Քաղաքացիական հագուստով անհայտ անձինք բռնի ուժով առևանգել են մեր ավագանու անդամության թեկնածու Անահիտ Խալաթյանին։ Այս մասին ահազանգում է Մարտուն Գրիգորյանի «Մեր քաղաքը» դաշինքը:

Գյումրիում 31/69, 31/70 ընտրատեղամասերում ակտիվությունը շատ է, մարդկանց մեծ կուտակումներ են, ընտրական գաղտնիության խախտում է արձանագրվել: Այս մասին, այսօր՝ մարտի 30-ին, լրագրողներին ասաց «Հայաքվե» նախաձեռնության համակարող Ավետիք Չալաբյանը։  

Եվրադաշինքի Գյումրիի քաղաքապետի թեկնածու Լևոն Բարսեղյանը Գյումրիում ավագանու ՏԻՄ արտահերթ ընտրություններում ընտրողների մասնակցությունը նորմալ է գնահատում։ Այսօր՝ մարտի 30-ին, քվեարկելուց հետո լրագրողներին ասել է, որ կանխատեսում է 33-35 տոկոս մասնակցությունը, որը, ըստ նրա, բարձր մասնակցություն է։

Ժամը 14:00-ի դրությամբ, Արմավիրի մարզի Փարաքար համայնքի ավագանու ընտրություններին մասնակցել է 7067 ընտրական իրավունք ունեցող անձ կամ ընտրողների 33.71%-ը: Փարաքարում ընտրական իրավունք ունի 20967 անձ:

Ո՞վ է ասել, որ ես ՔՊ-ի հետ եմ կոալիցիա կազմելու, եթե ես նման բան չեմ հայտարարել, հակառակը՝ ես ասել եմ, որ ոչ մեկին մենք քվե չենք տալու, լրագրողների հետ զրույցում հայտարարեց Գյումրու քաղաքապետի թեկնածու Արտյոմ Թումանյանը:

Ժողովրդի մեջ պահանջ կա, որպեսզի համայնքը կառավարվի նորմալ, Ինձ թվում է՝ դա է պատճառը, որ կուտակումներ են եղել: Այս մասին այսօր՝ մարտի 30-ին, քվեարկությունից առաջ լրագրողների հետ զրույցում նշեց Փարաքարի ավագանու ընտրություններում «Միասնություն» կուսակցությունների դաշինքի ցուցակը գլխավորող Վալոդյա Գրիգորյանը:

Պրոդյուսեր, Գյումրու քաղաքապետի թեկնածու Ռուբեն Մխիթարյանը, եթե անգամ Գյումրու քաղաքապետ չընտրվի, կպահի ավագանու իր մանդատը։ Այդ մասին նա ասաց քվեարկելուց հետո լրագրողների հետ զրույցում։

Մտավախություն ունեմ, որ շրջիկ խմբերով փորձելու են քվեարկության արդյունքները խեղաթյուրել: Այս մասին այսօր՝ մարտի 30-ին, քվեարկությունից հետո լրագրողների հետ զրույցում ասաց «Մայր Հայաստան» դաշինքի քաղաքապետի թեկնածու Կարեն Սիմոնյանը:  

Գյումրի և Փարաքար համայնքներում ժամը 11։00–ի դրությամբ քվեարկությանը մասնակցել է 11 194 ընտրող կամ ընտրական իրավունք ունեցող քաղաքացիների 8.47%–ը։ Տեղեկությունը հայտնում է ՀՀ Կենտրոնական ընտրական հանձնաժողովը։