2022-04-15 18:49
Информагентства
Վահե ՀՈՎՀԱՆՆԻՍՅԱՆ․ ՓԱՇԻՆՅԱՆԸ ՀԱՅԱՍՏԱՆԸ ԿԱՐՈՂ Է ՎԵՐԱԾԵԼ ՀԱԿԱՌՈՒՍԱԿԱՆ ՊԼԱՑԴԱՐՄԻ
Փաշինյանի հայտարարությունը նոր էջ բացեց Հայաստանի պատմության մեջ, հին պատկերացումներն ու ձևաչափերն այլևս չկան։ Նման հրեշավոր հայտարարություններից հետո նա չի կարող շարունակել զբաղեցնել երկրի ղեկավարի աթոռը, Փաշինյանը պետք է հրաժարական տա։ Սակայն առանց հետագա քայլերի մասին պատկերացնելու անհնար է փոփոխությունների հասնել, ժողովրդին պետք է ցույց տալ ապագան։ Այս մասին ապրիլի 15-ին կայացած քննարկման ժամանակ հայտարարեց ՀՀ ԱԺ նախկին պատգամավոր, «Այլընտրանքային նախագծեր» խմբի փորձագետ Վահե Հովհաննիսյանը։
Նրա խոսքով՝ իշխող խմբակցության պատգամավորների ծափահարությունները ցույց են տալիս, որ նրանք ստորագրում են Փաշինյանի ելույթի տակ, որից հետո կորցրել են երկրի համար օրենքներ ընդունելու բարոյական իրավունքը։
«Եթե Փաշինյանի արտահայտած դրույթներն իրականություն դառնան, Հայաստանը կդառնա հիմնական հակառուսական պլացդարմ։ Ռուսաստանը դա պետք է լավ հասկանա։ Պատահական չէ այն հակառուսական քարոզչությունը, որ տարվում է ռուսական զորախմբի դեմ»,-ասաց Հովհաննիսյանը։
Նա նկատեց, որ Փաշինյանի հեռանալը, սակայն, չի նշանակում, որ Հայաստանի համար ավտոմատ կերպով բարենպաստ որոշումներ կկայացվեն։
«Լավ է, եթե մեզ հաջողվի խուսափել վատագույնից։ Նախ պետք է փոխել այն նարատիվը, որ Նիկոլը խաղաղություն է, իսկ մնացածը՝ պատերազմ։ Այս նարատիվի գոյությունը համարում եմ քաղաքական ուժերի ամենամեծ ձախողումը, որոնք նոյեմբերի 9-ից հետո չկարողացան փոխել այս իրավիճակը։ Հայաստանի վերականգնման համար գաղափարներ չձևակերպվեցին։ Ակցիաներ, հանրահավաքներ, գործադուլներ․ ամեն ինչ արվեց, բացի այլընտրանք նշելուց։
«Այն ուժը, որը տարավ դեպի պատերազմ, հանգեցրեց պարտությունների և զոհերի, այժմ խոսում է խաղաղության գաղափարի մասին։ Սա աբսուրդ է։ Դրա մեղքն առաջին հերթին քաղաքական ուժերինն է։
Նիկոլը զիջումների միջոցով չի գնում խաղաղության, նա ուղղակիորեն մեզ տանում է դեպի պատերազմ, և նրա հեռանալը պետք է լինի արժանի խաղաղություն ապահովելու ունակ ուժերի գալու երաշխիք։ Ցանկացած այլ բանաձև երկրում քաոսի կբերի։ Սա շատ բարդ խնդիր է»,-ընդգծեց փորձագետը։
Նա հիշեցրեց, որ 30 տարի Հայաստանում իշխանությունները պայքարել են անցյալի դեմ։
«Սա նույնպես աբսուրդ է։ Անցյալի նկարագրությունը լուծում չէ, պետք է պայքարել ոչ թե անցյալի դեմ, այլ ապագայի համար։ Լևոն Տեր-Պետրոսյանի հոդվածը, Կազանը և այլն․ այս ամենն անցյալում է։ Հիմա անձնական հարցերը լուծելու ժամանակը չէ, պետությունը սրընթաց դեգրադացվում է»,-ասաց Հովհաննիսյանը։
Նախկին պատգամավորն առաջարկեց մարդասիրական խոշոր ծրագիր իրականացնել «Խաղաղ Արցախ» կարգախոսով, որը կարող է բարձրացնել վստահությունն Արցախի ապագայի նկատմամբ։
«Քանի դեռ Ռուսաստանն ուժեղ է, Ադրբեջանը լայնածավալ արկածախնդրության չի գնա, և մենք պետք է օգտվենք դրանից և ամրապնդենք խաղաղ կյանքն Արցախում»,-եզրափակեց փորձագետը։
ПОСЛЕДНИЕ ОТ АВТОРА
-
New2025-06-17 08:02В Армению в январе-мае 2025 года прибыли 691 882 туриста, что на 73 562 человека меньше, чем за аналогичный период 2024 года. Это следует из данных, обнародованных Комитетом по туризму Армении.
-
New2025-06-17 07:59На фоне обострения напряженности между Израилем и Ираном Индия начала эвакуацию своих граждан из зон повышенного риска в Иране и активно рассматривает варианты эвакуации через территорию Армении. Об этом пишет The New Indian Express.
-
New2025-06-17 07:56Президент США Дональд Трамп заявил, что в текущей эскалации между Израилем и Ираном преимущество на стороне Израиля. По его словам, Тегеран "не побеждает в этой войне", и единственным выходом из конфликта является начало немедленных переговоров. Такое заявление он сделал во время встречи с премьер-министром Канады Марком Карни на полях саммита G7. Его слова приводит РИА Новости.
-
New2025-06-17 07:55В июне 2025 года 78 из 80 партий срезанных цветов, поставленных из Армении в Россию, не прошли карантинный фитосанитарный контроль в местах назначения. Об этом сообщает Россельхознадзор на своем официальном сайте.