2025-01-28 11:13
Информагентства
ՓԱՇԻՆՅԱՆԸ ԲԱՑԱՍԱԿԱՆ ՎԵՐԱԲԵՐՄՈՒՆՔ ՈՒՆԻ ԱՅՆ ՀԵՆԱՍՅՈՒՆԵՐԻ ՆԿԱՏՄԱՄԲ, ՈՐՈՆՔ ՊԱՀՈՒՄ ԵՆ ՀԱՅ ԱԶԳԸ․ ԱՐևԵԼԱԳԵՏ
Արևելագետ, Ռուսաստանի գիտությունների ակադեմիայի համաշխարհային տնտեսության և միջազգային հարաբերությունների ինստիտուտի ավագ գիտաշխատող Վիկտոր Նադեին-Ռաևսկին Alpha News-ի հետ զրույցում մեկնաբանել է ՀՀ վարչապետի հայտարարությունը՝ Օսմանյան կայսրությունում Հայոց ցեղասպանության հարցը կրկին ուսումնասիրելու անհրաժեշտության մասին։
«Փաշինյանը վաղուց էր նման անհեթեթություններ ասում: Առաջին անգամ նա դեռ իր թերթում հրապարակավ արտահայտվեց այն մասին, թե անիծում է իր նախնիներին այն բանի համար, որ նրանց պահվածքը հանգեցրել է ցեղասպանությունների` նկատի ունենալով հայերի ինքնակառավարման օգտին հանդես գալը և այլն։ Այո, եղել են բողոքի ցույցեր հայերի կողմից, քանի որ Օսմանյան կայսրությունում տիրող իրավիճակը զզվելի էր ոչ մուսուլմանների համար։ Քրիստոնյաներին ճնշել են բոլոր առումներով:
Պատմական փաստերը հայտնի են: Ցեղասպանության փաստերի վերաբերյալ հսկայական քանակությամբ փաստաթղթեր կան։ Փաշինյանը մի աննորմալ գաղափար ունի, որ եթե նա հրաժարվի Ցեղասպանությունից, ապա կարելի է հաշտվել Թուրքիայի հետ, բացել սահմանները, ակտիվորեն առևտուր անել, ընդհանուր առմամբ ապաշրջափակել Հայաստանը։ Նա բացասական վերաբերմունք ունի այն հիմնասյուների նկատմամբ, որոնք պահում են հայ ազգը։
Նա դեպի Արևմուտք կողմնորոշման կողմնակից է, ցանկանում է անդամակցել ՆԱՏՕ-ին, Եվրամիությանը, իսկ ՀԱՊԿ-ը նրան չի բավարարում։ Նա Ռուսաստանին մեղադրում է Ղարաբաղյան պատերազմի ժամանակ Հայաստանի պարտության մեջ, բայց չէ որ նա ինքը թույլ չտվեց, որ իր բանակը հատի Ղարաբաղի սահմանը։ Մինչ ղարաբաղյան բանակը արյունահոսում էր, 40 հազար հայ զինվոր մնացել էր Ղարաբաղի սահմաններից դուրս»,- ասել է Նադեին-Ռաևսկին։
Փորձագետը նաև նշել է, որ թուրք հասարակությունում քաղաքացիական խիզախության պակաս կա այդ հանցագործությունը դատապարտելու համար։
«Թուրքիան ընդհանրապես հերքում է Հայոց ցեղասպանության փաստը, թեև դրանք բոլորովին անհիմն և չափազանց հիմար գործողություններ են։ Այդ հանցագործությունը դատապարտելու համար անհրաժեշտ է քաղաքացիական խիզախություն, որը ժամանակակից թուրքական հասարակությունում դեռևս բացակայում է», — եզրափակել է Նադեին-Ռաևսկին:
ПОСЛЕДНИЕ ОТ АВТОРА
-
2025-08-07 16:48Летняя жара может стать серьёзным испытанием для смартфонов, вызывая перегрев и ускоряя износ их компонентов. Мастер по ремонту техники с платформы «Авито Услуги» Михаил Демидов поделился с «Газетой.Ru» рекомендациями, как защитить устройство в жаркую погоду и избежать поломок. Вот ключевые советы, которые помогут продлить срок службы вашего смартфона.
-
2025-08-05 14:02Возможное подписание мирного договора между Арменией и Азербайджаном под эгидой США может создать серьезные риски для внешней политики и системы безопасности Армении. Об этом заявил зампредседателя Республиканской партии Армении Армен Ашотян на пресс-конференции во вторник, отвечая на вопрос Sputnik Армения.
-
2025-08-02 00:38Представляем экспертное мнение по вопросам управления репутацией и связей с общественностью в Армении от Шушан Арутюнян, соучредителя коммуникационной компании AxelMondrian.
-
2025-08-01 19:14Зампредседателю Республиканской партии Армену Ашотяну изменена мера пресечения - с домашнего ареста на административный надзор. Об этом Sputnik Армения сообщил адвокат Ашотяна Тигран Атанесян.