Իրավիճակը Լաչինի միջանցքում գրեթե նույնն է, թեև Կարմիր Խաչի միջազգային կոմիտեն վերսկսել է հիվանդների տեղափոխումը Արցախից Հայաստան։ Armenia Today-ի հետ զրույցում այս մասին ասաց Արցախի նախագահի խորհրդական Դավիթ Բաբայանը։
ՌԴ-ում ԱՄՆ դեսպան Լին Թրեյսին Ռուսաստանի ներկայացուցիչների հետ շփումների ժամանակ հասկացրել է, որԵվգենի Պրիգոժինի շուրջ ստեղծված իրավիճակի հետԱՄՆ-ն կապ չունի և հույս է հայտնել, որ ՌԴ միջուկային զենքի հետ կապված ամեն ինչ «կարգին կլինի»։ Տեղեկությունը RT-ին տված հարցազրույցում հայտնել է ՌԴ արտգործնախարար Սերգեյ Լավրովը։
Աշխարհում թմրանյութ օգտագործողների թիվը 10 տարում աճել է 23 տոկոսով՝ 2011 թվականին 240 միլիոնից 2021 թ-ին հասնելով 296 միլիոնի։
Հայաստանը շուտով կավարտի Մարգարայում ենթակառուցվածքների կարգի բերման աշխատանքները, հայկական կողմը հուսով է, որ թուրքական կողմը ևս կպահի երրորդ երկրների քաղաքացիների և դիվանագիտական անձնագիր ունեցողների համար սահմանը բացելու վերաբերյալ ձեռք բերված պայմանավորվածությունը: «Արմենպրես»-ի փոխանցմամբ՝ այս մասին ասաց Հայաստան- Թուրքիա հարաբերությունների կարգավորման գործընթացում Հայաստանի հատուկ ներկայացուցիչ, ԱԺ փոխնախագահ Ռուբեն Ռուբինյանը՝ խորհրդարանական ճեպազրույցում:
ԱՄՆ պետքարտուղարության Միջազգային անվտանգության և չտարածման բյուրոյի ավագ խորհրդական Ջասթին Ֆրիդմանը հունիսի 26-27-ը կայցելի Հայաստան:
Իրանի նախագահ Էբրահիմ Ռայիսին Ռուսաստանի Դաշնության նախագահ Վլադիմիր Պուտինի հետ հեռախոսազրույցում լիակատար աջակցություն է հայտնել ՌԴ ղեկավարությանը հունիսի 24-ի իրադարձությունների կապակցությամբ։ Այս մասին հայտնել է Կրեմլի մամուլի ծառայությունը։
Այսօր՝ հունիսի 26-ին, ԱՀ առողջապահության նախարարության «Հանրապետական բժշկական կենտրոն» ՓԲԸ-ից 17 բուժառու՝ 11 ուղեկցողների հետ միասին, Կարմիր խաչի միջազգային կոմիտեի միջնորդությամբ և ուղեկցությամբ տեղափոխվել են ՀՀ մասնագիտացված բժշկական կենտրոններ։ Տեղեկությունը հայտնում է ԱՀ առողջապահության նախարարությունը։
Իր (Ալիևի- խմբ.) ձևակերպումը քիչ այլ ձևով է ներկայացնում։ Ասում է՝ ես Հայաստանի Հանրապետության նկատմամբ որևիցե տարածքային պահանջ չունեմ։ Չգիտեմ՝ ես դա ասելու իրավունք ունեմ, թե ոչ՝, կարծում եմ՝ ունեմ, փակ հանդիպման ժամանակ ինքը նույնպես ընդունել է ՀՀ տարածքային ամբողջականությունը՝ թվային ձևակերպումով։ Այս մասին լրագրողներին ասաց ՀՀ ԱԺ նախագահ Ալեն Սիմոնյանը։
Վարչապետ Նիկոլ Փաշինյանը հեռախոսազրույց է ունեցել Իրանի Իսլամական Հանրապետության նախագահ Սեյեդ Էբրահիմ Ռայիսիի հետ։
Մենակ Կարմիր խաչի միջոցով հիվանդներին տեղափոխելը բացարձակ հարցի լուծում չէ, որովհետև Կարմիր խաչը տանում է միայն ծայրահեղ ծանր վիճակում գտնվող մարդկանց, բայց այնտեղ ունենք լրջագույն խնդիրներ խրոնիկ հիվանդություն ունեցողների, սրտանոթային հիվանդություններ ունեցողների: Այս մասին այսօր՝ հունիսի 26-ին, ԱԺ-ում լրագրողների հետ զրույցում նշեց ԱԺ «Պատիվ ունեմ» խմբակցության պատգամավոր Թագուհի Թովմասյանը: