Հայաստանի իշխանությունները Արաքս գետի վրա պատնեշի կառուցումն ավելի քան մեկ տարի համաձայնեցնում են Թուրքիայի հետ։ Այդ մասին կարելի է դատել Հայաստանի տարածքային կառավարման և ենթակառուցվածքների նախարարության պատասխանից։
ՀՀ սննդամթերքի անվտանգության տեսչական մարմինը վերահսկողություն է սկսել պաղպաղակի արտադրություններում և որոշ խախտումներ հայտնաբերել։
Թուրքիայի մայրաքաղաքում տեղի է ունեցել Հայոց ցեղասպանության գլխավոր կազմակերպիչներից Թալեաթ փաշայի հուշաքարի բացման արարողությունը։
Ուրախ էի մասնակցել 3,4 միլիոն դոլար արժողությամբ գերժամանակակից վարժասարքի գործարկման միջոցառմանը, որը կօգնի ՀԱԷԿ-ի անվտանգ շահագործումն ապահովելու հարցում։ Այս մասին հայտարարել է ՀՀ-ում ԱՄՆ դեսպան Քրիստինա Քվինը:
Հասարակական տրանսպորտի հետ կապված ցանկացած փոփոխություն որը իրականացնում է Երևանի քաղաքապետարանը, միտված է նրան, որ հավելյալ հավաքագրումների միջոցով նաև տրանսպորտային ցանցի բարելավում իրականացվի։ Այս մասին, այսօր՝ հունիսի 3–ին, լրագրողների հետ հանդիպման ժամանակ նշեց Երևանի քաղաքապետի խոսնակ Հայկ Կոստանյանը՝ անդրադառնալով հարցին, թե տրանսպորտի թանկացումներից հետո որքան են կազմել հավաքագրումները և դա ի՞նչ խնդիր է լուծել՝ քաղաքի բեռնաթափմա՞ն, թե՞ բյուջեն լցնելու։
Ռուսաստանի նախագահ Վլադիմիր Պուտինի, ԱՄՆ նախագահ Դոնալդ Թրամփի և Վլադիմիր Զելենսկու միջև եռակողմ հանդիպումը մոտ ապագայում քիչ հավանական է։ Նման շփումները պետք է լինեն տեխնիկական համաձայնությունների արդյունք, լրագրողներին ասել է Ռուսաստանի առաջնորդի մամուլի քարտուղար Դմիտրի Պեսկովը, փոխանցել է ՏԱՍՍ-ը։
«Անդաստիարակ», «անշնորհք», «ոչ արհեստավարժ», «սուս մնա», «ամոթ Ձեզ», «չափն անցնել»․ ըստ Կոռուպցիայի կանխարգելման հանձնաժողովի եզրակացության՝ ՀՀ արտգործնախարար Արարատ Միրզոյանի գործածած այս բառերը մեղմ հանդիմանական կամ նախատական երանգ ունեն, ուղղված են լրագրողների գործողություններին գնահատական տալուն, այլ ոչ թե նրանց անհատապես վիրավորելուն։
Ռոսսելխոզնադզորը հունիսի 16-ից կարող է ժամանակավոր սահմանափակել Հայաստանում աճեցված ծաղիկների ներմուծումը Ռուսաստան։ Այս մասին հայտնում է գերատեսչությունը՝ ընդգծելով, որ մտահոգված է Հայաստանից Ռուսաստան մատակարարվող բույսերի ստուգումների արդյունքում հաճախակի հայտնաբերվող խախտումներով։
ՀՀ ոստիկանապետ Արամ Հովհաննիսյանի հրաժարականը կարող է կապված լինել վարչապետ Նիկոլ Փաշինյանի 50-ամյակի օրը անվտանգության միջոցառումների ոչ պատշաճ կազմակերպման հետ։ Այս մասին գրում է «Հրապարակը»։
Ամերիկայի Միացյալ Նահանգները երկու ռազմաբազա է փակել Սիրիայում, ևս մեկը հանձնել է քրդական «Սիրիական դեմոկրատական ուժերի» (ՍԴՈւ) վերահսկողությանը` ռազմական զորախմբի աստիճանական կրճատման շրջանակում: Այս մասին հայտնել է Պենտագոնի ներկայացուցիչը «Al Arabiya» հեռուստաալիքին տված հարցազրույցում։ Նրա խոսքերը մեջբերում Է ՏԱՍՍ-ը։