Թեհրանում Ադրբեջանի դեսպանության շենքի դեմ հարձակվողը միջադեպից անմիջապես հետո կալանավորվել է, տեղեկացրել է Mehr-ը՝ հղում կատարելով Իրանի մայրաքաղաքի ոստիկանապետ, բրիգադի գեներալ Ռահիմիին։

ԱՄՆ-ը կողմնակից է Հայաստանի և Ադրբեջանի միջև խաղաղ բանակցություններին։ Մենք ողջունում ենք գործընկերների, այդ թվում Եվրամիության՝ տարածաշրջանում վստահության ամրապնդման և Երևանի և Բաքվի միջև ուղիղ երկխոսությանը նպաստող ջանքերը։ Այս մասին ասել է պետդեպարտամենտի ներկայացուցիչ Վեդանտ Պատելը՝ մեկնաբանելով ՌԴ ԱԳՆ-ի հայտարարությունը Հայաստանում ԵՄ-ի մոնիթորինգային առաքելության մասին։

Բարերարներ Միքայել և Կարեն Վարդանյանները հերթական բարեգործական ծրագիրն են իրականացրել:

ՀՀ ՊՆ N զորամասի թիկունքի պետ-հրամանատարի թիկունքի և կոմունալ շահագործման ծառայության գծով տեղակալ Գ.Ա.-ի նկատմամբ, Գեղարքունիքի մարզի ընդհանուր իրավասության դատարանի որոշմամբ, որպես խափանման միջոց ընտրվել է կալանքը՝ երկու ամիս ժամկետով: Տեղեկությունը հայտնում է ՀՀ գլխավոր դատախազության մամուլի ծառայությունը։

Թեհրանում անհատ անձինք հարձակվել են Ադրբեջանի դեսպանատան վրա։ Այս մասին գրում է Sputnik Ադրբեջանը։

Լեհաստանի Սենատի արտաքին հարաբերությունների և Եվրամիության հարցերով հանձնաժողովը այսօր ընդունել է բանաձև, որում կոչ է արել Ադրբեջանի իշխանություններին անհապաղ և առանց նախապայմանների ապաշրջափակել Լաչինի միջանցքը։ Այս մասին ֆեյսբուքյան իր էջում հայտնել է ԵԽԽՎ-ում ՀՀ ԱԺ պատվիրակության անդամ Արուսյակ Ջուլհակյանը:

Կոնգրեսական Բրեդ Շերմանը դատապարտել է Ադրբեջանի կողմից Արցախի շարունակվող շրջափակումը և ալիևյան ռեժիմի համար իրական հետևանքներ պարտադրելու կոչ է արել։

ԵԽԽՎ-ում Արցախի շրջափակման հումանիտար հետևանքների շուրջ բանավեճեր են տեղի ունեցել, ադրբեջանական պատվիրակությունն աղմուկ է բարձրացրել։

ԱՄՆ կոնգրեսականները Արցախի շրջափակումը դատապարտող բանաձև են ներկայացրել և կոչ են արել նախագահ Ջո Բայդենին անհապաղ դադարեցնել ԱՄՆ ռազմական օգնությունը և անվտանգության ոլորտում աջակցությունը Ադրբեջանին։ Այս մասին հայտնում է Ամերիկայի հայկական համագումարը։