Ղրիմի կամրջի վրա տեղի ունեցած պայթյունից հետո ռուսական կողմից «Վերին Լարս» անցակետում վերահսկողության խստացումը հանգեցրել է նոր բազմակիլոմետրանոց հերթերի, քանի որ համապատասխան ծառայությունները շատ ավելի մանրակրկիտ ու երկար են ստուգում մեքենաները։ Եթե իրադրությունը չփոխվի, Հայաստանից ՌԴ արտահանման ծավալն առնվազն 20 տոկոսով կկրճատվի։ Sputnik Արմենիայի հետ զրույցում այս տեսակետը հայտնեց «Սպայկա» ընկերության նախագծերի կառավարման բաժնի ղեկավար Կարեն Բաղդասարյանը` նշելով, որ Նոր տարուց առաջ` նոյեմբեր-դեկտեմբեր ժամանակահատվածում, ապրանքների վաճառքի ծավալները սովորաբար զգալի աճում են, ու եթե Լարսի խնդիրը չլուծվի, արտահանողները ֆինանսական զգալի կորուստներ կունենան։

ՆԱՏՕ-ի երկրների ճնշող մեծամասնությունը մտադիր է շարունակել աջակցել Ուկրաինային, թեև կան «որոշ ձայներ», որոնք տարբերվող կարծիք ունեն, խոստովանել է դաշինքի գլխավոր քարտուղար Յենս Ստոլտենբերգը, որը այցով Մեծ Բրիտանիայում է:

Ռուսական ուժերի միացյալ խմբավորման հրամանատար Սերգեյ Սուրովիկինը պաշտպանության նախարար Սերգեյ Շոյգուին ուղղված զեկույցում հայտարարել է հատուկ գործողության գոտում իրավիճակի կայունացման մասին։

Երկու տարի առաջ այս օրը դադարեց աղետալի պատերազմը Արցախի Հանրապետության ու հայ ժողովրդի դեմ:

«Հայաստան» խմբակցությունն այսօր՝ նոյեմբերի 9-ին, այցելել է «Եռաբլուր» զինվորական պանթեոն։ Պատգամավորները ծաղիկներ են խոնարհել 44-օրյա պատերազմում զոհված զինծառայողների շիրիմներին։  

Բաքվում չեն թաքցնում, որ Ադրբեջանի և Թուրքիայի գերխնդիրներից մեկն Իրանի մասնատումն է։ Այս մասին NEWS.am-ի թղթակցի հետ զրույցում ասաց Լեռնային Ղարաբաղի Հանրապետության (Արցախի Հանրապետություն) ԱԳ նախարար Դավիթ Բաբայանը։

Ռուսաստանը կաջակցի Երևանին և Բաքվին փոխընդունելի հանգուցալուծումների որոնման գործընթացում։ Նման հայտարարություն է արել ՌԴ ԱԳՆ պաշտոնական ներկայացուցիչ Մարիա Զախարովան այսօր կայացած ճեպազրույցում ՝ պատասխանելով հարցին, թե արդյո՞ք Հայաստանի և Ադրբեջանի ԱԳ ղեկավարների վաշինգտոնյան հանդիպումը Արևմուտքի, այլ ոչ թե Ռուսաստանի հովանու ներքո խաղաղության պայմանագիր ստորագրելու ցանկության ցուցադրություն չէ։

Ռուսաստանը նպաստում է հայ-ադրբեջանական հարաբերությունների համալիր կարգավորմանը։ Նման հայտարարություն է արել ՌԴ ԱԳՆ պաշտոնական ներկայացուցիչ Մարիա Զախարովան՝ հիշեցնելով, որ այսօր՝ նոյեմբերի 9-ին, լրանում է Լեռնային Ղարաբաղի հակամարտության գոտում հրադադարի մասին եռակողմ հայտարարության ստորագրման երկու տարին։ Նրա կարծիքով՝ այս քայլը թույլ է տվել վերջ դնել արյունահեղությանը և տարածաշրջանում խաղաղ կյանքի կարգավորմանն է սկիզբ դրվել։

Ի վերջո քանի տարի մենք պետք է բացատրենք՝ ինչ է #Ադրբեջան/ը, որ գոնե պարզ լինի աշխարհին, հայության համար որոշ շերտերի: