2023-05-27 12:51
Информагентства
ՊԵԿ-ը պատվիրել է հայ-թուրքական սահմանին «Մարգարա» մաքսակետի նախագիծը
Պետական եկամուտների կոմիտեն պատվիրել է հայ-թուրքական սահմանին «Մարգարա» մաքսային կետի կառուցման նախագիծը։ Տեղեկությունը հայտնում է «Հետք» պարբերականը։
Նախագծանախահշվային փաստաթղթերի կազմման համար մայիսի 25-ին ՊԵԿ-ը պայմանագիր է կնքել «Արբակ և որդիներ» ՍՊԸ-ի հետ։ Պայմանագրի արժեքը կազմում է 28 մլն 291 հազար դրամ։
ՊԵԿ-ը գնումն իրականացրել է «հրատապ մեկ անձ» ընթացակարգով, որի անցկացման թույլտվությունը կառավարությունից ստացել էր 2023 թվականի ապրիլի 21-ին` գործադիրի ընդունած որոշմամբ։ Նախագծի կազմումից հետո սկսվելու են շինարարական աշխատանքները, որոնք իրականացնելու է «Արտկոն» ՓԲԸ-ն։
Այս ընկերությունն, ի դեպ, կառուցել է Նորքի ինֆեկցիոն հիվանդանոցի մոդուլային հատվածը:
Շինարարական աշխատանքների, ինչպես նաև անհրաժեշտ սարքավորումների և գույքի արժեքը` ներառյալ տեխնիկական և հեղինակային հսկողությունները, նախագծի փորձաքննությունը, խոշորացված հաշվարկներով, ըստ ՊԵԿ-ի, կազմելու է 732 մլն 805 հազար դրամ։
ՊԵԿ-ի և «Արբակ և որդիներ» ՍՊԸ-ի միջև կնքված պայմանագրի տեխնիկական բնութագրի համաձայն՝ «Մարգարա» մաքսակետում նախատեսվում է կառուցել մեկհարկանի սպասարկման սրահ, ավտոմեքենաների ձևակերպման 2 տաղավար, հերթափոխի հանգստի 2 տաղավար, մեկհարկանի զննման մասնաշենք, ավտոկայանատեղիներ, հարթակներ, ներտարածքային ճանապարհներ, 2 հսկիչ-անցագրային կետ և մեկհարկանի պահեստային մասնաշենք։
Իրավաբանական անձանց պետական ռեգիստրի տվյալներով՝ նախագիծը մշակող «Արբակ և որդիներ» ՍՊԸ-ն հիմնադրվել է 2001 թվականի փետրվարի 15-ին։ Ընկերության սեփականատերն ու տնօրենը ճարտարագետ Արբակ Հովհաննիսյանն է։
ՊԵԿ-ի և «Արբակ և որդիներ» ընկերության միջև կնքված պայմանագիրը հրապարակվել է Ֆինանսների նախարարության armeps.am էլեկտրոնային հարթակում։
Sputnik Արմենիա
ПОСЛЕДНИЕ ОТ АВТОРА
-
2025-08-05 14:02Возможное подписание мирного договора между Арменией и Азербайджаном под эгидой США может создать серьезные риски для внешней политики и системы безопасности Армении. Об этом заявил зампредседателя Республиканской партии Армении Армен Ашотян на пресс-конференции во вторник, отвечая на вопрос Sputnik Армения.
-
2025-08-02 00:38Представляем экспертное мнение по вопросам управления репутацией и связей с общественностью в Армении от Шушан Арутюнян, соучредителя коммуникационной компании AxelMondrian.
-
2025-08-01 19:14Зампредседателю Республиканской партии Армену Ашотяну изменена мера пресечения - с домашнего ареста на административный надзор. Об этом Sputnik Армения сообщил адвокат Ашотяна Тигран Атанесян.
-
2025-08-01 16:32Первый заместитель председателя комитета Госдумы России по делам СНГ Константин Затулин предложил включить политолога Сергея Маркова в список иноагентов из-за дифирамбов, которые он произносил в адрес президента Азербайджана Ильхама Алиева, а затем попыток оправдаться за это. EADaily приводит полный текст заявления Затулина, которое он опубликовал 1 августа в телеграм-канале.