2020-08-24 22:14
Ара МЕЛИКСЕТЯН
ԱՆՀԵԹԵԹ ՎԱՐՉԱՊԵՏԻ ԱՆՀԵԹԵԹ ՊՆԴՈՒՄՆԵՐԸ
Նիկոլ Փաշինյանը, ինչպես ասում են, անցել է նախկին գործելակերպին։ Որոշել է վերադառնալ երկրի սոցիալ-տնտեսական կյանքի տպավորիչ ցուցանիշները հասարակայնությանը ներկայացնելու երբեմնի ինտենսիվ պրակտիկային։ Սակայն ինչպես նախկինում, այնպես էլ հիմա, նրա հրապարակած թվերը եթե անգամ տպավորիչ են, ապա լոկ իրենց հակասականությամբ և առկա իրավիճակից բացարձակ կտրվածությամբ։
Վարչապետի ամենասիրելի վիճակագրական թեման աշխատաշուկան է, որին վերջին մի քանի օրվա ընթացքում նա նվիրել է ֆեյսբուքյան ամբողջ երկու գրառում: Առաջինում նա արտահայտվել էր բավական հակիրճ, ներկայացրել աշխատողների քանակին վերաբերող մի քանի թվեր և հայտարարել, թե առողջապահական ու տնտեսական կարիքների բալանսավորման քաղաքականությունը տալիս է կոնկրետ արդյունք: Երկրորդ գրառման մեջ թվերն ավելի շատ էին, իսկ եզրակացությունը՝ ավելի համարձակ. «ապրիլից ի վեր կառավարությունը ընդունել է մի շարք հակաճգնաժամային միջոցառումներ, որոնց նպատակը աշխատատեղերի պահպանումն է և աշխատավարձերի անկումը կանխելը։ Պաշտոնական այս թվերը ապացուցում են, որ այդ միջոցառումները արդյունավետ են եղել»։
Այժմ տեսնենք, թե հատկապես որ թվերն են հիմք տվել կառավարության ղեկավարին այդքան բարձր գնահատելու հակաճգնաժամային միջոցառումների արդյունավետությունը։ Ահա ուրեմն, Փաշինյանը պնդում է, թե այս տարվա հուլիսի տվյալներով ՝ աշխատավարձ ստացող աշխատողների թիվը երկրում կազմել է 613 հազար, մինչդեռ այս տարվա հունիսին այդ ցուցանիշը կազմել է 610 300, իսկ անցած տարվա հուլիսին՝ 607 հազար: Այսինքն նախորդ ամսվա համեմատ աշխատատեղերի թիվն ավելացել է 3000-ով, իսկ նախորդ տարվա համեմատ՝ 6000-ով ։ Փաշինյանը, ինչպես միշտ, ունի պաշտոնական տեղեկատվության իր սեփական աղբյուրները, որոնք, ինչքան էլ պարադոքսալ է, հակասում են կրկին իսկ պաշտոնական տեղեկատվությանը։ Բանն այն է, որ, օրինակ, Վիճակագրական կոմիտեի տվյալներով (պաշտոնական տեղեկատվություն), ընթացիկ տարվա հունիսին աշխատողների և աշխատավարձ ստացողների թիվը եղել է ոչ թե 610 300, ինչպես պնդում է կառավարության ղեկավարը, այլ 632 704։ Եվ եթե ենթադրենք, թե հուլիսին նրանց թիվը դարձել է 613 հազար, ապա հարկ կլինի խոստովանել, որ մեկ ամսում աշխատողների թիվը ոչ միայն չի ավելացել 3000-ով, այլև ընդհանրապես կրճատվել է 20 հազարով։ Այժմ՝ հարց. ինչո՞ւ է վարչապետը վիճակագրական տվյալները վերցնում ոչ թե Վիճակագրական կոմիտեից, այլ այլընտրանքային աղբյուրներից։
Ահավասիկ իր հաջորդ գրառման մեջ Փաշինյանը հայտարարում է, թե այս տարվա հուլիսին աշխատողների միջին աշխատավարձը կազմել է 207 հազար 795 դրամ, մինչդեռ հունիսին՝ 198 հազար 335 դրամ։ Եվ այստեղ կրկին ակներև է հակասությունը Վիճկոմիտեի տվյալների հետ, որը պնդում է, որ հունիսին միջին աշխատավարձը կազմել է 182 հազար 200 դրամ։
Խնդիրն ամենեվին էլ լոկ այն չէ, որ կառավարության ղեկավարն այդքան մակերեսայնորեն ու անփույթ է ծանոթանում վիճակագրական ցուցանիշներին, այդքան ընտրողաբար վերաբերվում դրանց և կասկածելի եզրահանգումներ անում։ Խնդիրն ավելի շուտ այն է, որ նրան ընդհանրապես չեն հուզում նման և այլ հակասությունները։ Լավ, ասենք թե՝ Նիկոլ Փաշինյանն իրավացի է իր գնահատականներում, թե կառավարության հակաճգնաժամային քայլերի շնորհիվ աշխատատեղերի թիվն ավելացել է, աշխատավարձերը՝ բարձրացել։ Ընդ որում՝ նախորդ տարվա ցուցանիշների համեմատ, երբ (ինչպես բազմիցս նշել է Փաշինյանը) երկրի տնտեսությունը թռիչք էր ապրում։ Մի՞թե տարօրինակ չէ, որ ճգնաժամի ժամանակաշրջանում աշխատատեղերի թիվն ավելացել է, և աշխատավարձերն էլ աճել են նախորդ տարվա համմեմատ։ Մի՞թե տարօրինակ չէ, որ աշխատատեղերն ավելացել և աշխատավարձերն աճել են այն ժամանակ, երբ տոտալ անկում է արձանագրվում մակրոտնտեսական բոլոր ցուցանիշներով։ Հիշեցնենք, որ այս տարվա առաջին կիսամյակում տնտեսական ակտիվությունը նվազել է 4,7%-ով՝ նախորդ տարվա նույն ժամանակահատվածի համեմատ։
Այստեղ հատուկ ընդգծենք, որ վիթխարի անկում է գրանցվել հենց այն ոլորտներում, որոնք առանցքային են բնակչության զբաղվածության և աշխատատեղերի առումով։ Դա շինարարությունն է, որի ծավալը կրճատվել է 23,4%-ով, դա առևտուրն է, որի շրջանառությունը նվազել է 11,1%-ով, դա սպասարկման ոլորտն է, որը կրճատվել է 6,4%-ով։ Ի դեպ, հենց միայն զբոսաշրջությունը, որտեղ զբաղված են տասնյակ հազարավոր մարդիկ, էկոնոմիկայի նախարարի խոստովանությամբ, կորցրել է շրջանառության 90%-ը։ Եվ ահա պաշտոնապես հաստատված բոլոր այս կորուստների խորապատկերին վարչապետը բարբառում է աշխատաշուկայի դրական միտումների մասին: Այն էլ այն աստիճան դրական, որ դրանք (միտումները) շատ ավելի լավն են, քան նախաճգնաժամային ժամանակաշրջանում։ Տպավորություն է ստեղծվում, թե բնակչության զբաղվածության ոլորտն առհասարակ ապրում է իր կյանքով և բացարձակապես ոչ մի կապ չունի տնտեսական կյանքի հետ։
Հասկանալի է Նիկոլ Փաշինյանի ձգտումը՝ գոնե ինչ-որ բան ներկայացնելու իբրև կառավարության աշխատանքի արդյունավետության նշան։ Բայց նույնիսկ այդ նշանների ընտրությունն անարդյունավետ է և պարզապես անհեթեթ…
ПОСЛЕДНИЕ ОТ АВТОРА
-
2025-07-30 09:36Мэр Еревана Тигран Авинян сообщил в своем Telegram-канале, что в последние годы городское управление претерпело серьезные изменения, превратив Ереван в «современный, цифровой и быстро реагирующий на нужды горожан город». «В 2021 году по коридорам мэрии еще катали тележки, полные документов. А сегодня Ереван — современный, цифровой город, способный быстро откликаться на потребности жителей», — написал он, передает Panarmenian.net. Ключевые шаги трансформации: запуск платформы «Активный гражданин» — инструмента для участия горожан, гарантирующего прозрачность и подотчетность; внедрение единого электронного сервиса, где доступны все данные о долгах, разрешениях и переписке граждан. По словам Авиняна, 12 управлений мэрии уже используют ГИС-технологии в следующих направлениях: мониторинг системы вывоза мусора, градостроительное планирование с помощью 3D-моделей, оптимизация транспортных маршрутов, интеллектуальные системы полива зеленых зон.
-
2025-07-28 10:13В июне в Армении был установлен новый исторический рекорд по числу зарегистрированных рабочих мест: 796 473 рабочих места. Как передает Арменпресс, об этом премьер-министр Армении Никол Пашинян сообщил на своей странице в Facebook. Премьер-министр отметил, что уровень экономической активности в стране составил 8,6%. «Люблю тебя, трудящийся, создающий продукт и созидающий государство народ Республики Армения», — такими словами завершил пост Никол Пашинян.
-
2025-07-24 10:05Кабмин Армении отреагировал на победу главы группы компаний "Ташир" Самвела Карапетяна в арбитражном споре против правительства РА по делу об огосударствлении компании "Электрические сети Армении" (ЭСА), передает Sputnik Армения.
-
2025-07-23 09:20На реализацию проекта «Образование – это модно» из средств государственного бюджета не было израсходовано ни одного драма. Финансировались исключительно мероприятия, связанные с деятельностью премьер-министра, в том числе его встречи с гражданами. Об этом на пресс-конференции 16 июля заявил премьер-министр Армении Никол Пашинян, передает News.am. «Государственные средства направляются на обеспечение деятельности премьер-министра. Например, микрофоны и стулья, используемые на этой пресс-конференции, также приобретены за счет бюджета, поскольку служат обеспечению моей официальной деятельности», - отметил он. «Проще говоря, финансировался не сам проект «Образование – это модно», а деятельность премьер-министра – его встречи с гражданами. Сегодня они проходят в рамках одной инициативы, завтра – в формате пресс-конференции или выездной встречи. Даже если я беседую с гражданами прямо посреди села – это также часть официальной деятельности, которая финансируется из государственного бюджета», - добавил Пашинян.
ПОСЛЕДНЕЕ ПО ТЕМЕ
-
2020-10-23 19:21Ըստ Հայաստանի Պետեկամուտների կոմիտեի տվյալների, եկամուտ ապահովող աշխատատեղերի քանակն ընթացիկ տարվա սեպտեմբերին կազմել է 623 հազար: Դա գերազանցում է օգոստոսի ցուցանիշը 14 հազարով, իսկ անցած տարվա սեպտեմբերինը՝ 15,6 հազարով։ Ինչպես նշում է ՊԵԿ-ը, վիճակագրության վարման ողջ պատմության ընթացքում եկամուտ ապահովող աշխատատեղերի 2020թ. սեպտեմբերի ցուցանիշն աննախադեպ է:
-
2020-08-13 08:49Ինչպեսև հայկական տնտեսության բազմաթիվ այլ բնագավառներ, խորացող ճգնաժամի պայմաններում անկում է ապրում նաև շինարարության ոլորտը։ Եվ այդ մասին վկայում են ՀՀ Վիճակագրական կոմիտեի տվյալները։ Այսպես, օրերս հրապարակված վիճակագրական տվյալների համաձայն, ընթացիկ տարվա առաջին կիսամյակում Հայաստանում կատարվել են 105,7 մլրդ դրամի շինարարական աշխատանքներ, ինչը կազմում է նախորդ տարվա նույն ժամանակահատվածի ծավալի 76,6%-ը։ Այլ կերպ ասած՝ ոլորտն «ընկել է» գրեթե մեկ քառորդով (23,4%-ով)։
-
2020-08-11 22:39Աշխատուժ գտնել չի հաջողվում անգամ ճգնաժամի պայմաններում և նույնիսկ սահմանամերձ գյուղերում։ Այս մասին կառավարության նիստում հայտարարել է վարչապետ Նիկոլ Փաշինյանը, հաղորդում է Sputnik Armenia-ն։
-
2020-06-25 10:27Հայկական տնտեսությունը «տնից դուրս եկավ» և... հայտնվեց է՛լ ավելի խոր մինուսի մեջ Մեր նախորդ համանման մակրոտնտեսական դիտազննումը (ընթացիկ տարվա 4 ամիսների վերաբերյալ) վերնագրված էր «Ապրիլի գարշահոտ «հատապտուղները»: Հայկական տնտեսությունը «նստեց տանը» և հայտնվեց մինուսի մեջ»։ Մայիս ամսվա թարմ վիճակագրությունն ապացուցում է այդ նյութի ենթավերնագրում հնչեցված միտքը…