Հայաստանի Հանրապետության և Ռուսաստանի Դաշնության միջև դիվանագիտական հարաբերությունների հաստատման 33-ամյակի կապակցությամբ Հայաստանի և Ռուսաստանի ԱԳ նախարարներ Արարատ Միրզոյանը և Սերգեյ Լավրովը փոխանակվել են ուղերձներով:

Վտանգավոր հիվանդության նոր համաճարակ կարող է բռնկվել աշխարհում արդեն «վաղը»։ Այդ մասին նախազգուշացրել է Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Ադհանոմ Գեբրեիսուսը՝ կոչ անելով երկրներին ակտիվացնել աշխատանքը համաճարակի կանխարգելման համար համաձայնագրի շուրջ։

Մենք ամեն ինչ անում ենք՝ օգտագործելով Ադրբեջանի հետ ունեցած մեր կապերը, որպեսզի տարածաշրջանում խաղաղություն հաստատվի։ Այս մասին ապրիլի 3-ին լրագրողների հետ զրույցում ասաց Հայաստանում Իրանի արտակարգ և լիազոր դեսպան Մեհդի Սոբհանին՝ ի պատասխան NEWS.am-ի թղթակցի՝ Իսրայելից Ադրբեջան մեծ քանակությամբ զենք տեղափոխելու մասին տեղեկությունը մեկնաբանելու խնդրանքին։

Ամերիկացի հայտնի դերասան և ռեժիսոր Ջո Մանգանիելլոն որպես գլխավոր բանախոս հանդես է եկել Ամերիկայի Հայկական համագումարի՝ Կոնգրեսում տեղի ունեցած Հայոց Ցեղասպանության ոգեկոչման միջոցառմանը: Նա պատմել է Հայոց ցեղասպանությունը վերապրած իր մեծ տատի հուզիչ պատմությունը:

Հայաստանի կառավարությունն ապրիլի 3-ի նիստում հավանություն է տվել օրենքի նախագծին, որը նախատեսում է խստացնել քրեական պատիժները պարտադիր զինվորական կամ այլընտրանքային ծառայությունից, ինչպես նաև վարժական հավաքներից խուսափելու համար:

Հայաստանը մեր գործընկերն է Շանհայի համագործակցության կազմակերպության (ՇՀԿ) խորացման և ընդլայնման գործընթացում։ Այս մասին ապրիլի 3-ին «Շանհայի ոգու խթանում. ՇՀԿ-ն գործողության մեջ» թեմայով սեմինարի ժամանակ հայտարարեց Հայաստանում Չինաստանի գործերի ժամանակավոր հավատարմատար Չեն Մինգը:

Ռուսաստանը կարևոր է համարում ՇՀԿ-ի աշխատանքներին այլ պետությունների, մասնավորապես՝ Հայաստանի միացումը։ Այս մասին հայտարարեց Հայաստանում Ռուսաստանի դեսպան Սերգեյ Կոպիրկինը «Շանհայան ոգու առաջմղում. ՇՀԿ-ն գործողության մեջ» թեմայով սեմինարի շրջանակում՝ պատասխանելով Sputnik Արմենիայի՝ ՇՀԿ-ի շրջանակներում համագործակցության հեռանկարների մասին հարցին։

Ռուսաստանում հույս ունեն, որ հայ հասարակությանը օբյեկտիվ կներկայացնեն ԵԱՏՄ-ին Հայաստանի անդամակցության բոլոր օգուտները և միությունից դուրս գալու հետևանքները։ Այս մասին ՌԻԱ Նովոստիին ասել է ՌԴ փոխարտգործնախարար Միխայիլ Գալուզինը։

ԱՄՆ-ի մաքսատուրքերը նախկին Խորհրդային Միության երկրների համար կհասնեն 31%-ի՝ սա այն մաքսատուրքն է, որը Թրամփը սահմանել է Մոլդովայի համար։ Երկրների մեծ մասի համար ներդրվել է 10% դրույքաչափ։ Ուկրաինայի համար՝ 10%։ Ռուսաստանը չի հիշատակվում ԱՄՆ նախագահ Դոնալդ Թրամփի կողմից նախկին ԽՍՀՄ երկրների համար մաքսատուրքերի տարբեր մակարդակների մասին։