2022-02-23 12:39
Соб.инф.
ԱՐՑԱԽԻՑ ՏԵՂԱՀԱՆՎԱԾ ԸՆՏԱՆԻՔԸ ՏՈՒՆ Է ԿԱՌՈՒՑԵԼ ԵՎ ՀԱՍՏԱՏՎԵԼ ՎԱՅՈՑ ՁՈՐՈՒՄ
Վիվա-ՄՏՍ-ի և «Ֆուլեր տնաշինական կենտրոնի» գործակցությամբ իրականացվող՝ բնակարանաշինության ծրագրի շրջանակում, 2021 թվականի ընթացքում աջակցություն է ստացել 87 ընտանիք, որից 15-ը Արցախից տեղահանված ընտանիքներ են: Գործընկեր կազմակերպությունների ղեկավարները այցելել են Վայոց Ձորի մարզի Աղնջաձոր գյուղ՝ Արցախից տեղահանված Հարությունյանների նորակառույց տուն:
Երեք տասնամյակ առաջ Հարությունյաններն այս գյուղում փորձել են կառուցել իրենց երազանքների տունը, սակայն ֆինանսական անբավարար միջոցներն ու հանգամանքները փոխել են ընտանիքի ծրագրերը: Մի քանի տարի տևած շինարարությունը կիսատ թողնելով՝ Մկրտիչն իր ընտանիքով մշտական բնակության է տեղափոխվել Արցախի Քաշաթաղի շրջան: Կյանքը բարեհաճ չի եղել նաև այդտեղ: Երբ սկսվել է պատերազմը, Մկրտիչը որդիների հետ մեկնել է առաջնագիծ, իսկ կանայք և երեխաները տեղափոխվել են անվտանգ վայր՝ Աղնջաձոր գյուղում գտնվող հին կիսակառույց:
Պատերազմի ավարտից հետո, Հարությունյանների որդիներից ավագն իր ընտանիքով մնացել է Արցախում, մյուսները վերադարձել են Վայոց Ձոր և գործընկեր կազմակերպությունների աջակցությամբ, շարունակել տարիների կիսատ գործը՝ կիսակառույցի շինարարությունը:
«Մեր տարիների քրտնաջան աշխատանքով ստեղծածը պատերազմի պատճառով կորցրեցինք ու «կոտրած տաշտակին» վերադարձանք: Առանց օգնության շինարարությունն ավարտել ու նորմալ պայմաններում ապրել չէինք կարողանա: Չգիտեմ՝ հաջողություն ասեմ, թե ինչ, որ կարողացանք ստանալ ձեր աջակցությունը: Այսօր այտեղ ապրում ենք ութ հոգով, կարելի է ասել՝ երեք ընտանիքով. ես ու կինս, որդուս ընտանիքը, դստերս ընտանիքը: Հիմա, կարծես թե, պատրաստ ենք նոր սկզբին: Մեր երախտագիտությունն անսահման է», -ասել է ընտանիքի հայրը՝ Մկրտիչը:
«Այս ծրագրի իրականացման ամբողջ ընթացքում հանդիպել ենք տարբեր ընտանիքների, որոնց անցած կյանքի ճանապարհը լի է եղել փորձություններով: Եկել եմ այն համոզման, որ եթե մարդիկ առաջնորդվեն միայն իրատեսությամբ՝ շատ խնդիրներ հնարավոր չի լինի հաղթահարել: Եթե մարդիկ չիմանան, որ գիշերվան հաջորդելու է լուսաբացը՝ ամեն ինչ տխուր կլինի: Լավատեսությունը շատ կարևոր է: Դա նպաստում է նրան, որ մարդու կամքն ամրանա: Ուրախ եմ տեսնել, որ բոլոր առումներով բարդ տարիներ հաղթահարած ընտանիքներն սկսել են աստիճանաբար վերադառնալ կյանքի բնականոն հուն»,- ասել է Վիվա-ՄՏՍ-ի գլխավոր տնօրեն Ռալֆ Յիրիկյանը:
«Ծանր փորձություն է բաժին ընկել այս ընտանիքներին. կորցնել ամեն ինչ, ամեն բան սկսել նույն՝ 25 տարի առաջ թողած կետից հեշտ չէ, սակայն ուրախալի է տեսնել, որ այս ընտանիքների մեջ չի պակասում ավյունը, և հիասթափությունը թևաթափ չի անում այս մարդկանց: Մեզ մնում է իրենց կողքին լինել և մեր հնարավորությունների սահմանում օգնել՝ ոտքի կանգնել»,- ասել է «Ֆուլեր տնաշինական կենտրոնի» նախագահ Աշոտ Եղիազարյանը:
Ավելի քան տասը տարի բնակարանաշինության ծրագիր իրականացնող կողմերը՝ Վիվա-ՄՏՍ-ը և «Ֆուլեր տնաշինական կենտրոնը», ցանկալի արդյունք են արձանագրում հանրապետության տարբեր մարզերում: Տարիների գործընկերները կարևոր են համարում ծրագրի ոչ միայն տեսանելի, այլև ընտանիքների վրա՝ դրա հոգեբանական ազդեցության արդյունքը:
Վիվա-ՄՏՍ-ը (ՄՏՍ Հայաստան ՓԲԸ) Հայաստանի շարժական կապի առաջատար օպերատորն է, որն ունի ամենաընդարձակ ցանցը և տրամադրում է ձայնային և տվյալների փոխանցման ծառայությունների բազմազան տեսականի` Հայաստանի ամբողջ տարածքում: Գործունեության հիմք ընդունելով իր բաժանորդների շահերին լավագույնս ծառայելը՝ հիմնադրման օրվանից` 2005թ. հուլիսի 1-ից, Վիվա-ՄՏՍ-ը կարճ ժամանակամիջոցում կարողացել է ստեղծել համահանրապետական ցանց և բաժանորդների մեծ բազա: Վիվա-ՄՏՍ-ը նորարարությունների առաջատար է և հետամուտ է ոլորտի բոլոր զարգացումներին` ի շահ երկրի շարժական հեռահաղորդակցության շուկայի: Վիվա-ՄՏՍ-ը գործունեության մեջ առաջնորդվում է ISO 26000` Սոցիալական պատասխանատվության, ISO/IEC 27001:2013` Տեղեկատվական անվտանգության կառավարման համակարգի, ինչպես նաև ISO 37001` հակակոռուպցիոն և կաշառակերության կանխարգելմանն ուղղված միջազգային ստանդարտներով: Հավելյալ տեղեկություններ ստանալու համար այցելեք www.mts.am։
«Մոբիլնիյե Տելեսիստեմի» ՀԲԸ-ն (ՄՏՍ) Ռուսաստանում և ԱՊՀ երկրներում հեռահաղորդակցության խոշորագույն օպերատոր է: Դուստր ձեռնարկությունների հետ միասին կազմակերպությունը սպասարկում է 86.5 միլիոն բաժանորդի Ռուսաստանում, Հայաստանում և Բելառուսում: 2000թ-ի հունիսից «ՄՏՍ»-ի բաժնետոմսերը գնանշված են Նյու Յորքի բորսայում MBT ծածկագրի տակ: Հավելյալ տեղեկություններ ստանալու համար այցելեք www.mtsgsm.com։
Հայաստանի «Ֆուլեր Տնաշինական Կենտրոնը» բարեգործական հասարակական կազմակերպություն է, որն աջակցում է Հայաստանի և Արցախի հանրապետություններում ցածր եկամուտ ունեցող ընտանիքներին կառուցել և վերանորոգել պարզ, հարմարավետ և մատչելի տներ՝ տալով նրանց երկարաժամկետ, անտոկոս փոխառություններ, ինչպես նաև իրականացնում է տնազոhւրկների շահերի պաշտպանություն՝ դարձնելով այն խղճի հարց և գործելու մղում։ Ամենամսյա ետվճարներից կազմվում է շրջանառու ֆոնդ և օգտագործվում այլ ընտանիքներին աջակցելու նպատակով՝ այսպիսով դառնալով համայնքային զարգացման կայուն ֆինանսական հիմք։ Առ այսօր կազմակերպությունն աջակցել է մոտ 1300 ընտանիքների: Լրացուցիչ տեղեկությունների համար կարող եք այցելել՝ www.fcharmenia.org կամ գրել [email protected] էլ հասցեին:
Галерея (5 фото)
ПОСЛЕДНИЕ ОТ АВТОРА
-
2025-05-02 13:41Правительство Армении заключило договор с организацией Mercury Public Affairs, занимающейся лоббингом и общественными связями, которая в прошлом представляла посольство Турции в Вашингтоне, сообщает 301.
-
2025-05-01 10:40В Ереване, в стенах Объединения ветеранов Республики Армения имени маршала И.Х. Баграмяна, состоялась трогательная и по-настоящему историческая встреча: ветеран Великой Отечественной войны, краснофлотец Лачин Степанян представил публике сборник своих стихов под названием "Моё время, моя Победа". Книга вышла в рамках Книжной серии ДИАЛОГ при поддержке и непосредственном участии руководителя проекта, общественного деятеля Юрия Навояна.
-
2025-04-30 18:47Здание Представительства Республики Арцах не находится под залогом ни в банке, ни в кредитной организации, ни в какой-либо иной структуре, сообщил в соцсети арцахский адвокат Роман ЕРИЦЯН.
-
2025-04-29 11:0628 апреля в компании "Южно-Кавказская железная дорога" отметили Всемирный день охраны труда, который в 2025 году посвящен информационным технологиям в сфере охраны труда: "Революционные подходы к безопасности и гигиене труда. Роль искусственного интеллекта и цифровизации на рабочих местах".
ПОСЛЕДНЕЕ ПО ТЕМЕ
-
2023-09-18 18:43«Yandex Plus» ծառայությունն այժմ հասանելի է Viva-MTS-ի «X» և «Y» սակագնային պլանների կանխավճարային և հետվճարային բաժանորդների համար:
-
2023-09-15 16:51Վիվա-ՄՏՍ-ում ավարտվել է «Viva University» («Վիվա Յունիվերսիթի») կրթական ծրագրի երկամսյա դասընթացը: Շրջանավարտների հերթական խումբը պատրաստ է ձեռք բերած փորձով ու գործնական գիտելիքով տեղ գտնել աշխատաշուկայում և լավագույն արդյունք գրանցել մասնագիտական ոլորտում: Ավարտական հավաստագիր ստացած 22 ուսանող մասնագիտական փորձ է ձեռք բերել երկու՝ տեղեկատվական տեխնոլոգիաների և վաճառքի ու բաժանորդների սպասարկման ոլորտում:
-
2023-09-06 18:03Տվյալների հավաքագրում և բազաների կառավարում, պլանավորում, զարգացում և աջակցություն…. Տարբեր նեղ մասնագիտական խմբերում ընդգրկված 15 ուսանող ՏՏ (տեղեկատվական տեխնոլոգիաների) ոլորտում գործնական գիտելիքներ ստանալու և հմտանալու իրական հնարավորություն է ունեցել Վիվա-ՄՏՍ-ում:
-
2023-09-05 17:35Վիվա-ՄՏՍ-ն իր հաճախորդներին առաջարկում է աշխատանքային հեռախոսահամարներից ստացված և կատարված զանգերի ամբողջական վերահսկման գործիք։ Վիվա-ՄՏՍ-ի առաջարկած՝ կորպորատիվ շարժական և ֆիքսված ծառայությունների նոր կոնվերգենտ լուծումը լայնորեն կիրառվում է շատ ոլորտներում, հատկապես այն ընկերությունների կողմից, որոնք ունեն հեռավար աշխատող ու շրջիկ աշխատակիցներ: