Հայաստանը Թուրքիա ուղարկել է 27, իսկ Սիրիա 29 փրկարար։ Տեղեկությունը NEWS.am-ի հետ զրույցում հայտնեցին Ներքին գործերի նախարարության լրատվական ծառայությունից՝ այլ մանրամասներ չհաղորդելով։

Թուրքիան հրաժարվել է Կիպրոսի Հանրապետության փրկարարների օգնությունից՝ փետրվարի 6-ին տեղի ունեցած ողբերգական երկրաշարժից հետո։ Այս մասին հայտարարել է Կիպրոսի Հանրապետության ԱԳՆ քարտուղար Կոռնելիուս Կոռնելիուն։

Ադրբեջանի կողմից Լաչինի միջանցքի անօրինական շրջափակման հետևանքով Լեռնային Ղարաբաղում տիրող հումանիտար ծանր ճգնաժամային իրավիճակը Միացյալ Թագավորությունում Հայաստանի դեսպան Վարուժան Ներսեսյանը ներկայացրել է Միացյալ Թագավորության արտաքին գործերի, համագործակցության և զարգացման գրասենյակից Եվրոպայի հարցերով նախարար Լեո Դոհերթին։ Տեղեկությունը հայտնում են Միացյալ Թագավորությունում ՀՀ դեսպանությունից:

Ազգային ժողովը շարունակում է հերթական նիստի աշխատանքները։ Դռնփակ ռեժիմով շարունակվում են Պաշտպանության նախկին նախարար, Ազգային ժողովի պատգամավոր Սեյրան Օհանյանի նկատմամբ քրեական հետապնդում հարուցելուն համաձայնություն տալու մասին ՀՀ գլխավոր դատախազի ներկայացրած միջնորդության քննարկումները:  

ԱՄՆ նախագահ Ջո Բայդենը երեքշաբթի օրը Կոնգրեսում հանդես է եկել «Պետության վիճակը» ամենամյա ուղերձով, որի 72 րոպեների ընթացքում անդրադարձել է ինչպես պետության ներքին վիճակին, այնպես էլ արտաքին մարտահրավերներին, հաղորդում է «Արմենպրես»-ը:

Թուրքիայի կենտրոնական մասում 4,6 մագնիտուդով նոր երկրաշարժ է գրանցվել։ Այս մասին վկայում են Եվրոպա-Միջերկրածովյան սեյսմիկ կենտրոնի (EMSC) տվյալները։

Սիրիայում երկրաշարժի զոհերի թիվը հասել է 1250-ի, վիրավորներինը՝ 2054-ի։ Այդ մասին հաղորդում է «Գանձասար» շաբաթաթերթը՝ վկայակոչելով Սիրիայի առողջապահության նախարարությանը։

Ադրբեջանը 15 օր առաջ Հայաստանին է փոխանցել երկու երկրների միջև խաղաղության պայմանագրի վերաբերյալ առաջարկները և հանդես է գալիս փաստաթղթի տեքստի շուրջ բանակցությունների շուտափույթ անցկացման օգտին։ Այս մասին չորեքշաբթի լրագրողներին հայտնել է հանրապետության արտաքին գործերի նախարարության մամուլի քարտուղար Այխան Հաջիզադեն։

Արամ Ա վեհափառ հայրապետը Սիրիայի հայ համայնքի հոգևոր ու աշխարհական պատասխանատուների հետ մշտական կապի մեջ է` հետևելով երկրաշարժի պատճառով առաջացած վնասներին և ավերածություններին։ Տեղեկությունը հայտնում է «Ազդակ» օրաթերթը։