Արդեն ութերորդ օրն է՝ Ադրբեջանը շարունակում է փակ պահել Արցախը Հայաստանին կապող միակ ճանապարհը: 1100 քաղաքացի, որից 270-ը անչափահաս, տուն վերադառնալու հնարավորություն չունի: Այս մասին NEWS.am-ը տեղեկանում է Արցախի տեղեկատվական շտաբից:

Բելգիայի Արտաքին գործերի նախարարությունն Իրան այցելած իր քաղաքացիներին կոչ է արել հնարավորինս շուտ լքել երկիրը՝ «Իրանի ողջ տարածքում անվտանգության վատթարացող իրավիճակի ֆոնին կամայական կալանավորման մեծ ռիսկի պատճառով»։

Դեկտեմբերի 18-ին Սուրբ Գայանե վանքում հավարտ Սուրբ և Անմահ Պատարագի, հանդիսապետությամբ Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի, կատարվել է խաղաղության և զորակցության աղոթք հանուն Արցախի, հայտնում են Մայր Աթոռի Տեղեկատվական համակարգից։

Արցախի Հանրապետության պետնախարար Ռուբեն Վարդանյանը դեկտեմբերի 17-ին հանդիպումներ է ունեցել Մարտակերտի շրջանում: Այս մասին հայտնում են ԱՀ կառավարությունից:

Արցախի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովի աշխատակազմի ՏՄՊ վարչության մասնագետների կողմից 2022թ. դեկտեմբերի 17-ին Ստեփանակերտ քաղաքում գործող 22 առևտրային օբյեկտներում 56 լայն սպառման ապրանքատեսակների դիտարկման արդյունքում, նախորդ դիտանցման (16.12.2022թ.) համեմատ, արձանագրվել է 3 ապրանքատեսակի միջին գների նվազեցում (գների մոնիթորինգ): Այս մասին հայտնում են Արցախի տեղեկատվական շտաբից:

Մահացել ԱԺ նախկին նախագահ Գալուստ Սահակյանը:Այս մասին հայտնում է Hraparak.am-ը:

Փաստաբան Էրիկ Ալեքսանյանն ազատ արձակվեց կալանքից։ Այս մասին հայտնում է նրա պաշտպաններից Ալեքսանդր Կոչուբաևը։ Երևանի ընդհանուր իրավասության դատարանը՝ դատավոր Արշակ Մաթևոսյանի նախագահությամբ, հոկտեմբերի 19–ին Ալեքսանյանի նկատմամբ կալանավորումը որպես խափանման միջոց ընտրելու` ԱԱԾ քննիչի միջնորդությունը բավարարել էր։

Լեռնային Ղարաբաղում ստեղծված իրավիճակով պայմանավորված Եվրախորհրդարանի ոտ 30 պատգամավորներ դիմել են Եվրոպական խորհրդի ղեկավար Շառլ Միշելին և ԵՄ գլխավոր դիվանագետ Ժոզեպ Բորելին: Այս մասին Twitter-ի իր միկրոբլոգում գրել է Եվրախորհրդարանի ֆրանսիացի պատգամավոր, Արտաքին հարաբերությունների հանձնաժողովի անվտանգության և պաշտպանության ենթահանձնաժողովի ղեկավար Նատալի Լոիզոն։

Հռոմի պապ Ֆրանցիսկոս I-ը մտահոգություն է հայտնել Լաչինի միջանցքում տիրող իրավիճակի կապակցությամբ։ Այս մասին հայտնում է Վատիկանի գրասենյակը։