Ստեփանակերտի քաղաքապետարանի նախաձեռնությամբ այսօր՝ դեկտեմբերի 23-ին, Ստեփան Շահումյանի անվան օղակաձև պուրակում տեղի է ունեցել տոնածառի լույսերը վառելու արարողություն:

«Ռոսատոմ» պետական կորպորացիայի փոխտնօրեն Նիկոլայ Սպասսկին Հայկական ԱԷԿ է այցելել։ Այս մասին հայտնում է «Ռոսատոմի» մամուլի ծառայությունը։

Լաչինի միջանցքն արգելափակելով` Ադրբեջանը Լեռնային Ղարաբաղում հումանիտար աղետ է ստեղծում, այդ քայլը միտված է Լեռնային Ղարաբաղի հայությանն էթնիկ զտմանը։ ԵԱՀԿ Մինսկի խմբի ԱՄՆ համանախագահ Կովկասյան բանակցությունների հարցերով ավագ խորհրդական Ֆիլիպ Ռիքերի հետ հեռախոսազրույցում ասել է ՀՀ ԱԳ նախարար Արարատ Միրզոյանը, հայտնում են գերատեսչությունից։

Մենք կշտամբանքներ ենք լսում մեր զորախմբի հասցեին։ Առաջին հերթին, այսպես ասած, թե՛ Հայաստանի, թե՛ Ադրբեջանի հասարակական կարծիքի մասով: Սակայն մեր նախագահի մասնակցությամբ Ադրբեջանի հետ եռակողմ պայմանագիր կնքած երկրի ղեկավարի կողմից նման բան այդքան էլ հաճախ չի լինում: Այս մասին հայտարարել է ՌԴ ԱԳ նախարար Սերգեյ Լավրովը՝ իր ադրբեջանցի գործընկեր Ջեյհուն Բայրամովի հետ հանդիպումից հետո:  

Ռուբեն Վարդանյանը (Արցախի պետնախարար-խմբ.) ոչ մի կապ չունի Ռուսաստանի հետ։ Այս մասին հայտարարել է ՌԴ արտգործնախարար Սերգեյ Լավրովը՝ ամփոփելով իր ադրբեջանցի գործընկեր Ջեյհուն Բայրամովի հետ հանդիպման արդյունքները։

Ռուսաստանը և Հայաստանը մշակել են երկու երկրների միջև բիզնես համագործակցության թվային հարթակ, որը ներկայացվել է Ռուսաստանի և Հայաստանի տնտեսական հարցերով միջկառավարական հանձնաժողովի 21-րդ նիստում։ Տեղեկությունը հայտնել է ՌԴ փոխվարչապետ Ալեքսեյ Օվերչուկը։

Երևանն ու Մոսկվան հաստատել են ՌԴ-ից նավթամթերքի և գազի ներմուծման 2023 թվականի ինդիկատիվ (կանխատեսվող) հաշվեկշիռները։ Այս մասին այսօր Հայաստանի և Ռուսաստանի միջև տնտեսական համագործակցության միջկառավարական հանձնաժողովի նիստում հայտարարել է Հայաստանի փոխվարչապետ Մհեր Գրիգորյանը։

Ատոմային էներգիայի խաղաղ օգտագործման ոլորտում համագործակցությունը նշանակալի թեմա է թե՛ Հայաստանի, թե՛ Ռուսաստանի համար, կողմերը դիտարկում են նոր հնարավորություններ։ Հայտարարել է ՌԴ փոխվարչապետ Ալեքսեյ Օվերչուկը Հայաստանի և Ռուսաստանի միջև տնտեսական համագործակցության միջկառավարական հանձնաժողովի նիստում։

Վատիկանում Հայաստանի նախկին դեսպան Միքայել Մինասյանի հոր` Արա Մինասյանի նկատմամբ հարուցվել է նոր քրեական հետապնդում։ Տեղեկությունը հայտնում է ՀՀ քննչական կոմիտեն։