2025-03-20 10:42
Информагентства
ՔԱՂԱՔԱԿԱՆ ԽԱՆԴ. ԹՈՒՐՔԱԳԵՏԸ ԲԱՑԱՏՐԵՑ` ԻՆՉՈՒ ԷՐԴՈՂԱՆԸ ՁԵՐԲԱԿԱԼԵՑ ՍՏԱՄԲՈՒԼԻ ՔԱՂԱՔԱՊԵՏԻՆ
Ստամբուլի քաղաքապետ, ընդդիմադիր «Ժողովրդահանրապետական կուսակցության» անդամ Էքրամ Իմամօղլուին ձերբակալելը բացասական հետք կթողնի Թուրքիայի նախագահ Ռեջեփ Թայիփ Էրդողանի վարկանիշի վրա, որովհետև այսօր Թուրքիան գտնվում է տնտեսական վատ վիճակում։ Այս տեսակետը Sputnik Արմենիայի հետ զրույցում հայտնեց թուրքագետ Մհեր Աբրահամյանը։
Ավելի վաղ հայտնել էինք, որ Ստամբուլի ընդդիմադիր քաղաքապետին ձերբակալել են կոռուպցիոն գործով: Բացի նրանից, ավելի քան 100 մարդու ձերբակալման օրդեր է տրվել, այդ թվում՝ պետծառայողների, քաղաքական ակտիվիստների, լրագրողների և գործարարների: Ընդդիմադիր «Ժողովրդահանրապետական կուսակցության» ղեկավար Օզգյուր Օզելը դա որակել է հեղաշրջման փորձ և կողմնակիցներին հորդորել է դուրս գալ փողոց:
«Ստամբուլի քաղաքապետը բավականին խարիզմատիկ դեմք է ներկայիս քաղաքականության մեջ և բավականին շատ հետևորդներ ու ֆավորիտներ ունի, հատկապես երիտասարդների շրջանում։ Նրա ձերբակալությամբ Էրոդողանը փորձում է հնարավորինս չեզոքացնել բոլորին, որոնք կարող են նրա համար սպառնալիք լինել հետագա ընտրություններում և կարող են խանգարել «Արդարություն և զարգացում» կուսակցության առաջընթացին»,–ասաց Աբրահամյանը։
Չնայած որ Թուրքիայում նախագահական ընտրություններին դեռ շատ կա (հերթականը նախատեսվում է 2028–ին), բայց, թուրքագետի խոսքով, Էրդողանի քաղաքականությունն այդպիսին է` շատ ավելի վաղ սկսել չեզոքացել հակառակորդներին։
Նա հիշեցրեց, որ վերջին ընտրություններում Էրդողանը մի կերպ ընտրվեց նախագահ, նաև խորհրդարանական և տեղական ինքնակառավարման մարմինների ընտրությունների ընթացքն ու արդյունքներն էլ ցույց տվեցին, որ Էրդողանը ու «Արդարություն և զարգացում» կուսակցությունը կորցրել են իրենց վաղեմի վարկանիշը, իսկ «Ժողովրդահանրապետական կուսակցությունը» բավականին մեծ արդյունքներ է գրանցել։
«Կարելի է ասել, որ սա քաղաքական խանդ է Իմամօղլուի դեմ։Եթե հիշենք` Էրդողանը, Ստամբուլի քաղաքապետ եղած ժամանակ ձերբակալվեց և զրկվեց քաղաքականությունով զբաղվելու հնարավորությունից, չնայած հետո հետ եկավ և 25 ու ավելի տարի է` երկրի ղեկավար է։ Իմամօղլուն կարծես նույն կերպարի մեջ է, նա ձերբակալությունից առաջ իր «Ինստագրամի» էջում տեսանյութ էր հրապարակել, որտեղ հագնվում և պատրաստվում էր ձերբակալության և կոչով ասել, որ սա ժողովրդի կամքի դեմ բռնություն է»,–ասաց թուրքագետը։
Նշեց` սա ևս մեկ ապացույց է, որ Իմամօղլուն Էրդողանի հստակ հակառակորդն է և բոլոր շանսերն ունի դառնալու Թուրքիայի հաջորդ ղեկավարը։
Հավելենք, որ քաղաքապետ Էքրամ Իմամօղլուի ձերբակալությունից հետո այսօր արդեն Ստամբուլում մարդաշատ ակցիաներ են սկսվել` ի պաշտպանություն Իմամօղլուի։ Աբրահամյանի դիտարկմամբ` սա կարող է Թուրքիայի ներքաղաքական կյանքը դարձնել բավական եռուն, և այս գործընթացները կարող են բերել ոչ կանխատեսելի լուծումների։
ПОСЛЕДНИЕ ОТ АВТОРА
-
New2025-05-26 05:21Армянские правозащитники обратились в МИД Армении с требованием объяснить, почему на конференцию «Ереванский диалог» приглашен Крейг Олифант, принимавший участие в форуме в оккупированном Степанакерте в апреле текущего года.
-
New2025-05-26 05:15Мы имеем дело с фактами, свидетельствующими об антипедагогической и антиобразовательной стратегии, посему Жанна Андреасян должна подать в отставку с должности министра образования, науки, культуры и спорта Армении. Если еще остались хоть какие-то моральные нормы – хотя бы в образовательной сфере, где дети, где все должно было быть ориентировано на ребенка и человека.
-
New2025-05-26 05:09Бывший омбудсмен Армении Арман Татоян назвал антиконституционным законодательный проект о сокращении воинской службы и освобождении от нее за деньги. Он обратил внимание на то, что обоснования принятия проекта формальны, базируются на нескольких любительских оценках и не имеют под собой профессионального анализа, также нарушается закон "О нормативных правовых актах".
-
New2025-05-26 05:04Преданность госминистра Арцаха, бизнесмена и филантропа Рубена Варданяна Армении оставила неизгладимый след в ее истории, заявил сын великого шансонье Шарля Азнавура, соучредитель фонда "Азнавур" Николя Азнавур в день рождения Варданяна.