԱՇԻՆՅԱՆԸ ՍԿՍԵԼ Է ՆԱԽԱՊԱՏՐԱՍՏՎԵԼ 2023-Ի ԸՆՏՐՈՒԹՅՈՒՆՆԵՐԻՆ2022-03-31 17:36Փաշինյանը ձևավորում է իր սեփական օլիգարխիան՝ մայրաքաղաքի ընտրությունների հեռանկարով Հայտնի է, որ խոշոր գործարարներ Սամվել Ալեքսանյանը, Խաչատուր Սուքիասյանը և Գագիկ Ծառուկյանը վերահսկում են Երևանի վարչական խոշոր միավորները։
-
2022-03-16 18:14Ինչո՞ւ Տավուշի մարզպետը չի արձագանքում տեղի բնակիչների բողոքներին Եթե նախկին օմբուդսմեն Արման Թաթոյանը չահազանգեր, մայրաքաղաքի հասարակայնությունը դժվար թե իմանար, որ Սյունիքում կառուցվող նոր հիմնական ճանապարհի հատվածները, որը կոչված է դառնալու Կապան–Ճակատեն ճանապարհի այլընտրանքը, նույնպես լինելու են ադրբեջանցիների վերահսկողության տակ:
-
2022-02-22 21:00Պախարակում՝ առանց փաստարկների և ապացույցների Անդրանիկ Քոչարյանը, ոչ դես, ոչ դեն, հայտարարեց, որ քննիչ հանձնաժողովը 44-օրյա պատերազմի հանգամանքների ուսումնասիրությունը սկսելու է բանակցային ժառանգությունից, որպեսզի բացահայտի այն պատճառները, որոնք հնարավոր են դարձրել թուրք-ադրբեջանական ագրեսիան Արցախի Հանրապետության դեմ: Նրա խոսքերով, հանձնաժողովի աշխատանքը բոյկոտելու որոշումը ընդդիմադիր պատգամավորներին թելադրված է «երկու հոգու» կողմից։ 4 տարի անց վարչախումբն առաջվա պես շարժվում է Ռոբերտ Քոչարյանին և Սերժ Սարգսյանին համակարգված կերպով վարկաբեկելու ուղեգծով։