Մտավախություն ունեմ, որ շրջիկ խմբերով փորձելու են քվեարկության արդյունքները խեղաթյուրել: Այս մասին այսօր՝ մարտի 30-ին, քվեարկությունից հետո լրագրողների հետ զրույցում ասաց «Մայր Հայաստան» դաշինքի քաղաքապետի թեկնածու Կարեն Սիմոնյանը:  

Գյումրի և Փարաքար համայնքներում ժամը 11։00–ի դրությամբ քվեարկությանը մասնակցել է 11 194 ընտրող կամ ընտրական իրավունք ունեցող քաղաքացիների 8.47%–ը։ Տեղեկությունը հայտնում է ՀՀ Կենտրոնական ընտրական հանձնաժողովը։

Մարտի 30-ին՝ ժամը 12։00-ի դրությամբ, ՆԳՆ Ոստիկանությունում ՏԻՄ ընտրությունների ընթացքում ենթադրյալ իրավախախտումների վերաբերյալ ստացվել է 2 ահազանգ, որոնք ստուգման փուլում են։ Ստուգվում են նաև մամուլում և սոցիալական հարթակներում ընտրությունների վերաբերյալ հրապարակումները։

Գյումրու նախկին քաղաքապետ, Հայաստանի Կոմունիստական կուսակցության` Գյումրիի քաղաքապետի թեկնածու Վարդան Ղուկասյանը եթե մյուս ընդդիմադիր թեկնածուների համեմատ քիչ ձայն հավաքի, ապա կմիանա նրանց։ Այդ մասին նա ասաց ընտրություն կատարելուց հետո լրագրողների հետ զրույցում։

Ես խնդիրները բաժանում եմ երկու մասի՝ նյութական և ոչ նյութական. նյութական խնդիրները ենթակառուցվածքների բարելավմանն է վերաբերում, բայց ինձ համար ավելի կարևոր նշանակություն ունեցող խնդիրներ կան, ոչ նյութական՝ դա փոխըմբռնման միջավայրը ստեղծելն է և վախի մթնոլորտը մեր համայնքից արմատախիլ անելն է. վախենում են տարբեր ուժերից՝ հանցավոր և ոչ հանցավոր։ Այս մասին այսօր՝ մարտի 30-ին, Փարաքարում քվեարկությունից հետո լրագրողների հետ զրույցում նշեց Փարաքար խոշորացված համայնքի ընտրություններում «Կայունություն» կուսակցության ցուցակը գլխավորող Գոռ Սարիբեկյանը:  

Քվեարկել եմ հանուն զարգացող Գյումրու: Այս մասին, այսօր՝ մարտի 30-ին, Գյումրիի ավագանու ընտրություններում իր քաղաքացիական պարտքը կատարելուց առաջ լրագրողների հետ զրույցում նշեց ՔՊ կուսակցության կողմից առաջադրված քաղաքապետի թեկնածու Սարիկ Մինասյանը:

Մարտի 30-ին՝ Գյումրի և Փարաքար համայնքներում տեղի ունեցող տեղական ինքնակառավարման մարմինների ընտրությունների օրը, Հայաստանի մարդու իրավունքների պաշտպանի աշխատակազմն աշխատում է վաղ առավոտից։

Մինչ այս պահը, քարոզարշավն այնքան էլ նորմալ չէր, հիմա տեսնենք, թե այսօր ինչ վիճակ կլինի. Հուսանք ամեն ինչ նորմալ կլինի: Այս մասին, այսօր՝ մարտի 30-ին, Գյումրիի ավագանու ընտրություններում իր քաղաքացիական պարտքը կատարելուց հետո լրագրողների հետ զրույցում նշեց «Մեր քաղաքը» կուսակցությունների դաշինքի կողմից առաջադրված քաղաքապետի թեկնածու Մարտուն Գրիգորյանը:

«Անկախ դիտորդ» դաշինքը շրջիկ դիտորդական առաքելություն է իրականացնում Փարաքար և Գյումրի համայնքներում շրջիկ խմբերի միջոցով, որոնք հետևում են ինչպես տեղամասային կենտրոններրում և մատույցներում, այնպես էլ 2 համայնքներում տիրող իրավիճակին և ընտրությունների հետ կապված իրադարձություններին: