Последние новости

ԱՄԵՐԱԲԱՆԿՆ ԱՐԺԱՆԱՑԵԼ Է «ԿԱՅՈՒՆ ՖԻՆԱՆՍԱՎՈՐՄԱՆ ԳԾՈՎ ԼԱՎԱԳՈՒՅՆ ԲԱՆԿ» ՄՐՑԱՆԱԿԻՆ

Global Finance ամսագիրը հայտարարել է կայուն ֆինանսավորման ոլորտում արդեն երկրորդ անգամ անցկացվող մրցանակաբաշխության հաղթողներին, հաղորդում է Ամերիաբանկի մամուլի ծառայությունը: Ամերիաբանկը ճանաչվել է Հայաստանում «Կայուն ֆինանսավորման գծով 2022 թ-ի լավագույն բանկ»` դառնալով տարածաշրջանի առաջին բանկը, որն արժանանում է այս մրցանակին:

Մրցանակը շնորհվում է կայուն ֆինանսավորման ոլորտում համաշխարհային, տարածաշրջանային և տեղական առաջատար ընկերություններին, որոնք ֆինանսավորում են կլիմայական փոփոխությունների մեղմացմանն ուղղված նախաձեռնություններ` նպաստելով առավել կայուն ապագայի ստեղծմանը:

Հաղթողներն ընտրվում են Global Finance ամսագրի խմբագիրների կողմից ստացված հայտերի և իրականացված անկախ հետազոտության արդյունքների հիման վրա: Գնահատման չափանիշները ներառում են կառավարման քաղաքականություններն ու նպատակները, ինչպես նաև շրջակա միջավայրի և սոցիալական ծրագրերի կայուն ֆինանսավորման ոլորտում գրանցված չափելի ձեռքբերումները:

«Համաճարակը և էներգետիկ ոլորտի խափանումները բարձրացրել են կլիմայի փոփոխության ռիսկերի մասին իրազեկվածության մակարդակը, իսկ տեխնոլոգիական նորարարությունները վնասը նվազեցնելու և կայուն ապագա կառուցելու համար նոր հնարավորություններ են ընձեռում և նոր լուծումներ են առաջարկում: Global Finance ամսագրի կողմից կայուն ֆինանսավորման ոլորտում շնորհվող մրցանակների միջոցով գնահատական է տրվում այն ֆինանսական հաստատություններին, որոնք աչքի են ընկնում նշված ոլորտում պահանջվող բոլոր նախաձեռնությունների բավարար ֆինանսավորմանն ուղղված ջանքերով և նշված երկարաժամկետ խնդիրների լուծման ստեղծարար առաջարկներով», - նշել է Global Finance ամսագրի գլխավոր խմբագիր Ջոզեֆ Ջիարապուտոն:

«Ամերիաբանկի հեռանկարային ռազմավարության հիմքում կայուն զարգացման սկզբունքն է: Մենք շարունակաբար նոր հնարավորություններ ենք փնտրում և ներգրավում ենք միջազգային գործընկերների կայուն ֆինանսավորման մեր պորտֆելն ընդլայնելու համար: Կայուն ֆինանսավորման ոլորտում մենք առաջնորդվում ենք գլոբալ բնապահպանական խնդիրներով և կլիմայի փոփոխության ռիսկերով: Մենք պատասխանատու ենք նշված խնդիրների լուծման գործընթացքում մեր լուման ներդնելու համար: Global Finance ամսագրի կողմից շնորհված մրցանակը շատ մոտիվացնող է: Այն մեզ պարտավորեցնում է առավել շատ ջանքեր գործադրել պատասխանատու բիզնես վարելու և Հայաստանի կայուն ապագան կերտելու ուղղությամբ», - ընդգծել է Ամերիաբանկի Տնօրինության նախագահ-գլխավոր տնօրեն Արտակ Հանեսյանը:

Մեր երկարաժամկետ պարտավորությունն է ստեղծել կայուն միջավայր և աջակցել մեր հաճախորդներին չեզոք ածխածնային տնտեսությանն անցնելու գործում: Ամերիաբանկը մշակել է Կանաչ պարտատոմսերի հայեցակարգ (GBF), որը համահունչ է Կապիտալի շուկայի միջազգային ասոցիացիայի (ICMA*) Կանաչ պարտատոմսերի ներկայիս սկզբունքներին և ՄԱԿ-ի Կայուն զարգացման նպատակներին (SDGs):

2009թ.-ից ի վեր Ամերիաբանկը էներգախնայողության ու էներգաարդյունավետության ծրագրերի ֆինանսավորմանն է ուղղել ավելի քան 225 մլն ԱՄՆ դոլար տարբեր միջազգային ֆինանսական հաստատությունների և ազդեցիկ ներդրողների աջակցությամբ:

2020թ. Ամերիաբանկը դարձավ կանաչ պարտատոմսեր թողարկող առաջին բանկը Հայաստանում և նախատեսում է ընդլայնել նշված գործունեությունը` դառնալով կանաչ պարտատոմսերի թողարկման գծով տարածաշրջանի առաջատարը:

Ամերիաբանկի մասին

Ամերիաբանկը Հայաստանի խոշորագույն ֆինանսական հաստատությունն է և ՀՀ տնտեսական ոլորտի առավել նշանակալի դերակատարներից մեկը, որի ակտիվները գերազանցում են 1 տրիլիոն ՀՀ դրամը։ Հանդիսանալով դինաﬕկ զարգացող ունիվերսալ բանկ, Ամերիաբանկն իր սպասարկման բազմաֆունկցիոնալ հարթակի միջոցով մատուցում է նորարարական բանկային ծառայությունների ընդարձակ փաթեթ` թվային պրոդուկտների հստակ շեշտադրմամբ:

Բանկն առաջնորդվում է հաճախորդամետ քաղաքականությամբ՝ թվային ժամանակակից միջավայրում սպասարկման բարձր որակ և բանկային փորձառություն ապահովելու նպատակով։

Ամերիաբանկը որդեգրել է բիզնեսի պատասխանատու վարման քաղաքականությունը` նպաստելով Հայաստանի անցմանը դեպի կայուն ապագա:

Основная тема:
Теги:

    ПОСЛЕДНИЕ ОТ АВТОРА

    • ЖЕЛЕЗНОДОРОЖНИКИ АРМЕНИИ ОТМЕТИЛИ СВОЙ ПРОФЕССИОНАЛЬНЫЙ ПРАЗДНИК
      2022-08-06 14:27
      3541

      Свой профессиональный праздник – День железнодорожника (отмечается в первое воскресенье августа) сотрудники компании «Южно-кавказская железная дорога» отметили рядом мероприятий. Основные мероприятия прошли в Ереване и в главном железнодорожном городе республики – Гюмри.

    • «ТАШИР» ПРОВЕДЕТ ВТОРОЙ ARMENIAN BUSINESS FORUM В ЕРЕВАНЕ
      2022-08-05 16:41
      4858

      20 сентября в Ереване состоится ведущая ежегодная деловая конференция Armenian Business Forum (ABF) 2022, которая пройдет второй год подряд при поддержке группы компаний «Ташир». Организатором форума, который объединит на одной площадке предпринимателей различных отраслей среднего и крупного бизнеса Армении и ряда других стран, выступает Ассоциация армянских предпринимателей (ААП).

    • АРДШИНБАНК ПРЕДЛОЖИЛ НОВЫЙ ВИД КРЕДИТА ДЛЯ МАЛОГО И СРЕДНЕГО БИЗНЕСА
      2022-08-01 11:43
      5381

      Ардшинбанк объявил о новом типе кредита SME-FLEXI, который поможет предприятиям малого и среднего бизнеса (МСБ), экспортерам и импортерам, решить вопросы текущей ликвидности, пополнения оборотных средств, погашения кредиторской задолженности, таможенного оформления, выполнения налоговых обязательств, а также вопросы выплаты зарплат сотрудникам.

    • С ДНЕМ ЖЕЛЕЗНОДОРОЖНИКА!
      2022-07-29 09:01
      6067

      На днях компания «Южно-кавказская железная дорога» сообщила о двукратном увеличении количества пассажиров в международном сообщении по сравнению с прошлым годом – более 7000 пассажиров. Это данные за первый месяц летних перевозок – с середины июня по середину июля.






    ПОСЛЕДНЕЕ ПО ТЕМЕ