«Մանկական եվրատեսիլ-2022» երգի միջազգային 20-րդ մրցույթի բացման և Հանրապետության հրապարակի տոնածառի լույսերը վառելու արարողության մասնակիցների անվտանգությունն ապահովելու նպատակով այսօր ժամը 15․00-ից փակ են լինելու Հանրապետության հրապարակ մուտք գործող փողոցները։

Վրաստանից Ռուսաստան տանող ճանապարհը, որն անցնում է Վերին Լարսով, մերկասառույցի ու ձյան պատճառով փակ է բեռնատարների համար: Տեղեկությունը հայտնում է Վրաստանի տարածաշրջանային զարգացման և ենթակառուցվածքների նախարարության ավտոճանապարհների դեպարտամենտը։

Հայկական կողմը ենթադրաբար Ղարաբաղյան առաջին պատերազմի 10 զոհերի ոսկորներ ու 2 քարտեզ է փոխանցել ադրբեջանական կողմին։ Տեղեկությունը հայտնում է ՀՀ ազգային անվտանգության ծառայությունը։

ԱՄՆ պետքարտուղար Էնթոնի Բլինկենը հայտարարել է, որ ՌԴ-ի հետ բանակցությունները հնարավոր են, եթե Մոսկվան շահագրգռվածություն ցուցաբերի դիվանագիտության հարցում։

ՀՅԴ Հայ դատի Եվրոպայի գրասենյակի կազմակերպմամբ՝ 2022թ․ դեկտեմբերի 3-ին Բրյուսելում իր աշխատանքներն է սկսել ՀՅԴ Հայ դատի Եվրոպայի հանձնախմբերի խորհրդաժողովը, որին մասնակցում են Եվրոպական Միության շուրջ տասը երկրներում և Մեծ Բրիտանիայում գործող Հայ դատի հանձնախմբերի և Հայ դատի Կենտրոնական գրասենյակի ներկայացուցիչները։ Այս մասին հայտնում են ՀՅԴ Բյուրոյի Հայ դատի կենտրոնական գրասենյակից:

Արցախի Հանրապետության Գետավան գյուղի մոտ ադրբեջանցիներն են կանգնեցրել հայ երիտասարդների մեքենան, չեն թոյլատրել նրանց անցնել, ինչից էլ վիճաբանություն է առաջացել: Այս մասին NEWS.am-ին հայտնեց Գետավանի համայնքապետ Արարատ Զախարյանը:

Արցախի պետական նախարարի խորհրդական Արտակ Բեգլարյանը անդրադարձել է ադրբեջանական կողմի կեղծ պնդումներին, որոնց պատճառով դեկտեմբերի 3-ին փակել էին Ստեփանակերտ-Գորիս մայրուղին։ Բեգլարյանը վստահեցնում է, որ ադրբեջանցիների կողմից շահարկվող բնապահպանական խնդիրներն Արցախում չկան։

Իսպանիայի խորհրդարանի պատգամավոր Ջոն Ինյարիտուն Արցախի Հանրապետության նախագահ Արայիկ Հարությունյանի հրամանագրով պարգևատրվել է «Մխիթար Գոշ» մեդալով։ Այս մասին Ինյարիտուն գրառում է արել թվիթերյան իր միկրոբլոգում։

Նախօրեին հրազենային վիրավորում ստացած զինծառայողը տեղափոխվել է կենտրոնական զինվորական հոսպիտալ, որտեղ վիրահատվել է: Այս մասին NEWS.am-ին հայտնեց ՀՀ ՊՆ մամուլի խոսնակ Արամ Թորոսյանը: