Ուկրաինան Ռուսաստանին մեղադրել է հակահարձակման մասին ապատեղեկատվություն տարածելու մեջ այն բանից հետո, երբ Մոսկվան երկուշաբթի առավոտյան հայտարարել էր Դոնեցկի մարզի հինգ ճակատային կետերում «ուկրաինական խոշոր հարձակման» խափանման մասին:
«Դատարանի որոշումը այնքան էլ անակնկալ չէր, առավոտից խաղ էր գնում՝ Վերաքնիչի որոշումից սկսած և, պարզ ասած, Գայանե Հակոբյանին կալանավորելու այս որոշումը կայացվել է շատ ավելի վերևում, քան դատարանն է»,- լրագրողների հետ զրույցում հայտարարեց Աշոտ Փաշինյանի «առևանգման» մեջ մեղադվող Գայանե Հակոբյանի պաշտպան Գեորգի Մելիքյանը՝ անդրադառնալով զոհված զինծառայողի մոր նկատմամբ կիրառված տնային կալանքը փոխելու մասին դատարանի վերջին որոշմանը։
Մեծ Բրիտանիայի և Հյուսիսային Իռլանդիայի Միացյալ Թագավորության Լորդերի պալատի անդամ, բարոնուհի Քերոլայն Քոքսը հանդես է եկել արցախցիներին ուղղված նամակով: Նամակի հայերեն թարգմանությունը ներկայացնում ենք ստորև.
Այսօր Աժ-ում ՀՀ ԱԳ նախարար Արարատ Միրզոյանը հայտարարեց, որ իրենք Լեռնային Ղարաբաղի ժողովրդից մանդատ չեն ստացել նրանց ապագան բանակցելու. «Ըստ այդմ, մենք իրավունք չունենք որոշելու նրանց կարգավիճակը, մենք այդպիսի հավակնություն չենք ներկայացրել և չենք էլ փորձում այդպիսի բան անել։ Միակ բանը, որ մենք փորձում ենք ապահովել Հայաստան-Ադրբեջան կարգավորման գործընթացում, դա այն է, որ մենք համարում ենք, որ այդ կարգավորումը իրատեսական, ամբողջական չի կարող լինել, երկարատև ու կայուն չի կարող լինել, եթե այդ կարգավորման շրջանակներում չի ստեղծվում մի հարթակ, որտեղ Լեռնային Ղարաբաղի ժողովուրդը և պաշտոնական Բաքուն կարող են երկխոսել բոլոր այն հարցերի շուրջ, որոնք կարևոր են Լեռնային Ղարաբաղի ժողովրդի համար»։
Ադրբեջանի Մարդու իրավունքների պաշտպան Սաբինա Ալիևան այցելել է սահմանից առևանգված երկու հայ զինծառայողներին:
Երևանի ընդհանուր իրավասության դատարանն այսօր՝ հունիսի 5-ին, նախագահությամբ Մանվել Շահվերդյանի, Աշոտ Փաշինյանի առևանգման գործով մեղադրյալ, 44-օրյա պատերազմում զոհված Ժորա Մարտիրոսյանի մոր՝ Գայանե Մարտիրոսյանի նկատմամբ կիրառված տնային կալանքը փոխեց կալանքով՝ 1 ամիս 15 օր ժամկետով։
Եվրոպայի խորհրդի նախարարների կոմիտեն հունիսի 5-ից 7-ը Ստրասբուրգում անցկացնում է իր եռամսյակային հանդիպումը՝ Մարդու իրավունքների եվրոպական դատարանի վճիռների կատարումը վերահսկելու նպատակով:
Թուրքիայի նախագահի հրամանոագրով՝ Արտաքին գործերի նոր նախարար է նշանակվել այդ երկրի ազգային հետախուզության պետ Հաքան Ֆիդանը։ Նա այսօր հատուկ արարողությամբ ստանձնեց Թուրքիայի արտաքին գերատեսչության ղեկավարի պատրականությունները։
ՀՀ նախկին ոստիկանապետ Վլադիմիր Գասպարյանի թիկնազորի նախկին պետ Արշակ Հակոբյանի խափանման միջոցն այսօր դատարանը փոխել է տնային կալանքով։ Տեղեկությունը հայտնում է ԲԴԽ մամուլի ծառայությունը։
Հայկական «FlyOne Armenia» ավիաընկերությունը դեպի Եվրոպա թռիչքներ է իրականացնում`օգտագործելով Թուրքիայի օդային տարածքը, սակայն թռիչքները հայկական ինքնաթիռներով չեն իրականացվում։ Տեղեկությունը Sputnik Արմենիային հայտնեցին Քաղաքացիական ավիացիայի կոմիտեի մամուլի ծառայությունից։