Последние новости
2019-07-15 08:03

ՍՏԱՄԲՈՒԼՅԱՆ ԿՈՆՎԵՆՑԻԱՆ՝ ՀՀՇ-Ի ՔԱՂԱՔԱԿԱՆՈՒԹՅԱՆ ՇԱՐՈՒՆԱԿՈՒԹՅՈՒՆ

Վավերացման կողմնակիցները

0
Telegram

Հուլիսի երկրորդ կեսին Ստամբուլյան կոնվենցիան կառավարության նիստում կներկայացնի արդարադատության նորաթուխ նախարար Ռուստամ Բադասյանը։ Ասում են, որ այդ կոնվենցիան Արտակ Զեյնալյանի հրաժարականի հիմնական պատճառներից մեկն է. նա դեմ չգնաց իր սկզբունքներին և հրաժարվեց փաստաթուղթն առաջադրել վավերացման։

Ըստ մեր ունեցած տեղեկությունների, կոնվենցիայի վավերացմանը դեմ են արտահայտվել նաև վարչապետի կուսակցության որոշ ներկայացուցիչներ։ Նրանք հարց տվեցին՝ «ուրեմն ինչո՞ւ հեղափոխություն արեցինք, ինչու գոռացինք «մերժի՛ր Սերժին», եթե հիմա պատրաստվում ենք վավերացնել նրա ստորագրած կոնվենցիան»։ Նման մարդիկ հատուկենտ են, և նրանք արդեն խիստ կշտամբանքների են արժանացել խորհրդարանական մեծամասնության կողմից։ Մասնավորապես, «Իմ քայլը» խմբակցության պատգամավոր Սոֆյա Հովսեփյանը հարձակումների թիրախ դարձավ խմբակցության իր գործընկերների կողմից նրա համար, որ կարծիք արտահայտեց, թե անթույլատրելի է իրավիճակը նկարագրել այնպես, իբր Հայաստանում հասարակությունը ենթարկվում է սեռական բռնության։

Հանրահայտ է, որ փաստաթուղթը ստորագրվել է դեռևս նախորդ իշխանության օրոք, սակայն ՀՀԿ պահպանողական գաղափարախոսությունը կասկած չէր թողնում նրանում, որ փաստաթղթի տակ դրված ստորագրությունը հերթական ձևական տուրքն է եվրաինտեգրման ճանապարհին։ Այդ մասին, մասնավորապես, հայտարարեց խորհրդարանի նախկին փոխնախագահ Էդուարդ Շարմազանովը, ընդգծելով, որ նախորդ իշխանությունը չէր պատրաստվում վավերացնել փաստաթուղթը Եվրամիության անդամ մի շարք երկրների օրինակով։ Նրա խոսքերով, կոնվենցիան ստորագրել, բայց չեն վավերացնել այնպիսի երկրներ, ինչպիսիք են Մեծ Բրիտանիան, Հունաստանը, Սլովակիան, Խորվաթիան, Լատվիան, Լիտվան և ուրիշներ։

Իսկ երբ պարզվեց, որ Փաշինյանի կառավարությունը կոնվենցիայի վավերացումը համարում է իր գլխավոր խնդիրներից մեկը, տեղեկացված հասարակայնությունը վճռականորեն հակառակվեց այդ մտադրությանը։ Վավերացման առավել կատաղի կողմնակիցների ցանկում ԶԼՄ-ները նշում են արդարադատության նախարար Ռուստամ Բադասյանին, աշխատանքի և սոցիալական հարցերի նախարար Զարուհի Բաթոյանին, Բարձրագույն դատական խորհրդի անդամ Վիգեն Քոչարյանին, ինչպես նաև վարչապետ Նիկոլ Փաշինյանին։ Կոնվենցիայի քարոզչությամբ զբաղվում են կազմակերպված խմբերը FB-ում և Հանրային հեռուստատեսությունը։ Հասարակության մտածող հատվածը կտրուկ դեմ է արտահայտվում դրա վավերացմանը։

Ի դեպ, Եվրամիության կողմից գործադրվող ճնշման վկայակոչումները տվյալ համատեքստում այնքան էլ տեղին չեն, քանզի հօգուտ փաստաթղթի վավերացման Եվրոպայի խորհրդում արտահայտվել են ընդամենը 29 պատգամավորներ, իսկ Եվրամիությունը ոչ մի ֆինանսական օգնություն չի խոստացել ի պատասխան կոնվենցիայի վավերացման։ Հետևաբար, պատճառաբանությունները, թե Հայաստանը փողեր չի ստանա, եթե չվավերացնի կոնվենցիան, չեն համապատասխանում ճշմարտությանը, սակայն այդ թեզիսը լայնորեն օգտագործվում է քարոզչական նպատակներով։

Սկսվեց հայրանունները բացառելու փորձից

Վավերացման հակառակորդներն ունեն մի շարք ծանրակշիռ փաստարկներ։ Դրանցից գլխավորը «ընտանիք» հասկացության վերանայումն է և դրա նենգափոխումը «զուգընկերություն» տերմինի։

Այլ կերպ ասած, սեռական ցանկացած զուգընկեր կարող է համարվել ընտանիքի անդամ և ունենալ համապատասխան իրավունքներ, այդ թվում ընտանիքի ավագ անդամների կողմից երեխայի իրավունքների խախտման մասին հայտարարելու իրավունք։ Չթվարկենք փաստաթղթի այլ մանրամասներ, մենք դրա համար դեռ շատ առիթներ կունենանք, նշենք միայն, որ կոնվենցիայի վավերացումը ՀՀՇ-ի քաղաքականության շարունակությունն է, որն ընդհատվեց 1998 թվականին Տեր-Պետրոսյանի հրաժարականով և վերականգնվեց 2018 թվականին՝ իշխանափոխությունից անմիջապես հետո։

Ամեն ինչ սկսվեց անձնագրերից հայրանունը և ազգային պատկանելությունը բացառելու փորձից։ Գաղափարն առաջ էր հրում անձամբ Վանո Սիրադեղյանը։ Խորհրդարանի ամբիոնից նրա զինակիցները փորձում էին հիմնավորել, թե հայրանունները ոչ հայկական երևույթ են և մեր ավանդույթներում չեն եղել։ Դա շարունակվեց այնքան ժամանակ, քանի դեռ ամբիոն չէր բարձրացել Հայաստանի կոմկուսի խմբակցության պատգամավոր, այժմ հանգուցյալ Լեոնիդ Հակոբյանը։ Նա ասաց, որ խոսելու է ավանդույթների մասին և կարդաց Արին-Բերդ բլրում գտնված քարե արձանագրությունը՝ փորագրված մուրճով ու հատիչով մ.թ.ա. 782 թվականին. «Խալդ աստծո մեծությամբ Արգիշտին՝ Մենուայի որդին, այս անառիկ ամրոցը կառուցեց…»։ Խորհրդարանն այդ ելույթին արձագանքեց ծափահարություններով, որից հետո անձնագրերում հայրանունները պահպանեցին հայերեն գրառման էջում։

Տեր-Պետրոսյանի հրաժարականից հետո սեռական փոքրամասնությունների թեման երկար ժամանակով դուրս եկավ գործածությունից։ XXI դարում ժողովուրդը միանգամայն վստահում էր իշխող ուժի հիմնարար սկզբունքներից մեկին՝ այն մասին, որ հայկական ավանդական ընտանիքը հանրապետականների գլխավոր նեցուկն է, հետևաբար՝ նրան ոչինչ չի սպառնում։ Նույնիսկ այն փաստի ընդունումը, որ ԵԽ-ի հետ ընդլայնված և համընդգրկուն համաձայնագրի ստորագրումը Հայաստանից կպահանջի որոշ զիջումներ, չէր ընկալվում որպես սպառնալիք ազգային արժեքներին։

Ընտանիքին նվիրված տարում…

Իշխանափոխությունից հետո տեղի ունեցավ մի պատահար, երբ ոստիկանները ծեծի ենթարկվեցին սեռական փոքրամասնությունների ներկայացուցիչների կողմից, ընդ որում ոստիկանների վրա հաձակվողները մնացին անպատիժ։

Որոշ ժամանակ անց այդ շերտի վառ ներկայացուցիչը (ներկայացուցչուհին) սեփական կենսակերպի քարոզչությամբ հանդես եկավ խորհրդարանի ամբիոնից։ Միաժամանակ հասարակության մեջ սկսեցին խոսել նոր Քր.օր.-ի 197-րդ հոդվածի մասին, որով նախատեսվում է մինչև 2 տարի ժամկետով ազատազրկում սեռական փոքրամասնությունների ներկայացուցիչների իրավունքները ճնշելու համար։

Այս խորապատկերին բավական հատկանշական հնչեց Փաշինյանի քաղաքական զինակից, «Քաղաքացիական պայմանագիր» կուսակցության անդամ Լարա Ահարոնյանի հայտարարությունը երկսեռականների իրավունքների մասին։ Իմիջիայլոց, Փաշինյանը Ահարոնյանի մասին ասում էր, թե նա երեք երեխաների մայր է, հայկական ավանդական ընտանիքի ներկայացուցիչ, այնինչ ԶԼՄ-ները հրապարակեցին ճիշտ հակառակ տեղեկություններ այդ մադամի մասին։

Ստամբուլյան կոնվենցիայի վավերացման դեմ արդեն հանդես են եկել բազմաթիվ փորձառու իրավագետներ, ներառյալ Բարձրագույն դատական խորհրդի նախկին անդամ, իրավագիտության դոկտոր, պրոֆեսոր Գևորգ Դանիելյանը։ Նա հայտարարեց, որ բազմաթիվ թերություններ է տեսնում փաստաթղթում։ «Գիտեմ Սահմանադրության մեկնաբանության առնչությամբ ոմանց դիրքորոշումները, թե՝ ոչ, Սահմանադրությունը չի արգելում, ասենք, համասեռամոլների ամուսնությունը և այլն, չի արգելում երեխաների որդեգրումը: Բայց չմոռանանք, որ Սահմանադրությունն ամրագրում է մի բան` երեխաների իրավունքները առաջնահերթ պետք է պաշտպանվեն: Իսկ եթե մի իրավիճակում` կլինի ընտանիքի հետ կապված, կրթության ոլորրտում, թե ցանկացած այլ ոլորտում` խղճի, մտքի ազատության և այլն, եթե երեխայի լավագույն իրավունքները մենք առաջնահերթ չենք դիտարկում, ապա այդտեղ բազմաթիվ խնդիրներ ենք ունենալու: Իմ կարծիքով` այդ կոնվենցիան ենթակա չէ վավերացման»,-հայտարարեց Դանիելյանը։

Ցուցանշական է, որ Ստամբուլյան կոնվենցիան, որը համաձայն մի շարք գնահատականների՝ միտված է փլուզելու հայկական ավանդական ընտանիքը, խորհրդարանի վավերացմանն է ներկայացվելու հենց այն տարում, որը Հայ Առաքելական Եկեղեցին Ամենայն Հայոց Կաթողիկոսի շուրթերով հռչակել է Ընտանիքի տարի։

Основная тема:
Ստամբուլյան կոնվենցիա

Теги:
ՀՀՇ Ընտանիք

ПОСЛЕДНИЕ ОТ АВТОРА

  • В ПОВЕСТКЕ "ЗАЧИСТКА", или ГДЕ БУДЕТ ЗЕЛЕНСКИЙ 9 МАЯ?
    2025-05-03 09:56

    Российские аналитики наперебой рассуждают о том, что Зеленский уже вышел из игры, а потому в обозримой перспективе следует ожидать его "зачистки", если он будет настаивать на своем и не подпишет документы по итогам переговоров. Трамп уже обвинил его в срыве переговоров по миру, а также выразил неудовлетворение ходом сделки по редкоземельным металлам. Счет, по мнению российских политологов, идет на месяцы. Речь о тех самых месяцах, пока на Украину продолжит поступать оружие, которое направила предыдущая администрация. Похоже, что судьба Зеленского, а, возможно, и его жизнь, напрямую зависят от этих поставок…

  • МАСКИ-ШОУ РАДИ "ГАЛОЧКИ"…
    2025-05-01 10:53

    2 декабря 2024 г. сотрудники Управления особого назначения криминальной полиции провели в Ереване облаву по всем законам маски-шоу. Полицейские были в масках и с автоматами, они единовременно в разных концах города уложили на асфальт воров в законе и криминальных авторитетов, известных под кличками "Шаумянци Жиро", "Нардусци Серго", "Гюмреци Суро" и др. После коронного номера с укладыванием на асфальт известных представителей криминального мира подвергли приводу. Шоу взбудоражило столицу. В криминальных кругах (и не только!) до сих пор не могут понять, почему "авторитетов" и воров в законе подвергли приводам по подозрению в незаконном хранении оружия и боеприпасов, но уголовное преследование возбудили по признакам хулиганства (статья 297, часть 2, пункт 1)?

  • РЕЧЬ ИДЕТ О ПРОГРАММЕ БЛОКИРОВАНИЯ АРМЕНИИ
    2025-05-01 09:19

    "Во время 44-дневной войны по государственному телевидению Турции турецкий политолог сказал, показав на карте, что именно сейчас турецкая армия зубами и когтями открывает дорогу через Зангезур в Нахиджеван, объединяя весь турецкий мир. В то же время министр транспорта Турции Исмаилоглу объявил, что, если вопрос Зангезурского коридора будет решен так, как они себе представляют, то Турция сразу начнет строительство железнодорожного пути Карс-Нахиджеван.

  • МИФ О "ПОКОРЕННОМ" СЮНИКЕ – ПОПЫТКА ВЫДАТЬ ЖЕЛАЕМОЕ ЗА ДЕЙСТВИТЕЛЬНОСТЬ
    2025-04-30 09:25

    Визит Пашиняна в Сюник агитпроп власти использовал с целью развенчания мифа о непокорном местном руководстве. На самом деле, "покоренный Сюник" существует только на уровне агиток, а сами агитки - на уровне роскошного букета алых роз, который некогда преподнес Анне Акопян руководитель общины Каджаран Манвел Парамазян и вокруг которого агитпроп власти раздул истерию с отречением Парамазяна от своих оппозиционных взглядов.

ПОСЛЕДНЕЕ ПО ТЕМЕ