Последние новости
2019-08-03 14:19
0
445

ՄԵՆՔ ԵՎ ԶՐՊԱՐՏԻՉՆԵՐԸ 96-ԻՆ ԱՊՐԵԼ ԵՆՔ ՏԱՐԲԵՐ ԵՐԿՐՆԵՐՈՒՄ

Поделиться
0

Ինչպես գրել է Մաքիավելին. «Զրպարտանք տարածելու համար փաստեր պետք չեն։ Փոխարենը՝ մեղադրանքներ էլ լինել չեն կարող, քանզի դրանց համար հաստատ պահանջվում են հավաստիության ապացույցներ։ Մեղադրանքները ներկայացվում են մագիստրատի, ժողովրդի առջև, դատարաններում. զրպարտանքը գործում է հրապարակներում ու սրահների կամարների տակ»։ Զրպարտանքն առաջացնում է ատելություն, «որից ծնվում է պառակտումը, պառակտումից՝ ինտրիգները, ինտրիգներից՝ կործանումը»։ Զրպարտանքի թույնը կարող է քայքայել ինչ ասես։

Այսօր երկրորդ նախագահ Ռոբերտ Քոչարյանի դեմ անամոթ զրպարտանքով են գերլեցուն սոցիալական ցանցերն ու իշխանամետ ԶԼՄ-ները, և անպատկառ ստի մասշտաբներն ապշեցնում են։ Բանը հասնում է պնդումների, թե հենց Քոչարյանի օրոք են մեզանում դրվել օրենքի նկատմամբ քամահրալից վերաբերմունքի և համակարգային կոռուպցիայի հիմքերը, սահմանափակվել քաղաքացիների կամքի արտահայտման և խոսքի ազատությունը, փլուզվել քաղաքական համակարգն ու ոչնչացվել ընդդիմությունը։

Մի խոսքով, ջանադրաբար ծավալվող զրպարտանքի ալիքներն ապշեցուցիչ են, և այդուհենդերձ այդ ամենի մեջ պակասում էր մի ինչ-որ գլխազարդ։ Եվ ահավասիկ, դա էլ թռավ-եկավ, վերջապես, թերթերից մեկում առաջնորդող հոդվածի տեսքով։ Դա կոչվում է՝ օգնությունը վրա հասավ յուրաժամանակ։

Ինչևէ, երբ ծանոթանում ես տեղեկատվական ողջ տարածքը հեղեղած զրպարտանքին, հընթացս բացահայտվում ես զարմանահրաշ բաներ։ Մասնավորապես, տպավորություն է ստեղծվում, թե մենք և զրպարտիչները 90-ականների առաջին կեսին ապրել ենք տարբեր երկրներում։ Հանձն չեմ առնում դատել, թե ինչպիսին էր իրավիճակն իրենց մոտ, իսկ մեզանում հենց 1995 թվականի խորհրդարանական ընտրությունների և սահմանադրական հանրաքվեի, ինչպես նաև 1996-ի նախագահական ընտրությունների ժամանակ առաջին անգամ կիրառվեցին զանգվածային կեղծումները։ Հենց այն ժամանակ էլ առաջին անգամ սկսեցին գնել ընտրողների ձայները մի շիշ ձեթի կամ օղու դիմաց, գողանալ քվեատուփերն ընտրական տեղամասերից, անջատել լույսն ու իրականացնել քվեաթերթիկների լցոնում, ճանապարհին կանգնեցնել ընտրական հանձնաժողովների անդամներին, որոնք ԿԸՀ էին տանում քվեարկության արդյունքների արձանագրությունները, և փոխել դրանք, պարզապես նկարել իշխանությանն անհրաժեշտ թվերը։

Իսկ հետո մայրաքաղաք մտցրեցին բանակը՝ տանկերով. ծեծում էին ընդդիմադիր պատգամավորներին հենց խորհրդարանում, ձերբակալում ընդդիմադիր կուսակցությունների բոլոր առաջնորդներին ու ակտիվիստներին, այդ թվում նաև ձեր խոնարհ ծառային, և երկար հարվածում սապոգավոր ոտքերով։ Ի դեպ, չէ՞ք մոռացել Սիրադեղյանի խոսքերը, որ եթե անգամ Վազգեն Մանուկյանը ձայների 100 տոկոս հավաքեր, նրան երբեք չէին զիջի իշխանությունը։

Իսկ մինչ այդ արգելեցին ընդդիմադիր Դաշնակցության գործունեությունը, փակեցին տասնյակ ընդդիմադիր ԶԼՄ-ներ…

Ավաղ, ես նորից հիշեցնում եմ «բազմապատկման աղյուսակը», բայց ի՜նչ արած, երբ անամոթ սուտն ու զրպարտանքը ստիպում են դա անել։ Չէ՞ որ շատերը ձևացնում են, թե տառապում են հիշողության կորստով, և այդ ամենը չի եղել կամ, ավելի ճիշտ, եղել է, բայց նախագահ Քոչարյանի օրոք։

Գիտե՞ք, թե ինչ բան է գնչուական հիպնոսը։ Դա այն է, երբ նայում ես մարդու աչքերին, հասկանում, որ ստում է կամ պարզապես խոսում այն մասին, ինչից տեղյակ չէ, բայց միևնույնն է, ուզում ես հավատալ։ Ահա ուրեմն, գնչուական հիպնոսն այսօր գնալով ավելի քիչ է ազդում հասարակության մտածող զանգվածի վրա։ Չնայած զրպարտիչների բոլոր ջանքերին։

Основная тема:
Իշխանությունը և հասարակությունը

Теги:
սոցկայքեր զրպարտանք

Интерактивный тур

    ПОСЛЕДНИЕ ОТ АВТОРА

    • МУТАНТЫ ДОБРАЛИСЬ ДО РОБЕРТА НАЗАРЯНА
      2020-08-07 14:08
      1870

      Так заложено природой, что в августе у Специальной следственной службы просыпается неуемная энергия. Не успела общественность прийти в себя от ее противозаконных и абсурдных действий в ходе расследования произошедшего между лидером "Адеквада" Артуром Даниеляном и вице-спикером НС Аленом Симоняном инцидента, как всем нам пришлось снова расслабить мозг и подвинтить нервную систему. Из ССС пришло очередное свежее сообщение: задержан бывший председатель комиссии по регулированию общественных услуг, бывший мэр Еревана Роберт Назарян.

    • ТАМ, ГДЕ ПРОШЛИ ДЕПУТАТЫ, САРАНЧЕ ДЕЛАТЬ НЕЧЕГО
      2020-08-07 10:35
      1336

      Есть далекие удивительные края, где граждане постоянно интересуются судьбой собственных денег. Ну вот интересно им, куда и на что тратится бюджет, собранный налогоплательщиками?! Каждую статью расходов под лупой просмотрят - и не приведи господи властям транжирить их доллары или евро! - съедят на ближайших выборах.

    • ПРЕМЬЕР С МАЛЕНЬКОЙ БУКВЫ
      2020-08-07 10:29
      1942

      В принципе есть два способа руководства любой страной. Либо вести себя цивилизованно - уважать законы и права граждан, поддерживать постоянный диалог с ними, решать вопросы по справедливости, не преследовать политических оппонентов, оставить в покое прессу, не крышевать бизнес, не давить на суды, развивать экономику, заботиться о слабых и необеспеченных... Тогда никаких протестных движений и акций не будет: не с чего протестовать.

    • ЦИРКОВОЙ ТРЮК СЛЕДСТВИЯ
      2020-08-06 12:27
      2369

      В одном старом американском фильме было хорошо сказано: "Военное правосудие - правосудие настолько, насколько военная музыка - музыка". Не о Специальной следственной службе Армении говорили, но близко.



    Радио Аврора

    Интерактивный тур

    Migration Resource Centers

    ПОСЛЕДНЕЕ ПО ТЕМЕ