Ո՞վ է առաջատարը Գյումրու ընտրապայքարում. Gallup–ը հարցում է անցկացրել

Գյումրիում համայնքապետի ընտրություններում չնչին տրաբերությամբ առաջատարն իշխող «Քաղաքացիական պայմանագիր» կուսակցությունն է։ Այս մասին են վկայում Gallup International Association-ի հայաստանյան ներկայացուցչության հարցման տվյալները:

Հարցին, թե ում օգտին են պատրաստվում քվեարկել, հարցվածները պատասխանել են հետևյալ կերպ.

- «Քաղաքացիական պայմանագիր» կուսակցություն (Սարիկ Մինասյան)` 21,8%

- Հայաստանի կոմունիստական կուսակցություն (Վարդան Ղուկասյան)` 18.3%

- «Մեր քաղաքը» դաշինք (Մարտուն Գրիգորյան)` 8.9%

- «Մայր Հայաստան» դաշինք (Կարեն Սիմոնյան)` 6.4%

- «Իմ հզոր համայնք» կուսակցություն (Ռուբեն Մխիթարյան)` 5.8%

- «Եվրադաշինք» (Լևոն Բարսեղյան)` 4.6%

- «Դեմոկրատական այլընտրանք» կուսակցություն (Արտյոմ Ղարաղազարյան)` 2.3%

- «Ապրելու երկիր» կուսակցություն (Կարեն Մալխասյան)` 2.1%

- «Հայաստանի աշխատավորական սոցիալիստական կուսակցություն (Արտյոմ Թումանյան)` 0.8%

Եվս 10.6%–ը դժվարացել է պատասխանել, 11.6%–ն ընդհանրապես հրաժարվել է մասնակցել հարցմանը, իսկ ահա 6.9%–ը մտադիր չէ իր ձայնը որևէ մեկին տալ։

Հարցումն անցկացվել է մարտի 25-26-ը, մասնակցել է 612 անձ։

Հիշեցնենք, որ Գյումրում ՏԻՄ ընտրություններ կանցկացվեն մարտի 30-ին: Մասնակցելու հայտ է ներկայացրել 6 կուսակցություն և 3 դաշինք։ Գյումրիում կգործի 82 ընտրատեղամաս: Ավագանու արտահերթ ընտրությանը մասնակցելու իրավունք ունի 112 հազար 160 բնակիչ։

Sputnik Արմենիա