2025-07-31 17:00
Информагентства
ՎԱՆԴԱԼԻԶՄ ՊԵՏԱԿԱՆ ՄԱԿԱՐԴԱԿՈՎ
Կոնստանտին Զատուլինը՝ Արցախում Այվազովսկու արձանը քանդելու մասին
Աշխարհահռչակ ծովանկարիչ Հովհաննես Այվազովսկու` օկուպացված Ստեփանակերտում գտնվող արձանը քանդելը պետական վանդալիզմի օրինակ է Ադրբեջանի իշխանությունների կողմից։ Այս մասին իր տելեգրամյան ալիքում գրել է Պետդումայի ԱՊՀ հարցերով կոմիտեի նախագահի տեղակալ Կոնստանտին Զատուլինը։
Ավելի վաղ «Արցախի զբոսաշրջության և մշակույթի զարգացման գործակալություն» ՀԿ-ն հայտնել էր, որ Այվազովսկու` 2021 թվականին տեղադրված հուշարձանը քանդվել է։
Զատուլինի խոսքով՝ դա բարբարոսական ակտ է, ակնհայտ հիմարություն։ Նա հիշեցրել է՝ Այվազովսկին համաշխարհային մակարդակի հանճար է, որին գնահատել են ինչպես Ռուսական կայսրությունում, այնպես էլ նրա սահմաններից դուրս:
«Նրանք, ովքեր այսօր ակտիվորեն պայքարում են Արցախի հայկական մշակութային ներկայության դեմ, վաղուց չեն սահմանափակվում միայն Այվազովսկու արձանի քանդմամբ։ Արդեն պղծվել են Չարդախլու գյուղի նշանավոր խորհրդային զորահրամանատարների հուշարձանները, ապամոնտաժվում են կրոնական օբյեկտները, ոչնչացվել են տասնյակ խաչքարեր», - հայտարարել է պատգամավորը։
Նա նաև նշել է, որ պաշտոնական մակարդակով Ադրբեջանում առաջ է քաշվում Արցախի պատմամշակութային հուշարձանների, այդ թվում՝ 6-12-րդ դարերի վանքերի, իբր ոչ հայկական ծագման մասին տեսությունը:
«Դա բարբարոսություն է, որին փորձում են արդարացում գտնել՝ հղում անելով Հայաստանի կամ Ռուսաստանի հետ քաղաքական կոնֆլիկտներին։ Երկրի ղեկավարությունը կա՛մ աչք է փակում տեղի ունեցողի վրա, կա՛մ ուղղակիորեն խրախուսում է դա», - հավելել է Զատուլինը։
Հուշարձանի հեղինակը հայտնի քանդակագործ, մի շարք նշանավոր հայերի հուշակոթողների հեղինակ Սալավաթ Շչերբակովն է: Նրա աշխատանքը նվիրված էր ոչ միայն մեծ ծովանկարչին, այլև հայկական և համաշխարհային ժառանգության հետ Արցախի մշակութային կապերին։
Հիշեցնենք` «Արցախի զբոսաշրջության և մշակույթի զարգացման գործակալություն» ՀԿ-ն Այվազովսկու հուշարձանի քանդումը որակել էր որպես տարածաշրջանում հայկական մշակութային հետքը վերացնելու քաղաքականության հերթական օրինակ: Կազմակերպությունը հայտնել էր, որ կշարունակի նման դեպքերի արձանագրումը՝ ակնկալելով, որ միջազգային հանրությունը դրանց կտա համապատասխան գնահատական։
ПОСЛЕДНИЕ ОТ АВТОРА
-
2025-08-07 16:48Летняя жара может стать серьёзным испытанием для смартфонов, вызывая перегрев и ускоряя износ их компонентов. Мастер по ремонту техники с платформы «Авито Услуги» Михаил Демидов поделился с «Газетой.Ru» рекомендациями, как защитить устройство в жаркую погоду и избежать поломок. Вот ключевые советы, которые помогут продлить срок службы вашего смартфона.
-
2025-08-05 14:02Возможное подписание мирного договора между Арменией и Азербайджаном под эгидой США может создать серьезные риски для внешней политики и системы безопасности Армении. Об этом заявил зампредседателя Республиканской партии Армении Армен Ашотян на пресс-конференции во вторник, отвечая на вопрос Sputnik Армения.
-
2025-08-02 00:38Представляем экспертное мнение по вопросам управления репутацией и связей с общественностью в Армении от Шушан Арутюнян, соучредителя коммуникационной компании AxelMondrian.
-
2025-08-01 19:14Зампредседателю Республиканской партии Армену Ашотяну изменена мера пресечения - с домашнего ареста на административный надзор. Об этом Sputnik Армения сообщил адвокат Ашотяна Тигран Атанесян.