2025-07-09 19:03
Информагентства
Ադրբեջանի ԱԳՆ-ն դեմ է արտահայտվել ՏՀԿ-ի փաստաթղթի վերաբերյալ Իրանի դիրքորոշմանը
Ադրբեջանի ԱԳՆ խոսնակ Այխան Հաջիզադեն կոշտ է արձագանքել Հայաստանում Իրանի դեսպան Մեհդի Սոբհանիի՝ Ստեփանակերտում կայացած Տնտեսական համագործակցության կազմակերպության (ՏՀԿ) 17-րդ գագաթնաժողովի ամփոփիչ փաստաթղթի վերաբերյալ հայտարարություններին, դրանք որակելով որպես «անընդունելի», հայտնում են ադրբեջանական ԶԼՄ-ները։
Սոբհանին հուլիսի 8-ին «Արմենպրեսին» տված հարցազրույցում հայտարարել էր, որ Տնտեսական համագործակցության կազմակերպության վերջերս կայացած գագաթնաժողովի արդյունքներով ընդունված կոմյունիկեի որոշ դրույթներ, որտեղ օգտագործվել են ՀՀ տարածքային ամբողջականությունը խախտող շինծու հասկացություններ, չեն համապատասխանում Իրանի դիրքորոշմանը։ Իրանը պաշտոնական գրությամբ իր վերապահումներն էր հայտնել Տնտեսական համագործակցության կազմակերպությանն այս հայտարարության վերաբերյալ։
Հաջիզադեն նշել է, որ համատեղ հայտարարությունը նախապես համաձայնեցված է եղել ՏՀԿ անդամ երկրների հետ և կազմվել է նախագահողի ամփոփման ձևաչափով՝ առանց առանձին հաստատման անհրաժեշտության։ Նա հերքել է Իրանի դեսպանի պնդումները, թե Թեհրանը վերապահում է հայտնել փաստաթղթի ընդունման առնչությամբ՝ ընդգծելով, որ դիվանագիտական պրակտիկայում վերապահումներ կարող են արտահայտվել միայն բանակցություններով ընդունված որոշումների նկատմամբ։
Բացի այդ, Հաջիզադեն հիշեցրել է, որ բոլոր ՏՀԿ անդամ երկրները, ներառյալ՝ Իրանը, անդամակցում են նաև Իսլամական համագործակցության կազմակերպությանը, որը կողմ է արտահայտվել «ադրբեջանցիների վերադարձին», և դատապարտել է Հայաստանի՝ «ադրբեջանցիների վերադարձի իրավունքի» մերժումը։ Այս դիրքորոշումը վերահաստատվել է նաև Ստամբուլի հռչակագրում։
Հաջիզադեի խոսքով՝ Իրանի դեսպանի հայտարարությունները ոչ այլ ինչ են, քան «քաղաքական մանիպուլյացիա և կեղծավորություն»։
Հուլիսի 3-4-ը Լեռնային Ղարաբաղի Ստեփանակերտ քաղաքում անցկացվել էր Տնտեսական համագործակցության կազմակերպության 17-րդ գագաթնաժողովը, որին մասնակցել են Ադրբեջանը, Թուրքիան, Իրանը, Աֆղանստանը, Տաջիկստանը, Ղրղզստանը, Պակիստանը, Ղազախստանը, Ուզբեկստանը, Թուրքմենստանը և Իրանը։ «Գեղարդ» գիտահետազոտական հիմնադրամը հայտարարել էր, որ Ադրբեջանի նախագահ Իլհամ Ալիևը ՏՀԿ հարթակն օգտագործել է Հայաստանի նկատմամբ կեղծ մեղադրանքներ և անհիմն պահանջներ հնչեցնելու համար։
Armenia Today
ПОСЛЕДНИЕ ОТ АВТОРА
-
2025-08-07 16:48Летняя жара может стать серьёзным испытанием для смартфонов, вызывая перегрев и ускоряя износ их компонентов. Мастер по ремонту техники с платформы «Авито Услуги» Михаил Демидов поделился с «Газетой.Ru» рекомендациями, как защитить устройство в жаркую погоду и избежать поломок. Вот ключевые советы, которые помогут продлить срок службы вашего смартфона.
-
2025-08-05 14:02Возможное подписание мирного договора между Арменией и Азербайджаном под эгидой США может создать серьезные риски для внешней политики и системы безопасности Армении. Об этом заявил зампредседателя Республиканской партии Армении Армен Ашотян на пресс-конференции во вторник, отвечая на вопрос Sputnik Армения.
-
2025-08-02 00:38Представляем экспертное мнение по вопросам управления репутацией и связей с общественностью в Армении от Шушан Арутюнян, соучредителя коммуникационной компании AxelMondrian.
-
2025-08-01 19:14Зампредседателю Республиканской партии Армену Ашотяну изменена мера пресечения - с домашнего ареста на административный надзор. Об этом Sputnik Армения сообщил адвокат Ашотяна Тигран Атанесян.