2022-10-03 09:09
Информагентства
«Թաթոյան» հիմնադրամ․ ՀԱՅ ԶԻՆԾԱՌԱՅՈՂՆԵՐԻՆ ԳՆԴԱԿԱՀԱՐՈՂՆԵՐԸ ՆՈՐԱՍՏԵՂԾ «KOMANDO» ՋՈԿԱՏԻ ԶԻՆՎՈՐԱԿԱՆՆԵՐՆ ԵՆ
Հայ գերեվարված զինծառայողներին գնդակահարելու տեսանյութում հանցանքը կատարողները նորաստեղծ ադրբեջանական «Կոմանդո» («Komando») ջոկատի զինվորականներն են: Այս մասին հայտնել է ՀՀ մարդու իրավունքների նախկին պաշտպան Արման Թաթոյանը՝ ներկայացնելով Իրավունքի և արդարության կենտրոն «Թաթոյան» հիմնադրամի ուսումնասիրությունը:
Նրա խոսքով, սա նաև բխում է տելեգրամյան ալիքների տվյալներից:
«Հայաստանի դեմ 2022թ. սեպտեմբերի 13-15-ն Ադրբեջանի սանձազերծած պատերազմի ընթացքում ռազմական գործողություններին այդ ջոկատի ակտիվ ներգրավվածությունը փաստվում է նաև տելեգրամյան ալիքներով հրապարակված բազմաթիվ տեսանյութերում նրանց կրած համազգեստի արտաքին հատկանիշներով, նմանություններով, համադրությամբ: Դրանից բացի, առկա են տեսանյութեր 2022թ. սեպտեմբերի 13-15-ից հետո «Կոմանդո» ջոկատի զորացրումների վերաբերյալ, որտեղ նույնպես նրանք նույն համազգեստով են, ինչ հիշատակված տեսանյութում:
Այս ջոկատը ստեղծվել է հատուկ նպատակով, այդ թվում՝ վայրագությունների ու դաժանությունների միջոցով ահաբեկելու հայ բնակչությանը։ Մենք այս պնդումն անում ենք օբյեկտիվ ապացույցների հիման վրա», - նշել է Թաթոյանը:
Նա նաև տեղեկացրել է, որ ադրբեջանական պատերազմական հանցանքները հիմնավորող ապացույցների մանրամասն ուսումնասիրման գործընթացը շարունակվում է և դրանք պատշաճ կամրագրվեն և կուղարկվեն նաև միջազգային գործընկերներին։
«Մի բան միանշանակ է. Հայաստանը պետք է անհապաղ դիմի Միջազգային քրեական դատարան`թեկուզ այս փուլում որոշակի ժամանակով ճանաչելով դատարանի իրավազորությունը` առանց վավերացնելու: Առաջնահերթն Ադրբեջանի իշխանությունների, բանակի ու հատուկ ծառայությունների ղեկավարների միջազգային քրեական պատասխանատվության հարցն է: Այս անձանց միջազգային քրեական հետապնդումը, անգամ առնվազն այդ գործընթացի նախաձեռնումը կարող է ունենալ կանխարգելող նշանակություն: ՀՀ-ի դեմ ադրբեջանական շարունակվող այս զանգվածային պատերազմական հանցագործությունների պայմաններում դա պետք է անել րոպե առաջ: Արտաքին աշխարհին ուղղված միայն կոչերով ու պահանջներով այս հարցերում անհրաժեշտ արդյունքի չեն հասնում: Պետք է գործադրել կոնկրետ մեխանիզմներ», - նշել է Թաթոյանը:
Հոկտեմբերի 2-ի առավոտյան սոցցանցերում հրապարակվել է տեսանյութ, որում երևում է, թե ինչպես են ադրբեջանցի զինծառայողները դաժանորեն գնդակահարում հայ ռազմագերիների: ՀՀ ՊՆ-ն «Նովոստի-Արմենիան»-ին հաստատել է տեսանյութի իսկությունը: Հաղորդվում է, որ նախնական ամսաթիվը 2022թ.-ի սեպտեմբերի 13-14-ն է:
ПОСЛЕДНИЕ ОТ АВТОРА
-
New2025-06-03 18:32На фоне растущей политической фрустрации и снижения общественного доверия к институтам власти в Армении всё большую озабоченность вызывает трансформация публичного поведения высших должностных лиц – в особенности премьер-министра Никола Пашиняна и его фактической спутницы Анны Акопян. Скандальные высказывания, участие в образовательных инициативах с идеологическим подтекстом, нападки на Церковь и традиционные ценности – всё это формирует новый стиль правления, в котором пропаганда и манипуляция подаются как норма. Вместо экспертов – агитация. Вместо образования – псевдопросветительские шоу. Вместо ценностей – размытые сигналы «новой нормы».
-
New2025-06-03 16:46В столице Турции состоялась церемония открытия мемориала Талаату-паше – одному из главных организаторов Геноцида армян.
-
New2025-06-03 16:42Я была рада принять участие в мероприятии по запуску сверхсовременного тренажёра стоимостью 3,4 миллиона долларов, который поможет обеспечить безопасную эксплуатацию АЭС. Об этом заявила посол США в Армении Кристина Квин.
-
New2025-06-03 16:28Член студенческого совета ЕГУ Оганес Шамрикян на своей странице в Facebook представил некоторые подробности вчерашней встречи с Николом Пашиняном и студентами ЕГУ.