Ֆրանսիան ֆինանսավորել է պատմամշակութային պահպանության հարցերով զբաղվող ALIPH ասոցիացիային, որպեսզի տվյալներ հավաքագրի Լեռնային Ղարաբաղում մնացած պատմամշակութային ժառանգության ներկայիս վիճակի մասին։ Մատենադարանում ՀՀ կրթության, գիտության, մշակույթի և սպորտի նախարար Ժաննա Անդրեասյանի հետ համատեղ ասուլիսում այս մասին հայտարարեց Ֆրանսիայի Հանրապետության մշակույթի նախարար Ռիմա Աբդուլ Մալակը։
«Մենք որոշում ենք կայացրել, որ ՀՀ մուտք գործելուց հետո մինչև հոկտեմբերի 25-ը կայացված բոլոր վարչական պատասխանատվության որոշումները, այսինքը տուգանքները, օրենքի շրջանակներում կբեկանվեն ոստիկանության պետի համապատասխան հրամանով»,-կառավարության դիմաց տված ճեպազրույցում հայտնեց Ներքին գործերի նախարարի տեղակալ Արփինե Սարգսյանը՝ մեկնաբանելով պարեկային ծառայության կողմից արցախից բռնագաղթածներին տուգանելու բազմաթիվ փաստերը։
ԱՊՀ երկրների հետ Հայաստանի ապրանքաշրջանառությունը 2023 թվականի 8 ամսում նախորդ տարվա նույն ժամանակահատվածի համեմատ աճել է 55%–ով։ Այս մասին Բիշկեքում ընթացող ԱՊՀ կառավարությունների ղեկավարների խորհրդի համատեղ նիստին ասաց ՀՀ փոխվարչապետ Մհեր Գրիգորյանը։
Անկախ Պետությունների Համագործակցության և Եվրասիական տնտեսական միության միջև համագործակցության ընդլայնումը կարևորագույն առաջնահերթություն է Ռուսաստանի համար։ Այն կարող է բարձրացնել տարածաշրջանի կայունությունն արտաքին մարտահրավերների հանդեպ, ասել է ՌԴ վարչապետ Միխայիլ Միշուստինը, տեղեկացրել է ՏԱՍՍ-ը։
Դատախազը 2023 թվականի հոկտեմբերի 24-ին հանրային նոր քրեական հետապնդում է հարուցել ՀՀ պաշտպանության նախկին նախարար Վ.Ս.-ի նկատմամբ այն բանի համար, որ նա Նախարարության հաշվեկշռում գտնվող՝ Երևան քաղաքի Հասրաթյան փողոցի բազմաբնակարան շենքի բնակարանների բաշխման գործընթացում 2018 թվականի հունվարին դիտավորությամբ կատարել է իր լիազորությունների շրջանակից ակնհայտորեն դուրս գտնվող գործողություններ: Արդյունքում՝ էական վնաս է պատճառվել անձանց իրավունքներին, օրինական շահերին, ինչպես նաև պետության օրինական շահերին, ինչն անզգուշությամբ առաջացրել է ծանր հետևանքներ:
Զանգեզուրի հատվածը, որպես «Հյուսիս-հարավ» միջազգային տրանսպորտային միջանցքի նախագծի մաս, այժմ չի դիտարկվում` Հայաստանի կողմից վերջնական դիրքորոշման բացակայության պատճառով։ «Ինտերֆաքսի» հաղորդմամբ՝ այս մասին լրագրողներին ասել է ՌԴ փոխվարչապետ Ալեքսեյ Օվերչուկը՝ մեկնաբանելով Մեղրիով ճանապարհ կառուցելու միջոցով «Հյուսիս-հարավ» ՄՏՄ նախագծին Հայաստանի մասնակցության հարցը:
Հայաստանի վարչապետ Նիկոլ Փաշինյանը հետևողականորեն դուրս է մղելու ռուսական ռազմաբազաները՝ հուսալով դրանք փոխարինել արևմտյաններով, НСН-ին ասել է ՌԴ Պետդումայի ԱՊՀ հարցերով կոմիտեի նախագահի առաջին տեղակալ Կոնստանտին Զատուլինը։
ՀՀ ՊՆ նախկին փոխնախարար Արտակ Զաքարյանը գրում է․
Կառավարությունը հաստատեց ԼՂ-ից բռնի տեղահանված անձանց ժամանակավոր պաշտպանություն ստացած փախստականի անձը հաստատող փաստաթղթի նկարագիրը և դրա տրամադրման կարգը: «Արմենպրես»-ի հաղորդմամբ՝ համապատասխան նախագիծ Կառավարության հոկտեմբերի 26-ի նիստում ներկայացրեց Արդարադատության նախարար Գրիգոր Մինասյանը։
ՀՀ ԱԺ «Պատիվ ունեմ» խմբակցության պատգամավորները ստացած պարգևավճարն ամբողջ ծավալով ուղղելու են բռնի տեղահանված մեր հայրենակիցների սոցիալական խնդիրների լուծման համար: