«Հայաստան» դաշինքը ֆեյսբուքյան և տելեգրամյան էջերում հրապարակել է կարգախոսներ, որոնցով կոչ է անում քաղաքացիներին՝ նոյեմբերի 5-ին, ժամը 15։00-ին մասնակցել Ֆրանսիայի հրապարակում կայանալիք միասնության հանրահավաքին։

Բագրատ եպիսկոպոս Գալստանյանը ելույթ է ունենալու ընդդիմության վաղվա հանրահավաքում։ Նա այդ մասին ասաց Sputnik Արմենիայի հետ զրույցում` նշելով, որ հանրահավաքին մասնակցելու է Ամենայն հայոց կաթողիկոս Գարեգին Բ-ի օրհնությամբ։

Աշխատատանքային այցով ՌԴ-ում գտնվող ՀՀ պաշտպանության նախարարի տեղակալ Կարեն Բրուտյանը նոյեմբերի 4-ին հանդիպել է ՌԴ պաշտպանության նախարարի տեղակալ, գեներալ-գնդապետ Ալեքսանդր Ֆոմինի հետ:

Ադրբեջանի և Հայաստանի արտգործնախարարներ Ջեյհուն Բայրամովը և Արարատ Միրզոյանը հաջորդ շաբաթ կժամանեն Վաշինգտոն պետքարտուղար Էնթոնի Բլինքենի հետ հանդիպելու համար։

Ականավոր դիրիժոր Օհան Դուրյանի 100-ամյա հոբելյանի առթիվ նոյեմբերի 4-ին Ազատության հրապարակում՝ Ալ. Սպենդիարյանի անվան օպերայի և բալետի ազգային ակադեմիական թատրոնի հարակից տարածքում, տեղադրվեց մաեստրոյի արձան-հուշակոթողը:

Երևանը ՌԴ-Հայաստան-Ադրբեջան միջխորհրդարանական բանակցություններ անցկացնելու առաջարկ է ստացել։ Այս մասին NEWS.am-ի հետ զրույցում ասաց ԱԺ նախագահի խոսնակ Ծովինար Խաչատրյանը։

Կոչ եմ անում մասնակցել շաբաթ` նոյեմբերի 5-ին` ժամը 15:00-ին կայանալիք հանրահավաքին՝ Հայաստանի և Արցախի անվտանգության համար: Այս մասին, իր ուղերձում հայտարարել է ՀՅԴ Բյուրոյի անդամ, Ֆրանսիայի հայկական կազմակերպությունները համակարգող խորհրդի համանախագահ Մուրադ Փափազյանը:

Ըստ կանխատեսումների՝ գալիք տարի կծնվի մոտ 36 000 երեխա՝ այս տարվա 37 000-ի դիմաց։ Այս մասին այսօր՝ նոյեմբերի 4-ին, ԱԺ մշտական հանձնաժողովների համատեղ նիստում 2023 թվականի պետբյուջեի նախագծի քննարկման ժամանակ ասաց աշխատանքի և սոցիալական հարցերի նախարար Նարեկ Մկրտչյանը։

Նոյեմբերի 5-ին կայանալիք հանրահավաքին ընդառաջ «Հայաստան» խմբակցության կին պատգամավոր Քրիստինե Վարդանյանն ու Ասպրամ Կրպեյանը այսօր՝ նոյեմբերի 4-ին, կարմիր փուչիկներով իրազեկման ակցիա են իրականացրել Երևանի կենտրոնում։