Ռուսաստանը վերսկսում է իր մասնակցությունը Ստամբուլի պարենային գործարքին, քանի որ ստացել է բավարար երաշխիքներ։ Այս մասին հայտնել է ՌԴ Պաշտպանության նախարարությունը։

Ադրբեջանի զինված ուժերի հատուկ նշանակության ստորաբաժանումները վարժանքներ են սկսել երկրի հարավային սահմանների մոտ։ Զորավարժություններն անցկացվում են 2022 թվականի մարտական ​​պատրաստության պլանի համաձայն, դրանք ղեկավարում է Հատուկ նշանակության ուժերի հրամանատար, գեներալ-լեյտենանտ Հիքմեթ Միրզաևը, գրում են ադրբեջանական ԶԼՄ-ները։

ԱԺ նախագահ Ալեն Սիմոնյանը տեղյակ չէ, որ Ռուսաստանի ԱԳՆ-ն դիմել է Հայաստանի ԱԳՆ–ին, պարզելու, թե ինչո՞ւ է ՀՀ-ն «սև ցուցակ» գցել Կոնստանտին Զատուլինին ու Մարգարիտա Սիմոնյանին։ Այս մասին նա հայտարարեց այսօր լրագրողների հետ ճեպազրույցի ժամանակ։

Հայաստանի խորհրդարանի փոխնախագահ Հակոբ Արշակյանն ըտրվել է ՀԱՊԿ Խորհրդարանական վեհաժողովի քաղաքական հարցերի և միջազգային համագործակցության մշտական հանձնաժողովի նախագահ։

ՀՀ ԱԺ նախագահ Ալեն Սիմոնյանը վստահ չէ, որ Բելառուսի նախագահ Ալեքսանդր Լուկաշենկոն սեփական մտքերն է արտահայտում։ Նա իր տեսակետը հայտնեց Ազգային ժողովում լրագրողների հետ ճեպազրույցում։

ՌԴ-ի սահմանների մոտ տեղակայվելով` ՆԱՏՕ-ն Ռուսաստանին զսպելու քաղաքականությունից անցում է կատարում հավաքական պաշտպանության լիարժեք համակարգի ստեղծման։ Այս մասին ՌԴ–ի և Բելառուսի ռազմական գերատեսչությունների համատեղ կոլեգիայի նիստին հայտարարել է ՌԴ պաշտպանության նախարար Սերգեյ Շոյգուն։

ՀՅԴ Հայաստանի Գերագույն մարմնի ներկայացուցիչ, ԱԺ «Հայաստան» խմբակցության պատգամավոր Իշխան Սաղաթելյանը «5-րդ ալիք» հեռուստաընկերության «Հարցազրույց» հաղորդաշարի եթերում նշել է, որ նոյեմբերի 5-ի հանրահավաքը Արցախի կողքին կանգնելու ու բողոքի ձայն բարձրացնելու նպատակ է հետապնդում: Միաժամանակ պատգամավորը շեշտել է, որ օրակարգում լինելու է գործող իշխանություններին հեռացնելու կետը, ինչը դժվար է, բայց ոչ անհնար:  

Գեղարքունիքի մարզպետ Կարեն Սարգսյանն ընդունեց ԵՄ առաքելության դիտորդական աշխատանքային թիմի ղեկավար Լինն Նետտելվիկին և թիմի անդամներին։

ՀՀ երկրորդ Նախագահ Ռոբերտ Քոչարյանը մասնակցելու է նոյեմբերի 5-ի համահայկական հանրահավաքին: Այս մասին «Փասֆինֆո»-ին հայտնեց ՀՀ երկրորդ նախագահի գրասենյակի ղեկավար Բագրատ Միկոյանը: