ՀՀ ԻՇԽԱՆՈՒԹՅՈՒՆՆԵՐԸ ՀԱՄԱՌՈՐԵՆ ՁԳՏՈՒՄ ԷԻՆ ԱԼԱՎԵՐԴՈՒ ՔԱՂԱՔԱՊԵՏԻՆ ՀԵՌԱՑՆԵԼ ՃՆՇՈՒՄՆԵՐԻ ՄԻՋՈՑՈՎ
Վերջին ամիսներին պարբերաբար ահազանգեր էին ստացվում, որ ճնշումների միջոցով փորձ է արվում հեռացնել Ալավերդի համայնքի ղեկավարին՝ «Ապրելու երկիր» կուսակցությունը ներկայացնող Արկադի Թամազյանին, և իշխանությունները համառ ջանքեր են գործադրում նրան հեռացնելու ճնշումների և ահաբեկման միջոցով։ Այս մասին ասվում է մի շարք ոչ կառավարական կազմակերպությունների՝ News.am-ին տրամադրած հայտարարության մեջ։ Հայտարարության մեջ նշում է նաև.
«Համայնքի ղեկավարին անվստահություն հայտնելը ճնշումներով չի կարող իրականացվել։ Այն կիրառվել է նաև ավագանու իշխող «Քաղաքացիական պայմանագիր» խմբակցության անդամ Մարիաննա Պեպանյանի նկատմամբ, որը համաձայն չի եղել նման օրակարգի հետ։ Ավագանու մյուս անդամների վրա ճնշումների մասին ահազանգեր ևս եղել են։
Բռնության կիրառման արդյունքում արգելափակվել է այն շենքի մուտքը, որտեղ անցկացվել է նիստը։ Ոստիկանությունը փորձել է այս սահմանափակումը հիմնավորել՝ ասելով, որ միջոցներ են ձեռնարկում ավագանու անդամների անվտանգությունն ապահովելու համար։ Իրավապահները արգելափակել են նաև բնակիչների մուտքը, ինչը նիստի հրապարակայնության մասին օրենքի խախտում է։
Վերոնշյալ հանդիպմանը միջամտել է իշխող կուսակցության պատգամավոր Արեն Մկրտչյանը, որը նաև հայհոյանքներ է հնչեցրել համայնքի գործող ղեկավարի հասցեին։
«Ապրելու երկիր» կուսակցության խմբակցությունը լքած Սիմոն Զախարովին Ալավերդու բժշկական կենտրոնի տնօրենի պաշտոնն են խոստացել՝ նրա մասնակցության և քվեարկության համար։ Արդյունքում՝ օրենքի խախտմամբ տեղի ունեցած նիստում համայնքի ղեկավար է ընտրվել «Քաղաքացիական պայմանագիր» կուսակցության խմբակցության ղեկավար Դավիթ Ղումաշյանը։
Կարծում ենք, որ նիստն ինքնին անօրինական է, ուստի դրա արդյունքում ընդունված որոշումները չեն կարող օրինական համարվել։ Մենք դատապարտում ենք օրենսդիր և գործադիր իշխանությունների միջամտությունը տեղական ինքնակառավարման գործերին, ինչպես նաև այլ համայնքներում բազմիցս տեղի ունեցած ավագանու անդամների և քաղաքացիների օրինական շահերի խախտումները։
Խստորեն դատապարտում ենք պատգամավոր Արեն Մկրտչյանի, իրավապահ մարմինների և Լոռու մարզպետ Արամ Խաչատրյանի միջամտությամբ Ալավերդու ավագանու ապալեգիտիմացումը։
Իրավապահ մարմիններից պահանջում ենք հետաքննել ոստիկանության գործողությունների օրինականությունը, ինչպես նաև հանցագործության հանցանշաններ պարունակող վերը նշված բոլոր գործողությունները։
Օրենսդիր և գործադիր իշխանությունների կողմից տեղական ինքնակառավարման համակարգի նկատմամբ նման ոտնձգություններն ու ճնշումները խախտում են քաղաքացիների կամքը և աստիճանաբար ոչնչացնում ընտրական գործընթացներում արձանագրված խորհրդանշական առաջընթացը։ Իշխանությունները պարտավոր են հանդես գալ պարզաբանումներով»։
Հայտարարությունը ստորագրել են Գյումրու Ժուռնալիստների «Ասպարեզ» ակումբը, Հելսինկյան Քաղաքացիական Ասամբլեայի Վանաձորի գրասենյակը, «Թրանսփարենսի Ինթերնեշնլ» հակակոռուպցիոն կենտրոնը, Երևանի մամուլի ակումբը և այլ կազմակերպություններ։
ПОСЛЕДНИЕ ОТ АВТОРА
-
2025-08-07 16:48
Летняя жара может стать серьёзным испытанием для смартфонов, вызывая перегрев и ускоряя износ их компонентов. Мастер по ремонту техники с платформы «Авито Услуги» Михаил Демидов поделился с «Газетой.Ru» рекомендациями, как защитить устройство в жаркую погоду и избежать поломок. Вот ключевые советы, которые помогут продлить срок службы вашего смартфона.
-
2025-08-05 14:02
Возможное подписание мирного договора между Арменией и Азербайджаном под эгидой США может создать серьезные риски для внешней политики и системы безопасности Армении. Об этом заявил зампредседателя Республиканской партии Армении Армен Ашотян на пресс-конференции во вторник, отвечая на вопрос Sputnik Армения.
-
2025-08-02 00:38
Представляем экспертное мнение по вопросам управления репутацией и связей с общественностью в Армении от Шушан Арутюнян, соучредителя коммуникационной компании AxelMondrian.
-
2025-08-01 19:14
Зампредседателю Республиканской партии Армену Ашотяну изменена мера пресечения - с домашнего ареста на административный надзор. Об этом Sputnik Армения сообщил адвокат Ашотяна Тигран Атанесян.