2019-04-17 08:04
Ара МЕЛИКСЕТЯН
ԹՎԱԲԱՆՈՒԹՅՈՒՆԸ ՃՇԳՐԻՏ ԳԻՏՈՒԹՅՈՒՆ ՉԷ
Հայաստանի վարչապետ Նիկոլ Փաշինյանը Ստրասբուրգի հայ համայնքի ներկայացուցիչների հետ հանդիպման ժամանակ պատմել է երկրի տնտեսության հաջողությունների մասին՝ հեղափոխությունից հետո անցած 10 ամիսների արդյունքներով, հաղորդում է ԱՌԿԱ-ն։
«Աշխարհի պատմության մեջ չեք տեսնի երկրորդ դեպք, երբ երկրում տեղի է ունեցել հեղափոխություն, և դրան չի հաջորդել տնտեսական փլուզում։ Մենք հիմա տնտեսական աճի ցուցանիշի մեջ ենք, Հայաստանում 10 ամսում աշխատատեղերի թիվն ավելացել է 51 հազարով։ Դա աշխատաշուկայի ընդհանուր 10 տոկոսն է»,-ասել է նա։ Ընդ որում վարչապետն ընդգծել է, որ դժվար է ասել, թե նոր աշխատատեղերի որ մասն է զրոյից ստեղծվել, իսկ որը՝ առաջացել ստվերային տնտեսությունից դուրս գալու արդյունքում։
«Բայց եթե նույնիսկ ամբողջն է ստվերից դուրս եկել, դա աննախադեպ հաջողություն է: 20, 25, 30 տարի մենք ասել ենք` պայքարենք ստվերային տնտեսության դեմ: Հիմա առաջին եռամսյակի տվյալներով Հայաստանի բյուջեի եկամտային մասը 11 միլիարդ դրամով գերակատարվել է: Այս տարի Հայաստանի Հանրապետության պետական բյուջեի եկամտային մասն առնվազն 40 միլիարդ դրամով գերակատարվելու է»,-ասել է նա։
Կառավարության ղեկավարի խոսքերով, բյուջեի մուտքերի աճը թույլ կտա հուլիսի 1-ից 10%-ով բարձրացնել զինվորականների աշխահավարձը, և սեպտեմբերի 1-ից՝ ուսուցիչներինը։ «Մենք արդեն 15 հազար բուժաշխատողների աշխատավարձը բարձրացրել ենք հունվարի 1-ից, մենք 82 հազար նպաստառուների և թոշակառուների նպաստներն ու թոշակները բերել, համապատասխանեցրել ենք նվազագույն պարենային զամբյուղին: Մենք 200 հազար մարդու աշխատավարձը կենսաթոշակային համակարգի փոփոխությամբ արդեն հուլիսի 1-ից ենք բարձրացրել»,-հայտարարել է նա, նշելով, որ տնտեսեկան ակտիվության ցուցանիշը 2019 թվականի հունվարին կազմել է 5,6%, իսկ փետրվարին՝ արդեն 7%։
Բայց անհնար է լռել. ո՞ր երկրի վիճակագրական կոմիտեն է Հայաստանի վարչապետին ապահովում Հայաստանի մասին տվյալներով։ Դե, և ընդհանրապես, ո՞վ է նրան թվեր տրամադրում։ Ակնհայտ է, որ Ստրասբուրգում վարչապետի թվարկած ցուցանիշներից առնվազն մեկը ոչ միայն չի համապատասխանում իրականությանը, ոչ միայն ֆանտաստիկ է։ Դա (ցուցանիշը) նույնիսկ մեծագույն ցանկության դեպքում, նույնիսկ եթե դա անչափ ուզենա կառավարության ղեկավարը (իսկ նրա ցանկությունները կատարվում են վայրկենապես), չի կարող վերաբերվել Հայաստանին։
Ոչ, խոսքն առայժմ 10 ամիսների ընթացքում աշխատատեղերի աճի մեր երկրի համար աստղաբաշխական ցուցանիշի մասին չէ։ Դրան դեռ կանդրադառնանք։ Իսկ մինչ այդ ուշադրություն դարձնենք այն բանին, որ, դատելով Փաշինյանի հայտարարությունից, 51 հազար աշխատատեղը աշխատաշուկայի 10%-ն է։ Եվ ահա հենց այստեղ էլ հարց է ծագում. ո՞ր երկրի աշխատաշուկայի։ Պատասխան. որինն ասես, բայց ոչ Հայաստանի, եթե իհարկե «նոր Հայաստանում» չեն հայտնագործել նոր մաթեմատիկա։
Ահա ուրեմն, Հայաստանի վարչապետի վարկածով, աշխատանքի շուկան մեզանում կազմում է մոտավորապես 500 հազար, քանզի 50-51 հազարը հենց 500 հազարի 10 տոկոսն է։ Համաձայնեք, դա այդպես է, նույնիսկ եթե Փաշինյանն ուզում է, որ այլ կերպ լինի։ Հիմա նայենք աշխատաշուկային առնչվող մյուս ցուցանիշներին։ 2017 թվականի տվյալներով (ըստ էության՝ նախահեղափոխական) Հայաստանում աշխատանքային ռեսուրսը (15-ից մինչև 75 տարեկան անձինք) կազմել է 2 մլն 21 հազար։ Այսինքն եթե նույնիսկ հաշվարկեին այդ թվի 10%-ը, ապա դա 200 հազար է, այլ ոչ թե 51։ Անցնենք առաջ։ Տնտեսապես ակտիվ բնակչությունը 1 մլն 230 հազար է։ Այսինքն այդ թվի 10%-ը կազմում է 123 հազար, այլ ոչ թե 51։ Գուցե «աշխատաշուկա» ձևակերպման տակ կառավարութան ղեկավարը նկատի ուներ զբաղված բնակչության քանա՞կը։ Ամենևին։ Զբաղված բնակչության ցուցանիշը կազմել է 1 մլն 11 հազար, որի 10%-ը ոչ թե 51 հազար է, այլ 111 հազար։ Իսկ գուցե Նիկոլ Փաշինյանը աշխատաշուկա ասելով նկատի ունի գործազուրկների՞ թվաքանակը։ Բայց այստեղ էլ չի համապատասխանում. 218 հազար, որի 10%-ը կազմում է 21, այլ ոչ թե 51 հազար։
Ուրեմն որտեղի՞ց է վերցրել Փաշինյանն իր թվերը։ Այստեղ կարող է լինել երկու տարբերակ. կա՛մ նա պատմում էր միանգամայն այլ երկրի մասին, կա՛մ թվերը վերցված են բառացիորեն առաստաղից։ Եթե, իհարկե, մաթեմատիկայի կանոնները մեզանում չեն ենթարկվել «թավշե» բարեփոխումների։ Ցավալի է, բայց ապրում ենք մենք, ըստ էության, մի երկրում, որտեղ արդեն մաթեմատիկան էլ է դադարել ճշգրիտ գիտություն լինելուց։
Այս խորապատկերին մի տեսակ խամրում է այն հայտարարության անհեթեթությունը, թե 10 ամսվա ընթացքում «նոր Հայաստանում» ստեղծվել կամ նույնիսկ ստվերից դուրս է եկել 50-51 հազար աշխատատեղ։ Այստեղ պարզապես պատկերի ամբողջականության համար հարկ է նշել այն փաստը, որ նման աճը չէր կարող չարձանագրվել, չգտնել իր լուրջ ֆինանսական արտացոլումը, ասենք, եկամտահարկի համապատասխան աճի մասով (տվյալ դեպքում համարժեք կլիներ խոսել այն մասին, որ միայն եկամտահարկի ամենամսյա մուտքն աճել է մոտավորապես 2 միլիարդով)։ Չէր կարող չարձանագրվել աճը նաև Զինծառայողների ապահովագրության հիմնադրամում, որի հաշվին ամեն ամիս պետք է 50 մլն դրամով ավելի մուտք գրանցվեր, քան 10 ամիս առաջ։ Բայց…
Աշխատանքի շուկայի 10%-ին 50-51 հազար աշխատատեղի համապատասխանելու մասին վարչապետի հայտարարության խորապատկերին նույնիսկ իր թիմի ներկայացուցչի «մարգարիտը» արդեն այնքան էլ տպավորիչ չէ իր անհեթեթությամբ։ Պատասխանելով «168 ժամի» թղթակցի հարցին, «Իմ քայլը» խմբակցության պատգամավոր, տնտեսական հարցերով ԱԺ մշտական հանձնաժողովի անդամ Հայկ Սարգսյանը, բացատրելով, թե ինչպես վարչապետի կողմից սկզբում հնչեցված 50 հազար թիվը մի քանի ժամվա ընթացքում դարձավ 51 հազար, հայտարարեց. «Կարող է՝ զանգ է ստացել ներդրումների նախարարից, ու նա ասել է՝ պարո՛ն վարչապետ, այս ընթացքում ևս հազարն ավելացել են, և արդեն ճշտված՝ վարչապետը 51 հազար է ասել»։ Ինչպես ասում են, մեկնաբանություններն ավելորդ են…
Իսկ ընդհանրապես այս ամենի մեջ ինչ-որ նոր բան կա։ Եթե առ այսօր հայկական կառավարության ղեկավարի խոսքերը տարբերվում էին իրականությունից, ապա այժմ մենք գործ ունենք բացահայտ աբսուրդի հետ։ Եթե ոմանք կասկածում են, ապա թող իրենք փորձեն ստանալ տարրական հարցի պատասխանը. ո՞ր թվի 10 տոկոսն է կազմում 50 հազար։ Եվ աշխատանքի շուկայի ո՞ր բնութագրիչն է համապատասխանում ստացված արդյունքին։
ПОСЛЕДНИЕ ОТ АВТОРА
-
2025-05-20 09:34Объем продукции, произведенной в первом квартале 2025 года в Армении в сферах сельского хозяйства, лесного хозяйства и рыбоводства, в текущих ценах составил 121 498.1 млн драмов, увеличившись по сравнению с аналогичным периодом 2024 года на 10%. Об этом сообщает Национальный статистический комитет республики, передает АРКА. Так, объем производства в сфере сельского хозяйства за отчетный период вырос на 10,5% и составил 97 469.9 млн драмов. При этом объем производства в сфере животноводства составил 74 631.0 млн драмов, увеличившись на 2,5% по сравнению с январем-мартом прошлого года, а в сфере растениеводства – 22 838.9 млн драмов при росте на 53,5%.
-
2025-05-17 10:15Министерство экономики Армении предлагает создать Фонд "Оператор текстильной отрасли", на который будут возложены функции оператора отрасли. Соответствующая инициатива размещена на едином портале правовых актов, передает АрмИнфо. Как говорится о пояснении к документу, текстильная промышленность является одним из приоритетных и ключевых секторов экономики, определенных правительством РА, который обеспечивает тысячи рабочих мест, особенно для женщин. Многие заводы и мастерские работают за пределами Еревана, в регионах, где это имеет большое значение в условиях высокого уровня безработицы. Текстильная продукция из Армении экспортируется в основном в Российскую Федерацию, страны ЕС и США. Расширение объемов экспорта способствует притоку иностранной валюты и улучшению платежного баланса Армении. Развитие текстильной отрасли также стимулирует местное производство сырья (например, хлопка, шерстяных изделий) и смежные отрасли: транспортировку, упаковку и маркетинг.
-
2025-05-09 09:41Объем внешнеторгового оборота Армении стремительно падает. За первый квартал этого года, по сравнению с аналогичным периодом 2024-го, он сократился более чем наполовину (на 56,2%). Согласно данным статистического комитета РА существенно сократился товарооборот со странами ЕАЭС. Спад составил 63%. С США товарооборот сократился на 21,6%, с Китаем – на 43,3%, с ОАЭ – на 78,8%. Со странами ЕС изменений объемов торговли практически нет.
-
2025-05-08 10:03В сравнении с январем-апрелем прошлого года налоговые поступления в государственный бюджет в январе-апреле 2025-го увеличились на 14,5% или 120 млрд драмов. Об этом написал на своей странице в «Facebook» премьер-министр Армении Никол Пашинян.«Выражаю благодарность всем гражданам, которые работают, создают результаты, выполняют свои налоговые обязательства в соответствии с законом, а также тем государственным служащим, работа которых способствует росту налоговых поступлений в государственный бюджет», - отметил Пашинян, передает NEWS.am.
ПОСЛЕДНЕЕ ПО ТЕМЕ
-
2021-03-31 18:44Հայաստանը 2021 թվականին ակնկալում է զբոսաշրջության աճ միանգամից 319%-ով, ուրբաթ օրը լրագրողներին ասաց ՀՀ էկոնոմիկայի նախարար Վահան Քերոբյանը, հաղորդում է ԱՌԿԱ-ն:
-
2021-02-19 18:14Հայաստանի տնտեսությունը հետճգնաժամային վերականգնման առաջին նշաններն է ցուցադրում։ Այս մասին կառավարության նիստում հայտարարել է վարչապետ Նիկոլ Փաշինյանը, հաղորդում է «Արմենպրես»-ը:
-
2021-02-09 21:14Այն, ինչի մասին հայ սպառողը խոսում է ամեն օր, առավոտից երեկո, օրերս պաշտոնապես հաստատեց նաև Վիճակագրական ծառայությունը. գների աստղաբաշխական աճ է արձանագրվել։ Իհարկե, վիճակագրական ցուցանիշները շատ ավելի համեստ են, քան գնապիտակները խանութներում։ Բայց նույնիսկ դրանք (վիճակագրական տվյալները) վկայում են համատարած և արտառոց թանկացման մասին։
-
2021-01-21 19:37Հայաստանի տնտեսական մրցակցության պաշտպանության պետական հանձնաժողովը ուսումնասիրում է բենզինի, կարագի, շաքարավազի և մի շարք այլ ապրանքների գների փոփոխությունները, խորհրդարանում լրագրողներին ասել է գերատեսչության ղեկավար Գեղամ Գևորգյանը, հաղորդում է ԱՌԿԱ-ն: Նա նշել է, որ դեկտեմբերին փոփոխություններ են արձանագրվել մի քանի ապրանքային շուկաներում, մասնավորապես՝ արևածաղկի ձեթի և կարագի, ալյուրի, բենզինի և այլն: «Նախնական տվյալներով՝ համաշխարհային շուկաներում ունենք գների բարձրացում, բայց դրանք պատշաճ ձևով են մեզ մոտ արտացոլվել, թե՝ ոչ, ցույց կտա փորձաքննությունը»,– ասել է Գևորգյանը: Նա նշել է, որ ուսումնասիրությունները շարունակվում են, և արդյունքները կներկայացվեն արդեն հաջորդ շաբաթ ։