Последние новости
2022-08-30 20:35

ՍԱՀՄԱՆԱՊԱՀ ԳՅՈՒՂՈՒՄ ԿԱՌՈՒՑՎԱԾ ՏՈՒՆ՝ ԳՆԴԱԿՈԾՎԱԾ ԱՎԵՐԱԿԻ ՓՈԽԱՐԵՆ

0
Telegram

Տավուշի սահմանապահ գյուղերից մեկում՝ Ներքին Կարմիրաղբյուրում ապրող Փարսյանները, շուրջ երեսուն տարի տուն կառուցելու խնդիր են ունեցել: Դժվարություններն անցյալում են մնացել միայն վերջերս. ընտանիքում արդեն թոռներ են մեծանում: Վիվա-ՄՏՍ-ի և «Հայաստանի Ֆուլեր տնաշինական կենտրոնի»՝ բնակարանաշինության ծրագրի շնորհիվ, ընտանիքի երրորդ սերնդի համար նոր իրականություն է ստեղծվել:

Փարսյանները դառնությամբ են հիշում ապրած տարիները: Արցախյան առաջին ազատամարտի տարիներին՝ 1993 թվականին, հակառակորդի արձակած արկը տան կտուրից ընկել է ննջասենյակ և ամբողջովին փոխել ընտանիքի կյանքը:

«Միանգամից կրակեցին գյուղի վրա: Մենք էլ հարևան գյուղի մոտ՝ դաշտում, աշխատում էինք: Փախանք, թաքնվեցիք: Այդ ընթացքում լսեցինք, որ մեր տների ուղղությամբ կրակել են: Հեռվից նայեցինք, տեսանք ծուխ… Խաղաղվեց, եկանք, տեսանք գնդակոծել են, արկն էլ տանիքով մտել է ննջասենյակ: Ամբողջ տունն ավերակ էր, ապրելու ենթակա չէր: Երեխաներս փոքր էին, ահավոր վիճակ էր: Տեղափոխվեցինք սար: Երեխաներս մեծացել են սարում», - պատմում է երկար տարիներ երազանքը սրտում ապրած տանտիրուհին՝ Հասմիկ Ղևոնդյանը:

Երեսուներկուամյա Արտակն իր մանկության տնից հիշում է միայն երկրորդ հարկում գնդակոծված առաստաղը և պահպանված առաջին հարկը: Առանձնապես լուսավոր չեն նաև երիտասարդության տարիների հուշերը. գնդակոծված տունը կառուցելու ապարդյուն փորձ և երկու անգամ ընդհատված երազանք՝ երկուսն էլ պատերազմի պատճառով:

«Երկու անգամվա պատճառը եղել է պատերազմը: Մի անգամ փորձել ենք կառուցել, սկսվել է հուլիսյան պատերազմը, որը խանգարել է, երկորդ անգամ՝ 44-օրյա պատերազմն է խանգարել: Մենք մեր ուժերով չէինք կարող այսքանը միանգամից կառուցել», - ասել է տան զավակը՝ Արտակ Փարսյանը:

Փարսյանների գնդակոծված տունը վերջապես կառուցվել է: Ննջասենյակի տեղում այժմ հյուրասենյակն է: Ննջասենյակի լուսավորության հարցն էլ լուծվել է այնպես, որ դեպի սահման նայող պատուհաններ չլինեն: Տանտերերը գիտակցում են, որ իրական վտանգի դեպքում դա էական դեր չի կարող ունենալ, սակայն կարևոր են համարում զգուշավորությունը:

Հայրենի գյուղը շեն պահելը կարևոր նպատակ է Արտակի համար: Նա վստահ է, որ համագյուղացի ընկերները նույն ոգով են ապրում՝ կարևոր համարելով խաղաղությունը:

Գործընկեր կազմակերպությունների՝ Վիվա-ՄՏՍ-ի և «Հայաստանի Ֆուլեր տնաշինական կենտրոնի» աջակցության արդյունքը Տավուշի մարզում էական է եղել. միայն նախորդ տարվա գործակցության արդյունքը զգացել է 19, իսկ տասը տարվա ընթացքում՝ 86 ընտանիք: Փարսյանների ընտանիքն այդ ցանկում է: Համագործակցող կազմակերպությունների շնորհիվ, բնակարանաշինության ծրագրի շրջանակում, Հայաստանի բոլոր մարզերում կարևոր խնդիր է հաղթահարել մոտ 400 ընտանիք:

Վիվա-ՄՏՍ-ը (ՄՏՍ Հայաստան ՓԲԸ) Հայաստանի շարժական կապի առաջատար օպերատորն է, որն ունի ամենաընդարձակ ցանցը և տրամադրում է ձայնային և տվյալների փոխանցման ծառայությունների բազմազան տեսականի` Հայաստանի ամբողջ տարածքում: Գործունեության հիմք ընդունելով իր բաժանորդների շահերին լավագույնս ծառայելը՝ հիմնադրման օրվանից` 2005թ. հուլիսի 1-ից, Վիվա-ՄՏՍ-ը կարճ ժամանակամիջոցում կարողացել է ստեղծել համահանրապետական ցանց և բաժանորդների մեծ բազա: Վիվա-ՄՏՍ-ը նորարարությունների առաջատար է և հետամուտ է ոլորտի բոլոր զարգացումներին` ի շահ երկրի շարժական հեռահաղորդակցության շուկայի: Վիվա-ՄՏՍ-ը գործունեության մեջ առաջնորդվում է ISO 26000` Սոցիալական պատասխանատվության, ISO/IEC 27001:2013` Տեղեկատվական անվտանգության կառավարման համակարգի, ինչպես նաև ISO 37001` հակակոռուպցիոն և կաշառակերության կանխարգելմանն ուղղված միջազգային ստանդարտներով: Հավելյալ տեղեկություններ ստանալու համար այցելեք www.mts.am։

«Մոբիլնիյե Տելեսիստեմի» ՀԲԸ-ն (ՄՏՍ) Ռուսաստանում և ԱՊՀ երկրներում հեռահաղորդակցության խոշորագույն օպերատոր է: Դուստր ձեռնարկությունների հետ միասին կազմակերպությունը սպասարկում է ավելի քան 88 միլիոն բաժանորդի Ռուսաստանում, Հայաստանում և Բելառուսում: 2000թ-ի հունիսից «ՄՏՍ»-ի բաժնետոմսերը գնանշված են Նյու Յորքի բորսայում MBT ծածկագրի տակ: Հավելյալ տեղեկություններ ստանալու համար այցելեք www.mtsgsm.com։

Галерея (9 фото)

Основная тема:
Վիվա-ՄՏՍ

Теги:
Վիվա-ՄՏՍ

ПОСЛЕДНИЕ ОТ АВТОРА

  • ГЕНРИХ ДАНИЕЛЯН: НАДЕЖНАЯ СТРАТЕГИЧЕСКАЯ ОБОРОНА ВМЕСТО КАПИТУЛЯНТСКОЙ ПОЛИТИКИ
    2025-05-27 09:39

    Никол Пашинян не только сдал Арцах и вооружение на 6 миллиардов, но и разворовал ресурсы, на которые можно было бы восстановить армию, способную защитить страну, написал в своем ТГ-канале руководитель молодежного крыла РПА Генрих Даниелян, подчеркнув, что на 7 миллиардов долларов Армения могла бы иметь полноценный противовоздушный щит с С-400, более 4000 беспилотников, и, главное, надёжную стратегическую оборону, а не капитулянтскую политику. Публикацию полностью приводим ниже.

  • АРТАК ЗАКАРЯН: ТЕМ, КТО ИЩЕТ СПОНСОРОВ ДЛЯ ИМПИЧМЕНТА…
    2025-05-26 10:36

    Если есть желание достичь какой-либо цели, то изыскиваются решения, если желания нет, то – тысяча и одна причина, написал на своей странице в ФБ член Исполнительного органа РПА Артак Закарян, обратившись к тем, кто ищет спонсоров для процесса импичмента. Публикацию полностью приводим ниже.

  • МАРО ГОРКИ – ДОЧЬ ХУДОЖНИКА АРШИЛА
    2025-05-26 10:33

    Весной в Лондоне проходят сразу две выставки Маро Горки - дочери одного из основоположников абстрактного экспрессионизма Аршила Горки.

  • ВАРДАН ХАЧАТРЯН: ГОСУДАРСТВО ДОЛЖНО РАСТРУБИТЬ ОБ ЭТОМ ПОВСЮДУ, ОБЩЕСТВО – ДАТЬ ЧЕТКИЙ ОТВЕТ
    2025-05-26 09:41

    Следует обратиться в Ватикан, еще раз все это хорошо аргументировать и получить желаемые ответы, чтобы подобные провокационные действия не удостоились бы симпатий мирового сообщества, убежден философ, теолог, бывший депутат НС Вардан Хачатрян. Так он прокомментировал 168.am состоявшуюся в Баку встречу по вопросу возобновления деятельности «Иреванского кадиата» и назначения нового кади так называемого «Западного Азербайджана». По словам Хачатряна, в подобных вопросах государство должно в первую очередь прислушаться к профессионалам и провести обсуждение существующих проблем, которые несут в себе невообразимую опасность, а затем обратиться в те инстанции, куда эти же профессионалы обратиться не могут. Публикацию полностью приводим ниже.

ПОСЛЕДНЕЕ ПО ТЕМЕ