Երևանի քաղաքապետ Տիգրան Ավինյանը հանդիպել է Դավթաշեն վարչական շրջանի Անաստաս Միկոյան 64 հասցեում կառուցված բազմաֆունկցիոնալ բնակելի համալիրի շահառուների և սնանկ ճանաչված կառուցապատող ընկերության ներկայացուցիչների հետ և հայտարարել, որ քաղաքապետարանն իր լիազորությունների շրջանակում կաջակցի բարեկարգման աշխատանքների իրականացման ու շահագործման թույլտվության տրամադրման հարցում: Այս մասին Ավինյանը հայտնել է սոցցանցերի իր էջերում։

Եվրասիական տնտեսական հանձնաժողովում ԵՏՀ Առևտրային քաղաքականության դեպարտամենտի տնօրեն Վլադիմիր Սերպիկովի և ԵՏՀ սանիտարական, բուսասանիտարական և անասնաբուժական միջոցառումների դեպարտամենտի տնօրեն Վլադիմիր Սինկևիչի գլխավորությամբ պետական ​​կառույցների, բիզնես ասոցիացիաների և ձեռնարկությունների ներկայացուցիչների հետ քննարկում է անցկացվել ԵՏՀ երկրների գյուղատնտեսական միության շուկայի հասանելիության հարցերի շուրջ։

Հունգարիան արգելափակել է Եվրամիության՝ Խաղաղության եվրոպական հիմնադրամի (ԵՀՀ) միջոցով Հայաստանին հավելյալ 20 միլիոն եվրո «ոչ մահաբեր» ռազմական օգնություն տրամադրումը։

Սահմանադրական դատարանը որոշել է, որ «Ապօրինի ծագում ունեցող գույքի բռնագանձման մասին» օրենքը համապատասխանում է ՀՀ Սահմանադրությանը։ Այս մասին հայտնում է ՍԴ մամուլի ծառայությունը։

Սահմանադրությունը չպետք է քաղաքական ուժերի փոխջիջման արդյունք լինի, իսկ առանց Անկախության հռչակագրի ՀՀ սահմանադրություն լինել չի կարող։ Այս մասին Sputnik Արմենիայի հետ զրույցում ասաց Երևանի պետական համալսարանի իրավագիտության ֆակուլտետի սահմանադրական իրավունքի ամբիոնի վարիչ Վարդան Այվազյանը։

«Ադրբեջանն ավելին է քան ագրեսորը։ Մենք այստեղ ենք, որովհետև տեսնում ենք, որ ինչքան մոտենում է «Խաղաղության պայմանագրի» ստորագրումը, Ադրբեջանը նոր կետեր է ներառում դրա մեջ, նոր պահանջներ է առաջ քաշում»։ Այս մասին այսօր՝ ապրիլի 16-ին, Ազատության հրապարակում արցախցիների հետ ունեցած հանդիպումից հետո ասաց Եվրախորհրդարանի պատգամավոր Նիկոլա Բեհը։

Գագիկ Բեգլարյանը Երևանի քաղաքապետի պաշտոնը զբաղեցնելու տարիներին (2002-2010) ապօրինի ձեռք է բերել 27 գույք՝ պետությանը պատճառելով 2,3 մլրդ դրամի վնաս։ Տեղեկությունը հայտնում է ՀՀ հակակոռուպցիոն կոմիտեն։

Իրանի համար կարևոր է համագործակցել ՄԱԳԱՏԷ-ի հետ` միջուկային ծրագրի խաղաղ բնույթը հաստատելու համար հատկապես այն ժամանակ, երբ դիվանագիտական ջանքերը վճռորոշ են: Այս մասին ասել է ՄԱԳԱՏԷ-ի գլխավոր տնօրեն Ռաֆայել Գրոսին։

Ատոմային էներգիայի միջազգային գործակալության (ՄԱԳԱՏԷ) գլխավոր տնօրեն Ռաֆայել Գրոսին այցով ժամանել է Թեհրան, որտեղ մի շարք հանդիպումներ և բանակցություններ կանցկացնի իրանցի պաշտոնյաների հետ։ Այս մասին հաղորդում է ISNA գործակալությունը: