Թուրքիան 52 տարի սպասում է Եվրամիության դռան մոտ և անհրաժեշտ պատասխան կտա, երբ գա ժամանակը։ Այս մասին հայտարարել է Թուրքիայի նախագահ Ռեջեփ Թայիփ Էրդողանը «Թյուրքական խաղաղության բարձրագույն շքանշանով» պարգևատրման արարողության ժամանակ։

Հայ–ադրբեջանական սահմանագոտում տեղակայված մարտական դիրքում հակառակորդի կրակոցից հրազենային վիրավորում ստացած շարքային Պարույր Խաչատրյանին վիրահատել են։ Տեղեկությունը Sputnik Արմենիայի հետ զրույցում հայտնեց ՀՀ պաշտպանության նախարարի մամուլի խոսնակ Արամ Թորոսյանը։

Սամարղանդում թյուրքական պետությունների կազմակերպության IX գագաթաժողովում իր ելույթում Ադրբեջանի նախագահ Իլհամ Ալիևը հերթական մեղադրանքներն ու սպառնալիքներն է հնչեցրել Հայաստանի հասցեին։ Նա ամբողջությամբ հերքել է ռազմական ագրեսիայի բոլոր մեղադրանքները։

Ներկայիս աշխարհաքաղաքական և աշխարհատնտեսական հակասությունները բացասական ազդեցություն են գործում Եվրասիայում։ Մենք պետք է համերաշխություն ցուցաբերենք բոլոր մարտահրավերներին և սպառնալիքներին համատեղ դիմակայելու համար։ Այս մասին ասել է Ղազախստանի նախագահ Կասիմ-Ժոմարտ Տոկաևը՝ ելույթ ունենալով Սամարղանդում, Թյուրքական պետությունների կազմակերպության գագաթաժողովում։

Կիպրոսի՝ Թուրքիայի օկուպացրած հյուսիսային մասը դարձել է «դիտորդ» Թյուրքական պետությունների կազմակերպությունում։ Այս մասին տեղեկացրել է Թուրքիայի ԱԳՆ-ի ղեկավար Մևլութ Չավուշօղլուն։

Ադրբեջանի նախագահ Իլհամ Ալիևն իր ելույթում կոպտորեն խախտել է ուժի սպառնալիքից կամ դրա կիրառումից զերծ մնալու մասին համաձայնությունը, որը նշված է Սոչիի եռակողմ հայտարարության մեջ։ Թվիթերյան իր էջում նման գրառում է արել ՀՀ վարչապետ Նիկոլ Փաշինյանը` անդրադառնալով Ալիևի հայտարարություններին։

ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ Թագուհի Թովմասյանը։

Ադրբեջանի ՊՆ տարածած հաղորդագրությունն այն մասին, թե իբր ՊԲ ստորաբաժանումները նոյեմբերի 10-ի լույս 11-ի գիշերը կրակ են բացել Արցախի Հանրապետության Մարտունու շրջանի օկուպացված տարածքներում տեղակայված ադրբեջանական դիրքերի ուղղությամբ, հերթական ապատեղեկատվությունն է:

Հայաստանի առանձին շրջաններում այսօր թույլ տեղումներ կգրանցվեն։ Տեղեկությունը հայտնում է Հիդրոօդերևութաբանության և մոնիտորինգի կենտրոնը։