Հոկտեմբերի 31-ին՝ ժամը 13:00-ից 20:00-ը, «Էլիտ Պլազա» բիզնես կենտրոնում (հասցեն՝ Խորենացու 15) տեղի կունենա Artsakh Career Expo-ն՝ աշխատանքային տոնավաճառ արցախցիների համար։ Այս մասին տեղեկանում ենք աշխատանքային տոնավաճառի կազմակերպիչների տարածած մամուլի հաղորդագրությունից։
ԿԽՄԿ Բաքվի պատվիրակության ներկայացուցիչներն այցելել են Լեռնային Ղարաբաղի նախկին նախագահներ Արկադի Ղուկասյանին, Բակո Սահակյանին, Արայիկ Հարությունյանին, նախկին պետնախարար Ռուբեն Վարդանյանին, նախկին արտգործնախարար Դավիթ Բաբայանին, պաշտպանության բանակի նախկին հրամանատար Լևոն Մնացականյանին, ԱԺ նախկին նախագահ Դավիթ Իշխանյանին։
Պետք է հնարավորինս արագ հզորացնել Եվրոպական միության առաքելությունը Հայաստանում։ X-ի իր միկրոբլոգում այս մասին գրել է Գերմանիայի Բունդեսթագի արտաքին հարաբերությունների հանձնաժողովի նախագահ Միխայել Ռոթը, որ այս օրերին գտնվում է մեր երկրում։
Հայաստանյան լրատվամիջոցների համար 2023 թվականի երրորդ եռամսյակը գերլարված ժամանակաշրջան էր՝ պայմանավորված Հայաստանում ու Լեռնային Ղարաբաղում տեղի ունեցող իրադարձություններով։ «Արմենպրես»-ի մամուլի սրահում հրավիրված ասուլիսում Խոսքի ազատության պաշտպանության կոմիտեի (ԽԱՊԿ) նախագահ Աշոտ Մելիքյանը, ներկայացնելով ԽԱՊԿ-ի երրորդ եռամսյակի զեկույցը, նշեց, որ նշված ժամանակահատվածում տեղի ունեցան նաև Երևանի ավագանու ընտրությունները, որոնք առանձնացան անզիջում նախընտրական պայքարով ու հետընտրական զարգացումներով, որոնք էլ իրենց ազդեցությունը թողեցի մեդիայի աշխատանքի վրա։
«Այն, ինչի միջով անցնում էր արցախցին շրջափակման օրերին, մեզ սովորեցնում էր ճիշտ ապրել։ Այն համառությունը, կամքն ու պնդությունը, որ ունեն նրանք, այսօր ստիպում են չտրվել ու չհանձնվել, որ մենք կորցրել ենք Արցախը»,-ասաց ԱԺ նախկին պատգամավոր Սոֆյա Հովսեփյանը, որ շրջափակման օրերին յոթ ամիս Արցախում էր ու ակտիվ կերպով մասնակցում էր մանկահասակ երեխաներին կաթնախառնուրդով ապահովելու գործին։
«Հրապարակ»-ի խմբագիր Արմինե Օհանյանն ահազանգում է.
ՀՀ պաշտպանության նախարար Սուրեն Պապիկյանը Ֆրանսիայի Սենատում հանդիպումներ է ունեցել, որոնց ժամանակ քննարկվել են տարածաշրջանային անվտանգությանն առնչվող հարցեր: Տեղեկությունը հայտնում է ՀՀ պաշտպանության նախարարության մամուլի ծառայությունը։
WorldSkills մասնագիտական ուսուցման առցանց հարթակն արդեն հասանելի է Հայաստանում: Այս մասին Մոսկվա-Մինսկ-Երևան-Բիշքեկ-Աստանա տեսակամրջի ժամանակ ասաց Մասնագիտությունների և հմտությունների զարգացման գործակալության փոխտնօրեն (WorldSkills-ի հիմնադիր) Ալինա Դոսկանովան։
Ռուսաստանի Դաշնության Պետդումայի պատգամավորներն այսօր որոշել են անժամկետ հետաձգել Հայաստանի քաղաքացիների՝ ձեռնարկատիրական և աշխատանքային գործունեություն իրականացնելիս ՀՀ վարորդական վկայականների ճանաչման մասին օրինագծի քննարկումը։ Տեղեկությունը հայտնում է Պետդումայի մամուլի ծառայությունը։
«Լրագրողների համագործակցություն» մեդիա-կոնգրեսը «4 ձևաչափ» պրոդյուսերական կենտրոնի, Հայաստանի հեռուստատեսության և ռադիոյի ազգային հանձնաժողովի և Ռուս-հայկական համալսարանի հետ միասին հոկտեմբերի 24-31-ին Երևանում կանցկացնի «Ռուսաստան-Հայաստան. գործընկերություն հանուն ապագայի» մեդիա-ասամբլեան։