2023-06-07 17:03
Информагентства
Կոչ ենք անում Ադրբեջանին՝ ապահովել Լաչինի միջանցքով ազատ տեղաշարժը․ ԱՄՆ-ի պատասխանը Բայրամովին
Վիեննայում ԵԱՀԿ Մշտական խորհրդի հատուկ նիստում Ադրբեջանի ԱԳ նախարար Ջեյհուն Բայրամովի ելույթին իր արձագանքում կազմակերպությունում ԱՄՆ դեսպան Մայքլ Քարփենթերն անդրադարձել է նաև Արցախում տիրող իրավիճակին, հաղորդում է Factor.am-ը:
Նա նշել է, որ հավատում են՝ «առաջընթացի միակ ճանապարհը խաղաղությունն է, երկխոսությունը և Ադրբեջանի ու Հայաստանի միջև հարաբերությունների կարգավորումը՝ միմյանց ինքնիշխանության և տարածքային ամբողջականության նկատմամբ փոխադարձ հարգանքի հիման վրա»։
«Պետքարտուղար Բլինքենից մեջբերում՝ «Հարավային Կովկասում խաղաղությունը հնարավոր է ձեռք բերել»։ Մենք իսկապես հավատում ենք դրան: ԱՄՆ-ն մեծ նշանակություն է տալիս Հայաստանի և Ադրբեջանի միջև ուղիղ բանակցություններին։ Տևական և կայուն խաղաղության համաձայնագրի ձեռքբերման, հարաբերությունների կարգավորման, սահմանների ուրվագծման և սահմանազատման, տրանսպորտային և հաղորդակցության կապերի բացման, Լեռնային Ղարաբաղի տարածաշրջանում բոլոր մարդկանց իրավունքների և անվտանգության ապահովման համար ծանր աշխատանք կատարելը մեծ դիվիդենտներ կբերի Ադրբեջանին։ Կոչ ենք անում կողմերին զերծ մնալ սադրիչ, սպառնալից կամ թշնամական գործողություններից կամ հռետորաբանությունից»,- ասել է ԱՄՆ դիվանագետը։
Նա անդրադարձել է նաև Ադրբեջանի կողմից Լաչինի միջանցքի ապօրինի փակմանն ու դրա առաջացրած հետևանքներին։
«Որպես անվտանգության բարելավման ելակետ՝ մենք կոչ ենք անում Ադրբեջանին քայլեր ձեռնարկել Լեռնային Ղարաբաղ գազի և էլեկտրաէներգիայի մշտական մատակարարումն ապահովելու, ինչպես նաև ապրանքների և մարդկանց ազատ հոսքն ու տեղաշարժն ապահովելու համար, այդ թվում՝ Լաչինի միջանցքով։ Այս առիթով կոչ եմ անում Ադրբեջանին հավատարիմ լինել Արդարադատության Միջազգային դատարանի փետրվարի 22-ի որոշման տառին ու ոգուն»,- ասել է Քարփենթերը։
Դիմելով Բայրամովին՝ նա նշել է, որ «ԱՄՆ-ը կշարունակի աշխատել Ադրբեջանի և Հայաստանի հետ երկկողմ, բազմակողմ, նաև գործընկերների միջոցով, ինչպիսիք են ԵՄ-ն և միջազգային կազմակերպությունները, ինչպիսին է նաև ԵԱՀԿ-ն՝ օգնելու հասնել կայուն և արժանապատիվ խաղաղության»։
News.am
ПОСЛЕДНИЕ ОТ АВТОРА
-
New2025-05-20 17:52Бывший депутат парламента Самвел Фарманян в своей публикации обратился к отдельным эпизодам из недавнего интервью второго президента Армении Роберта Кочаряна, которые касались смены власти в 2018 году.
-
New2025-05-20 17:29Власти Армении начали подвергать ревизии историю собственной страны и народа, пишет в своей статье для группы "Альтернативные проекты" экс-глава МИД Ара Айвазян.
-
New2025-05-20 17:27В одном из служебных кабинетов второго административного здания главы города Бюрегаван Котайкской области была установлена граната. О получении такого сообщения Armenia Today заявили в управлении по связям с общественностью и СМИ полиции МВД. СК возбудил уголовное дело по факту инцидента.
-
New2025-05-20 17:25Главы МИД России и Турции – Сергей Лавров и Хакан Фидан – обсудят ситуацию на Южном Кавказе в ходе визита турецкого дипломата в Москву. Об этом официальный представитель МИД РФ Мария Захарова заявила на брифинге.