Последние новости
2022-10-31 08:47

ԳՈՐԾԸՆԿԵՐՈՒԹՅՈՒՆ՝ ՀԱՅԱՍՏԱՆԻ ԱՆՏԱՌԱԾԱԾԿՈՒՅԹԸ ՄԵԾԱՑՆԵԼՈՒ ԵՎ ԱՆԱՊԱՏԱՑՄԱՆ ԴԵՄ ՊԱՅՔԱՐԻ ՀԱՄԱՐ

0
Telegram

Կլիմայի փոփոխությունը լուրջ մարտահրավեր է դարձել աշխարհի համար: Դրանից զերծ չէ նաև տարածաշրջանում անտառների մակերեսով վերջին տեղը զբաղեցնող Հայաստանը: Ընդամենը 11% անտառածածկույթը բավարար չէ «թոքերի» գործառույթ իրականացնելու համար: Կա և անտառների ծավալը մեծացնելու և դրա շնորհիվ անապատացման վտանգը կանխելու անհրաժեշտություն:

Ապագա սերնդին հնարավոր խնդիրներից ազատելու և կյանքի տարբեր ոլորտներում զարգացմանը նպաստելու գիտակցությունը շարունակում է կարևոր տեղ զբաղեցնել Հայաստանի հեռահաղորդակցության առաջատար օպերատորի՝ Վիվա-ՄՏՍ-ի արժեհամակարգում: Արդեն 17 տարի, Հայաստանի տարբեր մարզերում բնապահպանական նշանակության ծրագրեր իրականացնող ընկերությունն անտարբեր չի մնացել նաև այս տարի: Վիվա-ՄՏՍ-ի և «Իմ անտառ Հայաստան» բնապահպանական հասարակական կազմակերպության համատեղ ջանքերով, աշնանը 20 000 ծառ կտնկվի:

Նոր համագործակցության մեկնարկը տրվել է «Իմ անտառ Հայաստան» կազմակերպության՝ Լոռու մարզում գործող «Պենժամին Գումուշճեան» տնկարանում կազմակերպված շրջայցով, որի ընթացքում Վիվա-ՄՏՍ-ի գլխավոր տնօրեն Արմեն Ավետիսյանն անվանական ծառ է տնկել «Հյուրերի ծառուղում»: Այս տնկարանում աճեցվող տնկիներն էլ առաջիկայում իրենց տեղը կգտնեն Լոռու անտառպատման տարածքներից մեկի լանջերին: Ջրաշեն-2՝ դեռևս լերկ 6 հա տարածքու այս աշնանը կտնկվի 20 000 ծառ: Ծառատունկին կմասնակցեն նաև Վիվա-ՄՏՍ-ի աշխատակիցները:

«Ինչու՞ է տեխնոլոգիական և հեռահաղորդակցային ընկերությունն այսօր այստեղ: ՏՀՏ ոլորտի նպատակները հստակ են. դա տեխնոլոգիաների անդադար զարգացումն ու կիրառումն է՝ մարդու և բիզնեսի կարիքների համար: Մենք ջանք չենք խնայում այս ոլորտում առաջատարը լինելու համար: Իսկ բնապահպանության հարցում մոտեցումն այլ է: Միջամտությունը շրջակա միջավայրին պետք է համահունչ լինի բնության զարգացման օրենքներին: Համայնքների կայուն զարգացումը, բնության հետ ներդաշնակ ապրելու անհրաժեշտությունը պարտավորեցնում են պատասխանատվությամբ վերաբերվել մեր գործունեությանը: Եթե մենք այսօր անտարբերության մատնենք խնդիրները, վաղը դրանց հետևանքները կարող են զգալ մեր երեխաները: Այն, ինչ անում ենք՝ կարևոր է էկոհամակարգի պահպանության համար: Բնապահպանական մեր գործունեությունը միտված է արդյունքներ ապահովելուն՝ երկարաժամկետ կտրվածքով, - ասել է Վիվա-ՄՏՍ-ի գլխավոր տնօրեն Արմեն Ավետիսյանը:

Համատեղ ծրագրով գործընկերները կլուծեն ոչ միայն բնապահպանական, այլև մասամբ մարզի բնակչության զբաղվածության խնդիրը: Դա իր հերթին կնպաստի մարզի սոցիալական ապահովության և տնտեսական վիճակի բարելավմանը։ «Իմ անտառ Հայաստան» բնապահպանական հասարակական կազմակերպության հիմնական աշխատողների գրեթե 80%-ը Լոռու մարզի բնակիչներ են։ Նրանք աշխատում են կազմակերպության երկու տնկարաններում, հայկական էնդեմիկ ծառերի սերմերից ստանում են տնկիներ և զբաղվում տնկիների խնամքով։ Ծառատունկի և խնամքի շրջանում այս տարի հիմնական աշխատողներին է միացել շուրջ 250 հոգի՝ դարձյալ Լոռու մարզից։

«Մենք գիտակցում ենք, որ պիտի աշխատենք հենց այսօր, որպեսզի 50 տարի անց Հայաստանն ունենա բավարար ջրային ռեսուրսներ։ Եթե հիմա չգործենք, վաղն արդեն ուշ կլինի։ Ուրախ ենք, որ Հայաստանում գործող ընկերությունները ևս կարևորում են անտառվերականգնման խնդիրը և միանում են մեզ՝ միասին իրականացնելու այս աշխատանքը։ Վիվա-ՄՏՍ-ն այս գործին մասնակից է դարձնում նաև իր աշխատակիցներին՝ որպես կամավորներ, ինչը նույնպես շատ կարևոր է, քանի որ մարդիկ անձամբ իրենց ներդրումն են ունենում, նաև ավելի լավ են գիտակցում, թե ինչ դժվար ու երկարատև գործ է անտառ հիմնելը»,- ասել է «Իմ անտառ Հայաստան» բնապահպանական հասարակական կազմակերպության հիմնադիր և գլխավոր տնօրեն Անտրէ Գումուշճեանը:

Հայաստանում անտառվերականգնման նպատակով ստեղծված «Իմ անտառ Հայաստան» կազմակերպության տնկարաններում սերմերից աճեցվում է 15 տեսակի ծառ՝ տեղածին անտառային տեսակներից: Մասնավորապես՝ կաղնի, թխկի, բոխի, սոճի, հաճարենի, կեչի, վայրի խնձորենի, վայրի տանձենի և այլն: Խնամվող տնկիները մեկ-երկու տարուց տեղափոխվում են տնկադաշտ: Անհրաժեշտ խնամքը շարունակվում է նաև ծառատունկից հետո՝ շուրջ 3 տարի: Այդ ժամանակահատվածը բավարար է լինում համոզվելու, որ տարածքը մի քանի տարի հետո անտառ է դառնալու։

Ընթացիկ տարվա աշնանն ու գարնանը 20 000 ծառ տնկելու համար Վիվա-ՄՏՍ-ը ներդրել է 12,6 միլիոն դրամ:

Галерея (7 фото)

Основная тема:
Վիվա-ՄՏՍ

Теги:
Վիվա-ՄՏՍ

ПОСЛЕДНИЕ ОТ АВТОРА

  • ՀԵՂԻՆԱԿՈՒԹՅԱՆ ԿԱՌԱՎԱՐՈՒՄԸ ՀԱՅԱՍՏԱՆՈՒՄ. ՇՈՒՇԱՆ ՀԱՐՈՒԹՅՈՒՆՅԱՆ
    2025-08-02 00:42

    Ներկայացնում ենք փորձագիտական կարծիք Հայաստանում հեղինակության կառավարման և հանրային կապերի խնդիրների մասին` ԱքսելՄոնդրիան ընկերության համահիմնադիր` Շուշան Հարությունյանի կողմից

  • СБОРНИК СТАТЕЙ «ГЕРОИЗМ, ПАМЯТЬ И ДИАЛОГ ПОКОЛЕНИЙ»
    2025-07-31 10:00

    Вышел в свет сборник статей «Героизм, память и диалог поколений», который включает в себя избранные публикации СМИ и фотографии о ереванских мероприятиях, проведенных в апреле-мае и посвящённых 80-летию Великой Победы и арцахскому культурному наследию. Эти мероприятия проводились Организацией ДИАЛОГ или в партнерстве с ней, имели широкий охват общественных и научно-образовательных кругов, а также арцахских соотечественников.

  • АРМЕН ОВАСАПЯН: НИКОЛ И ЕГО ВЛАСТЬ – ВНЕДРЕННЫЕ ПРОДАЖНЫЕ НАЙМИТЫ, ИЗНУТРИ ОТКРЫВАЮЩИЕ ВОРОТА ДОМА
    2025-07-31 08:54

    Эта власть не ошибается, а действует по программе, конечным результатом которой должно стать разрушение национального суверенитета, культуры, образования и систем безопасности: они – внедренные агенты, которые на самом деле не открывают двери в будущее, а снимают последние замки, за которыми пока еще живет надежда на независимость, написал на своей странице в ФБ член Совета РПА Армен Овасапян. Публикацию полностью приводим ниже.

  • MYINVEST ACADEMY: ПЕРВАЯ АРМЯНОЯЗЫЧНАЯ ОБРАЗОВАТЕЛЬНАЯ ПЛАТФОРМА ПО ИНВЕСТИЦИЯМ В МОБИЛЬНОМ ПРИЛОЖЕНИИ (Видео)
    2025-07-30 11:49

    Платформа MyInvest Америабанка запустила MyInvest Academy, предназначенную для тех, кто хочет начать свой путь в сфере инвестиций.  Это первая армяноязычная образовательная платформа по инвестициям, доступная прямо в мобильном приложении и бесплатная. Академия позволяет изучать инвестиции с нуля, шаг за шагом знакомясь с основными понятиями и углубляя свои знания по каждой теме: от облигаций до акций, инвестиционных фондов, золота, нефти и т. д.  

ПОСЛЕДНЕЕ ПО ТЕМЕ