ԵԽԽՎ-ում ՀՀ Ազգային ժողովի պատվիրակության անդամ Արմեն Գևորգյանը ԵԽԽՎ ամառային նստաշրջանի ընթացքում հարց է ուղղել ԵԽ նախարարների կոմիտեի նախագահ, Մալթայի Հանրապետության արտաքին գործերի, Եվրոպայի հարցերի և առևտրի նախարար Իեն Բորջին` արձանագրելով, որ Ադրբեջանում շարունակվում են հայ բանտարկյալների նկատմամբ ամոթալի դատավարությունները, և Եվրոպայի խորհուրդն անկարող է ազդել այս իրավիճակի վրա:
ԱՄՆ Սենատի զինված ուժերի հարցերով հանձնաժողովի անդամ Թիմ Քեյնը քննադատել է Իրանի դեմ հարձակողական գործողություններ սկսելու որոշումը՝ հայտարարելով, որ այն ընդունվել է առանց Կոնգրեսի հավանության, ինչը, նրա կարծիքով, անթույլատրելի է:
Բաքվում այսօր կայացել է Արցախի նախկին պետնախարար, բարերար Ռուբեն Վարդանյանի գործով հերթական շինծու դատական նիստը։
Ադրբեջանը կդադարեցնի Կարմիր խաչի միջազգային կոմիտեի (ԿԽՄԿ) ներկայացուցչության գործունեությունը Ադրբեջանում, որի մասին դեռևս հունիսի 17-ին հայտարարել էր «Ռազմագերիների, պատանդների և անհետ կորածների հարցերով պետական հանձնաժողով»-ը (State Commission on Prisoners of War, Hostages and Missing Persons): ԼՂ փախստականների իրավապաշտպան միությունից ահազանգում են, որ գրասենյակի փակումը կարող է լրջորեն սահմանափակել Ադրբեջանում պահվող հայ ռազմագերիների իրավունքների պաշտպանության պայմանների վերահսկումը, խաթարել կալանավորների հետ հաղորդակցման ուղիները և մեծացնել գերիների հանդեպ հոգեբանական ու ֆիզիկական խոշտանգումների վտանգը:
Գործարար, բարերար ՍամվելԿարապետյանի աջակցությամբ ստեղծվելէ փաստաբանական թիմ, որն անվճար կաջակցի ապօրինի քրեական հետապնդման ենթարկված քաղաքացիներին։
ՀՀ աշխատանքի և սոցիալական հարցերի նախարարությունը երկարաձգել է 2020 թվականին Արցախի առանձին շրջաններից բռնի տեղահանվածներին բնակարանային մատչելիության ապահովման պետական աջակցության ծրագրի շրջանակում տրամադրված հավաստագրերի գործողության ժամկետը։ Այն նախատեսված էր մինչև 2025-ի հուլիսի 1-ը և նոր որոշմամբ երկարացվել է մինչև 2025 թվականի դեկտեմբերի 31-ը։
Իրանի վրա Իսրայելի երեկվա հարձակման հետևանքով զոհվել է երկու գեներալ, հայտնում են տեղական լրատվամիջոցները:
ՀՀ իշխանության կողմից ծրագրված և իրագործվող Հայ առաքելական եկեղեցու դեմ արշավը, ազգային բարերարների նկատմամբ հաշվեհարդարի քաղաքականությունը, ՀՅԴ-ի ու ընդդիմադիրների հանդեպ հալածանքը, Սփյուռքի դերի նսեմացման արշավը անցել են բոլոր սահմանները։ Այս մասին հայտարարություն է տարածել ՀՅԴ Բյուրոյի նախկին ներկայացուցիչ, ՀՅԴ Հայ Դատի Կենտրոնական Խորհրդի նախագահ Հակոբ Տեր Խաչատուրյանը։
Նախ սա խաղաղություն չէ, այլ՝ հրադադար: Այս մասին Ֆեյսբուքի իր էջում գրել է միջազգայնագետ Սուրեն Սարգսյանը:
Եվրասիական տնտեսական հանձնաժողովը (ԵԱՏՄ գործադիր մարմինը) մտադիր է մեխանիզմներ առաջարկել միության երկրներից Ռուսաստանի պետական գնումների շուկա ապրանքների մուտք գործելը պարզեցնելու համար։ Այս մասին հայտարարել է ԵՏՀ մրցակցության և հակամենաշնորհային կարգավորման հարցերով նախարար Մաքսիմ Երմոլովիչը Sputnik միջազգային մուլտիմեդիոն կենտրոնում կայացած մամուլի ասուլիսի ժամանակ։