Последние новости
2023-03-29 09:41

8 ՄԵՋԲԵՐՈՒՄ ՆԻԿՈԼԱՅ ՊԱՏՐՈՒՇԵՎԻ ՀԱՐՑԱԶՐՈՒՅՑԻՑ

0
Telegram

Մարտի 27-ին «Ռոսիյսկայա գազետա»-ն հարցազրույց է հրապարակել  Ռուսաստանի Անվտանգության խորհրդի քարտուղար Նիկոլայ Պատրուշևի հետ, որի առիթը մարտի 28-ին մեկնարկող ամերիկյան վարչակազմի կողմից կազմակերպված «Ժողովրդավարության գագաթնաժողովն» էր։

Ձեր ուշադրությանն ենք ներկայացնում 8 մեջբերում Նիկոլայ Պատրուշևի հետ հարցազրույցից:

1. Երեսպաշտորեն խոսելով ընտրության ազատության մասին՝ ԱՄՆ-ն, որն ինքն իրեն հռչակել է աշխարհի գլխավոր բռնապետ, իրականում պարզապես ծաղրելու է այն երկրներին, որտեղ հենց իրենց կողմից ոտնահարվում են ինքնիշխանությունն ու ժողովրդավարությունը։

2. Նրանց մոտ ժողովրդավարությունը պարզապես պետական համակարգի գեղեցիկ ճակատն է, որը կոչված է քողարկելու շարքային ամերիկացիների իրավունքների անտեսումը։ Յուրաքանչյուր ոք, ով ուշադիր ուսումնասիրել է Միացյալ Նահանգների իրավական և հասարակական-քաղաքական համակարգը, այդ երկրում խոսքի և կամարտահայտության ազատության մասին պատրանքներ չունեն:

3. Առնվազն 1945 թվականից ի վեր, գլոբալ մասշտաբով լարվածության ցանկացած աճի աղբյուրը ԱՄՆ իշխանությունների՝ աշխարհում իրենց առաջատար դերը պահպանելու անսանձ ցանկությունն է։

4. Հիշենք, թե ինչպես էին նույն անգլոսաքսերը 1930-ականներին կերակրում նացիստներին՝ հույս ունենալով նրանց ուղղորդել Խորհրդային Միության դեմ։ Երկրորդ համաշխարհային պատերազմի արդյունքներով ֆինանսական և աշխարհաքաղաքական դիվիդենտներ վաստակելով՝ Վաշինգտոնն ու Լոնդոնն այսօր կրկին անձնատուր են լինում նացիզմին և ֆաշիզմին։

5. Եվրամիության փլուզումը հեռու չէ: Բնականաբար, եվրոպացիները չեն հանդուրժի այդ վերազգային վերնաշենքը, որը ոչ միայն իրեն չի արդարացնում, այլև Հին աշխարհին մղում է մեր երկրի հետ բացահայտ հակամարտության։

6. Դեռ Սառը պատերազմի տարիներին Պենտագոնը ԽՍՀՄ-ի կողմից ամենափոքր վտանգի դեպքում պատրաստ էր Եվրոպան վերածել ռադիոակտիվ անապատի։ Դժվար թե ինչ-որ բան փոխված լինի ամերիկացի ռազմավարների մտքերում։

7. ԱՄՆ-ը տիրում է Եվրոպայում՝ անտեսելով այն փաստը, որ մայրցամաքի առաջատար դերը պատմականորեն վերապահված էր Ռուսաստանին։ 19-րդ դարում՝ Ռուսական կայսրությանը, 20-րդ դարում՝ Խորհրդային Միությանը։ Այդպես է լինելու նաև 21-րդ դարում։

8. Ռուսաստանը իրեն օգնության համար դիմած ցանկացած ժողովրդի ինքնիշխանության և պետականության պատմական պաշտպանն է: Այն առնվազն երկու անգամ փրկել է Միացյալ Նահանգները՝ Անկախության պատերազմի և Քաղաքացիական պատերազմի ժամանակ: Սակայն կարծում եմ, որ այս անգամ նպատակահարմար չէ Միացյալ Նահանգներին օգնել պահպանել իրենց ամբողջականությունը:

Mediamax.am

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ