Իսրայելը նոր հարվածներ է հասցնում Իրանին (ՏԵՍԱՆՅՈՒԹ)

Իսրայելի բանակն այսօր նոր հարվածներ է հասցրել Իրանին:

Հարվածները հասցվում են ինչպես Թեհրանին, այնպես էլ Իրանի այլ շրջանների։ Թիրախներից մեկը կարող էր լինել Իրանի մայրաքաղաքի արևմուտքում տեղակայված ռազմաբազան։

Իսրայելական ԶԼՄ-ների տվյալներով՝ հարված է հասցվել նաև Թեհրանի և նավթի բաշխման տարածաշրջանային կենտրոն Ղոմի միջև ընկած հիմնական մայրուղուն:

Բացի այդ, իսրայելական օդուժը փորձել է հարվածել Թավրիզի օդանավակայանին։ Ըստ իրանական ԶԼՄ-ների՝ ՀՕՊ միջոցները հաջողությամբ հետ են մղել գրոհը։

Հաղորդվում է նաև, որ Իրանի Խոմեյն քաղաքի վրա հարձակման հետևանքով զոհվել է ԻՀՊԿ առնվազն 8 զինվորական:

Հունիսի 13-ին Իսրայելը լայնածավալ գործողություն է սկսել Իրանի դեմ՝ այդ երկրին մեղադրելով գաղտնի ռազմամիջուկային ծրագիր իրականացնելու մեջ, որն իբր մոտեցել է անդառնալիության կետին: Օդային ռմբակոծությունների և դիվերսիոն խմբերի թիրախներ են դարձել միջուկային օբյեկտները, զինված ուժերի հրամկազմը, միջուկային ֆիզիկոսները, ավիաբազաները, հակաօդային պաշտպանության միջոցները, «երկիր-երկիր» դասի հրթիռները:

Իրանը, որը հերքում է իր միջուկային ծրագրի ռազմական բաղադրիչը, պատասխանում է հրթիռային համազարկերով և հարվածային անօդաչու թռչող սարքերի արձակմամբ: Թեհրանում հարվածների թիրախ են նշում Իսրայելի ռազմական և ռազմարդյունաբերական օբյեկտները։ Երկու կողմից էլ աճում է բնակելի շինություններին ուղղված հարվածների և քաղաքացիական բնակչության շրջանում զոհերի թիվը։

Իսրայելը հայտարարել է, որ իրանական հարվածներից զոհվել է ավելի քան 20 մարդ, վիրավորվել են ավելի քան 600-ը: Իր հերթին Իրանը հայտնում է ավելի քան 220 զոհերի և ավելի քան 1,2 հազար տուժածների մասին:

Sputnik Արմենիա