Աշոտ ԱՐԱՄՅԱՆ

հոդվածներ 107

«ԳԱ»-ի բազմամյա տնտեսական մեկնաբանն է։ Զբաղեցրել է նաև «Բազիս» (2004-2009թթ.) և «Ռեվյու» (2011թ.) տնտեսագիտական ամսագրերի գլխավոր խմբագրի պաշտոնները։ Մասնագիտական որակավորումը բարձրացնելու նպատակով Ստամբուլում (Թուրքիա) մասնակցել է «Չարաշահումները տնտեսական բարեփոխումների ընթացքում և ֆոնդային շուկայում» գործնական սեմինարին, իսկ 2002 թվականի փետրվար-մարտին International Center for Journalists-ի (ԱՄՆ) հրավերով մասնակցել է կրթական ծրագրի՝ ԶԼՄ-ների ժուռնալիստիկայի և մենեջմենտի ասպարեզում, Հարավային Կովկասի երկրների խմբագիրների համար։

ՄԱՍՆԱԳԻՏԱԿԱՆ ՊԱՐԳԵՎՆԵՐԸ. ՀՀ Կենտրոնական բանկի առաջին մրցանակ «Տնտեսագիտական թեմայով 2001 թվականի լավագույն նյութի համար», «Կոնվերս-Բանկի» առաջին մրցանակ «Ֆինանսատնտեսական թեմայով 2002 թվականի լավագույն նյութի համար», ՅՈՒՆԵՍԿՕ-ի և Եվրասիա-Մեդիայի առաջին մրցանակ «Տեղեկատվական հաղորդակցական տեխնոլոգիաների ոլորտի մասին լավագույն հոդվածի համար» (Մոսկվա, 2005 թվական)։ Հայաստանի Բանկերի միության առաջին մրցանակ «Հայաստանի ֆինանսաբանկային համակարգի 2012 թվականի խնդիրները մասնագիտական բարձր մակարդակով լուսաբանելու համար»։ Զարգացման Եվրասիական բանկի կողմից հայտարարված «Եվրասիական ինտեգրում և զարգացում. XXI դար» ԶԼՄ-ների Երկրորդ միջազգային ստեղծագործական մրցույթի հաղթող (Մոսկվա, 2016թ.), Եվրասիական ժողովուրդների ասամբլեայի «Հանուն Եվրասիական հումանիտար ինտեգրացիայի խորացման» հատուկ անվանակարգի հաղթող (2018թ.)։

Բոլոր հոդվածները

  • 2025-05-28 09:38
    361
    анализ

    ԱՆԿԱԽՈՒԹՅԱՆ ՕՐԸ. ԲԻԲԼԻԱԿԱՆ ԱՐԱՐԱՏԻ ՇՈՒՐՋ, ԹԵ՞ ԱՐԱԳԱԾԻ ՍՏՈՐՈՏԻՆ

    «Թող մայիսի 28-ը լինի զոհվածների հիշատակի օր, բայցև բիբլիական Արարատի շուրջ նոր պետականության վերակերտման համաժողովրդական մեծ բերկրանքի օր, ազգային բարձրագույն իղձերի և համաշխարհային արդարության հաղթանակի օր»,- սա մի պարբերություն է Անկախության օրվա առթիվ հոբելյանական ուղերձից, որը հրապարակվել է 1919 թվականի մայիսի 23-ին… Այսօր՝ Փաշինյանի կառավարման մեկնարկից 7 տարի անց, դժվար թե հնարավոր է խոսել «ազգային բարձրագույն իղձերի» և հայ ժողովրդի նկատմամբ «համաշխարհային արդարության հաղթանակի» մասին, որը, ըստ գործող իշխանության առասպելաբանության, նոր պետականությունը վերակերտել է ոչ թե բիբլիական Արարատ լեռան շուրջ, այլ Արագած լեռան ստորոտին, ինչի մասին լուրը շտապեց ժողովրդին ազդարարել անձամբ Փաշինյանը…

  • 2025-01-18 09:17
    582
    анализ

    «ՀԱՅՏՆԱԳՈՐԾՈՂԸ», կամ «ԲԱԼԱՆՍԱՎՈՐՎԱԾ» ԱՐՏԱՔԻՆ ՔԱՂԱՔԱԿԱՆՈՒԹՅՈՒՆ՝ ԶՐՈՅԱԿԱՆ ԱՐԴՅՈՒՆՔՈՎ

    Փաշինյանն ակտիվորեն տպավորություն է ստեղծում, թե ինքը, Ամերիկան հայտնագործած Կոլումբոսի պես, Հայաստանի համար հայտնագործում է Եվրոպան, ԱՄՆ-ը և առհասարակ արևմտյան աշխարհը: Ահավասիկ կառավարությունն այս տարվա առաջին իսկ նիստում ընդունեց Եվրամիությանն անդամակցելու գործընթացը սկսելու մասին օրինագիծը, իսկ ևս մի քանի օր անց Հայաստանի և ԱՄՆ-ի միջև ստորագրվեց ռազմավարական գործընկերության խարտիա։ Դե, կեցցե՛ մեր վարչապետը, այնպես չէ՞.. Ասենք, նա ինքն էլ չզլացավ գովել իրեն «բալանսավորված և բալանսավորման արտաքին քաղաքականության» համար, ինչին Հայաստանի սահմանների անվտանգության առումով անմիջապես ձայնակցեց պաշտպանության նախարար Սուրեն Պապիկյանը։ Բայց այդպե՞ս է արդյոք դա:

  • 2025-01-14 09:13
    359
    анализ

    ՀՌՈՄԵԱԿԱՆ ԱՐՁԱԿՈՒՐԴՆԵՐ, կամ՝ ՄԻ ԳԱՎԱԹ ՍՈՒՐՃ ԴԻՈԳԵՆԵՍԻ ՀԱՄԱՐ

    Նախընտրական վերջին տարում Փաշինյանը, ինչպես ասում են, բառացիորեն փրփուրից է կառչում, ճգնելով ապացուցել, թե ի՜նչ հիանալի է դարձել կյանքը Հայաստանում իր օրոք։ Ե՛վ թոշակառուները պետք է գոհ լինեն իրենց ողորմելի թոշակներից, և՛ մի գավաթ սուրճի համար ոչ թե Ջերմուկ, ինչպես նախկին «խավար» ժամանակներում, այլ Հռոմ թռչելու սիրահարները, և՛ գյուղացիները, որոնց համար այս իշխանության օրոք հրաշալի հնարավորություն բացվեց խաշած եգիպտացորեն վաճառել ճամփեզրին։ Իսկը համընդհանուր բարեկեցության հասարակություն…

  • 2024-11-28 08:49
    778
    текущие события

    ՈՒՐԱՑՈՂՆԵՐԻ ՄՇԱԿՈՒԹԱՅԻՆ ԳԵՐԱԿԱՅՈՒԹՅՈՒՆՆԵՐԸ

    Փաշինյանի կառավարությունը, ըստ երևույթին, անասելի հպարտ է, որ պետբյուջեի և միջազգային դոնորների միջոցների հաշվին 75 մլրդ դրամի աջակցություն է ցուցաբերել Արցախից բռնի տեղահանվածներին: Ճիշտ է, եկող տարվա գարնանից աստիճանաբար կկասեցվի հենց Հայաստանի իշխանությունների ապաշնորհ գործողությունների պատճառով հողից, տներից ու ունեցվածքից զրկված մարդկանց նյութական աջակցության ծրագիրը։ Այս «ավետիսը» Փաշինյանի «շատ լավ է» խրախուսանքի ներքո, կառավարության վերջին նիստում ազդարարեց աշխատանքի և սոցիալական հարցերի նախարար Նարեկ Մկրտչյանը։ Այնպիսի տպավորություն է, որ ուրացողները նպատակադրվել են իսպառ մոռացության գիրկն ուղարկել Արցախը և նրա մասին հիշողությունն անգամ ջնջել մեր ամենքիս մտքից…

  • 2024-11-19 08:36
    583
    анализ

    ՄԵՆԱԿԸ ԴԱՇՏՈՒՄ, ՊԱՇՏՈՆԱԹՈՂ ՈՒԺԱՅԻՆՆԵՐՆ ՈՒ ԳՆԵԼԸ

    Փաշինյանի բազմաթիվ մանիպուլյատիվ-արտիստական հմտությունների շարքում առկա է մի ունակություն՝ Հիտլերի պես կեղծ ցասման վիճակի մեջ գցելու իրեն, ինչն էլ տեղի ունեցավ կառավարության վերջին նիստում, երբ նա, դիմելով դատաիրավական գերատեսչությունների ղեկավարներին, հայտարարեց, թե իր «համբերության բաժակը լցվել է, և կոնկրետ արդյունքներ է ակնկալում»։ Իր երկրորդ առանձնահատկության մասին վարչապետը մի անգամ ասաց անձամբ, այն է՝ որ երբեք չի վախեցել մենակ մնալ, բայց մոռացավ նշել, որ ամենից շատ վախենում է թուլության մեջ մեղադրվելուց…

  • 2024-11-15 09:03
    2532
    анализ

    ՄԵԾ ՈՂՋՈՒՅՆ ԱՊԻԿԱՐՆԵՐԻՑ ՏԿԱՐՆԵՐԻՆ

    ՀՀ ֆինանսների ժուլիկավուն նախարար Վահե Հովհաննիսյանը, ներկայացնելով գալիք տարվա պետբյուջեն, գրեթե արցունքն աչքերին պատմում էր, թե բացի անվտանգության (պաշտպանություն և ռազմարդյունաբերական համալիր) և կրթության (դպրոցաշինություն) ոլորտներից, մնացած բոլոր ծախսերին կառավարությունը մոտեցել է խնայողաբար, հարկադրված շոշափելով նաև ամենամեծ սրբությունը՝ սեփական աշխատավարձերը։ Դե, նախ՝ սա հերթական սուտն է, քանի որ 2025 թվականին նախատեսվում է ոստիկանության և պետպահպանության ծախսերի զգալի ավելացում, և երկրորդ՝ «սեփական» աշխատավարձերի կրճատումը կվերաբերի միայն մարզպետարանների որոշ աշխատակիցների։ Ոչ ավելին…

  • 2024-10-30 08:59
    3336
    анализ

    ՊԵՏԲՅՈՒՋԵ-2025. ՊԱՐՏՔ ՎԵՐՑՆԵԼ՝ ՆԱԽՈՐԴԸ ՄԱՐԵԼՈՒ ՀԱՄԱՐ

    Հոկտեմբերի 28-ին խորհրդարանական հանձնաժողովներում սկսվեցին «Հայաստանի Հանրապետության 2025 թվականի պետական բյուջեի մասին» օրինագծի քննարկումները, որոնց մեկնարկ տվեց Փաշինյանի ելույթը՝ վերացական դատողությունների հերթական շարանով ու առանց գեթ մեկ ցուցանիշի: «Որքան մեծ է պետական բյուջեն, այնքան մեծ է համընդհանուր բարեկեցությունը», «Միայն պետությունը կարող է հարկեր հավաքագրել ու ունենալ պետական բյուջե», «Հայրենիքը պետությունն է. սիրո՞ւմ ես հայրենիքդ, ուժեղացրու պետությունդ», «Ամեն ինչ կախված է մեկ մարդուց, և այդ մարդը դու ես», «Պետական բյուջեն բոլորիս մեծ ընտանեկան բյուջեն է», «Բարեկեցությունը միայն ստամոքսը լցնելը չէ» և այլն. հնացած ու ոչինչ չտվող ճղճիմությունների այդ ողջ շարքը, որոնցից նողկում ես, արդեն որերորդ անգամ անգթորեն տեղաց հանրության գլխին, միաժամանակ ցույց տալով Փաշինյանի մտքերի ողջ սնանկությունն ու ողորմելիությունը…

  • 2024-09-13 08:23
    690
    анализ

    ԲԱՐԵԿԵՑՈՒԹՅՈՒՆԸ ԳՏԱՆ... ԿԱՂԱՄԲԻ ՄԵՋ

    Վերջերս Արմստատը հրապարակեց նվազագույն պարենային և նվազագույն սպառողական զամբյուղի արժեքներն այս տարվա 2-րդ եռամսյակի միջին ընթացիկ գներով: Եվ այսպես, սովից չմեռնելու համար Հայաստանում մարդուն բավական է ունենալ ամսական 41 հազար 657 դրամ եկամուտ, իսկ մթերքից բացի՝ երբեմն ինչ-որ հագուստ գնելու, կոմունալ վճարումնները պարբերաբար մուծելու և տրանսպորտով երթևեկելու համար անհրաժեշտ կլինի արդեն 77 հազար 65,5 դրամ… Դատելով նրանից, որ Հայաստանում բնակչության գրեթե 25%-ն աղքատ է (միջինը՝ յուրաքանչյուր 4-րդը), իսկ գյուղական վայրերում՝ 29%-ը, շատերի համար նշյալ համեստ եկամուտներն անգամ անմատչելի են։

  • 2024-08-30 18:27
    5213
    анализ

    ՉԱՐԱԽՈՍՈՒԹՅԱՆ ԴՊՐՈՑ, կամ՝ ՓՈԽՎԱՐՉԱՊԵՏ ԽԱՉԱՏՐՅԱՆԻ ՃԱՐՊԻԿ ԽՈՒՍԱՎԱՐՈՒՄԸ

    Փաշինյանի կառավարության օրոք 6 տարվա ընթացքում գյուղատնտեսության վիճակը և, համապատասխանաբար, երկրի պարենային անվտանգության մակարդակը հասցվել են ողբալի վիճակի, բայց գործադիր իշխանությունը շարունակում է իր ապիկար ծրագրերի անվան տակ շռայլորեն ցիրուցան անել հարկատուների հավաքած միջոցները։ Ահավասիկ օգոստոսի 29-ին էլ կառավարության նիստում էկոնոմիկայի նախարար Գևորգ Պապոյանի առաջարկով փոփոխություններ կատարվեցին լիզինգի խթանման և սպանդանոցային ցանցի ընդլայնման ծրագրերում…

  • 2024-08-28 09:22
    650
    анализ

    ՎԱՐՉՈՒԹՅՈՒՆԸ Ե՛Ս ԵՄ, կամ՝ ՓԱՇԻՆՅԱՆԻ ՀԱՆՑԱԿԻՑՆԵՐԻ ԱՆԿՇՏՈՒՄ ԲՈԼՈՒԿԸ

    Մեր փառապանծ, բայց աղքատ պետությունում իրենց համար ապրում ու քեֆ են քաշում շուրջ 12 հազար բարձրաստիճան վարչարարներ։ Պետական մասնահատվածում աշխատող ևս ավելի քան 130 հազար պետծառայողները, մանր ու միջին տրամաչափի պաշտոնյաները եթե անգամ ճոխ չեն ապրում, ապա հաստատ չոր հացի վրա չեն, ընդ որում պետությունից ունենալով նաև սոցփաթեթ։ Փոքր երկրի համար պետական ապարատի այսպիսի ուռճացումն անթույլատրելի ճոխություն է և անտանելի բեռ հարկատուների համար։ Բայց ձեռնարկվո՞ւմ են արդյոք փորձեր, Փաշինյանի վաղուց տված խոստումների համաձայն, կրճատելու Հայաստանի պետական ապարատի տարողությունը և առհասարակ պետկառավարման համակարգում զբաղվածների անկշտում բոլուկը։