Արցախի Հանրապետության արտաքին գործերի նախարար Սերգեյ Ղազարյանը պաշտոնական նամակներ է ուղարկել Հայաստանի Հանրապետությունում հավատարմագրված օտարերկրյա դեսպաններին, որում ներկայացրել է Արցախի կառավարության մտահոգություններն Արցախի ժողովրդին սպառնացող գոյաբանական վտանգների կապակցությամբ։ «Արմենպրես»-ին այս մասին հայտնեցին Արցախի արտաքին գործերի նախարարությունից։
Մոսկովյան բանակցությունների վերջնական ակորդը պետք է լինի եռակողմ գագաթաժողովը, որին կմասնակցեն Ադրբեջանի, Հայաստանի և Ռուսաստանի առաջնորդներ Իլհամ Ալիևը, Նիկոլ Փաշինյանը և Վլադիմիր Պուտինը, գրում է «Ъ»-ը։ Հանդիպման արդյունքներով առնվազն երկու փաստաթուղթ կընդունվի։
Եվրասիական տնտեսական միության շրջանակում ապադոլարացումն արդեն տեղի է ունեցել։ Ինչպես տեղեկացնում է «Բելառուսն այսօր» պետական լրատվամիջոցը, լրագրողների հետ զրույցում այս հայտարարությունն է արել ՌԴ փոխվարչապետ Ալեքսեյ Օվերչուկը։
«Հանրային ձայն» կուսակցության նախագահ, «Դոգ» մականունով հայտնի Վարդան Ղուկասյանի նկատմամբ խափանման միջոց է ընտրվել կալանքը։ Նրան ՀՀ–ի իրավապահ մարմիններին փոխանցելու ուղղությամբ ձեռնարկվում են միջոցներ։ Այս մասին հայտնում է ՀՀ քննչական կոմիտեն։
Հայաստանի բոլոր մարզերի ներկայացուցիչները կներկայացնեն տեղական խոհանոցն ու մշակույթը Երևանի Խաչքարերի պուրակում մայիսի 27-28-ը կայանալիք «Discover Armenia» ներքին զբոսաշրջության ցուցահանդեսի շրջանակում։
Հայաստանի Ազգային ժողովի մայիսի 25-ի նիստում հայտարարվել են Վճռաբեկ դատարանի Հակակոռուպցիոն պալատի քաղաքացիական գործերով և Վճռաբեկ դատարանի Հակակոռուպցիոն պալատի կոռուպցիոն հանցագործությունները քննող դատավորների ընտրության գաղտնի քվեարության արդյունքները։
«Նիկոլ Փաշինյանն այս ամբիոնից, եվրոպական տարբեր մայրաքաղաքներում հայտարարել է արդեն առանց ակնարկների, արդեն ուղիղ, բաց տեքստով, որ իր կողմից բանակցվող փաստաթղթի մեջ Արցախը հայտնվելու է Ադրբեջանի կազմում»,- ԱԺ նիստի ժամանակ հայտարարեց «Պատիվ ունեմ» խմբակցության ղեկավար Հայկ Մամիջանյանը։
ՀԱՊԿ պաշտպանության նախարարների խորհուրդն այսօր Մինսկում կայացած նիստի ժամանակ հաստատել է կազմակերպության կառավարման մարմինների և հավաքական անվտանգության համակարգի ուժերի ու միջոցների կազմավորումների համատեղ պատրաստման ծրագիրը 2024 թվականի համար։ Այս մասին հայտնել է Բելառուսի պաշտպանության նախարարությունը:
ԵԱՏՄ շրջանակներում համագործակցությունը մեծ հաջողությամբ է առաջ ընթանում։ Եվրասիական տնտեսական բարձրագույն խորհրդի նիստի բացման խոսքում նշեց ՌԴ նախագահ Վլադիմիր Պուտինը։ Նա հատուկ շեշտել է, որ Հայաստանում տնտեսության զարգացման տեմպն ամենաբարձր է։
Հայ դատի Ամերիկայի հանձնախմբի և Արիզոնայի հայ համայնքի ակտիվ անդամներ Արթուր Արթենյանի ու Վարդան Արաբյանի համակարգված աշխատանքի արդյունքում ԱՄՆ Արիզոնա նահանգի Ներկայացուցիչների պալատի խոսնակ Բեն Թոման առանձին հայտարարությամբ ճանաչել և համերաշխություն է հայտնել Արցախի Հանրապետության ինքնորոշման իրավունքին և Արցախի ժողովրդի պայքարին՝ հանուն ազատ ու անկախ կյանքի։ «Արմենպրես»-ին այս մասին հայտնեցին ՀՅԴ հանրային կապերի գրասենյակից։