Թյուրքական պետությունների խորհուրդը կարելի է անվանել խաղաղության ֆորում։ Սամարղանդում մեկնարկած հունգարա-ուզբեկական գործարար համաժողովի շրջանակում այս մասին հայտարարել է Հունգարիայի արտգործնախարար Պետեր Սիյարտոն։

Կենտրոնական ընտրական հանձնաժողովը հաստատել է 2023-ի ՏԻՄ հերթական ընտրությունների օրերը, հայտնում է ԿԸՀ մամուլի ծառայությունը։ Նշենք, որ Կենտրոնական ընտրական հանձնաժողովը նոյեմբերի 11-ին հերթական նիստն է գումարել, որի ընթացքում էլ համապատասխան որոշում է կայացվել։

Ցեղասպանության կանխարգելման Լեմկինի ինստիտուտը խորապես մտահոգված է Ադրբեջանի ցեղասպանական հռետորաբանությամբ, հատկապես Ադրբեջանի նախագահ Իլհամ Ալիևի վերջին ելույթներից հետո, որտեղ նա կրկնել է Հայաստանի վրա հարձակում գործելու սպառնալիքները: Համապատասխան հայտարարությունը հրապարակվել է Twitter–ում Լեմկինի ինստիտուտի էջում։

Արցախի Հանրապետությունում 2022 թվականի հունվար-սեպտեմբեր ամիսներին համախառն ներքին արդյունքի իրական աճի տեմպը կազմել է 18,2 տոկոս:

Խերսոնի ուղղությամբ Դնեպրի ձախ ափ ռուսական զորքերի տեղափոխման ժամանակ կորուստներ չեն եղել, տեղեկությունը հայտնել է ՌԴ պաշտպանության նախարարությունը։

Բերդ համայնքի նախկին ղեկավար Հարություն Մանուչարյանը կալանավորվել է։ Տեղեկությունը NEWS.am-ին հայտնեցին Հակակոռուպցիոն կոմիտեից։

Պեմզաշենում կատարված սպանությունների գործով ոստիկանությունն ակնկալում է քաղաքացիների աջակցությունը։ Ոստիկանությունը հայտարարություն է տարածել` անդրադառնալով Շիրակի մարզի Պեմզաշեն գյուղում կատարված սպանությանը։

G20-ի գագաթնաժողովին չմասնակցելու մասին Ռուսաստանի նախագահ Վլադիմիր Պուտինի որոշումը կապված է նրա ժամանակացույցի ու երկրում գտնվելու անհրաժեշտության հետ: Տեղեկությունը լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։

Եկող շաբաթվա ԱԺ նիստերին մենք մասնակցելու ենք: Բայց դա չի նշանակում, որ Նիկոլ Փաշինյանի իշխանության դեմ պայքարը չի շարունակվելու: Այս մասին գրում է ԱԺ "Պատիվ ունեմ" խմբակցության պատգամավոր Թագուհի Թովմասյանը: