Ադրբեջանը կշարունակի մարդասիրական օգնություն ցուցաբերել Ուկրաինային։ Այս մասին հայտարարել է Ադրբեջանի նախագահ Իլհամ Ալիևը Բաքվում Ուկրաինայի ԱԳ նախարար Անդրեյ Սիբիգայի հետ հանդիպմանը, հաղորդում է ТАСС-ը։

ՀՀ մարդու իրավունքների պաշտպան Անահիտ Մանասյանը խնդրահարույց է համարում գումարի դիմաց կարճ ժամկետով զինծառայություն անցնելուն առնչվող նախագիծը։ Այս մասին հայտնում է ՄԻՊ գրասենյակը։

Ֆրանսիայում ավարտվել է Կաննի 78-րդ կինոփառատոնը։ «Ոսկե արմավենուն» արժանացել էիրանցի կինռեժիսոր Ջաֆար Փանահին: Իր 11-րդ՝ «Պարզ պատահականություն» ֆիլմը, որը պատմում է վրեժի և ողորմածության մասին, Փանահին նկարահանել է թաքուն, անօրինական կերպով՝ առանց Իսլամական Հանրապետության թույլտվության։ 2023 թվականին ազատվելով իրանական բանտից,ինչպես նաև Իրանից դուրս գալու արգելքի պատճառով 22 տարվա բացակայությունից հետո առաջին անգամ նա վերադարձել է փառատոն և ֆիլմն այն անձամբ ներկայացրել է Կաննում։

Թուրքիայիզինված ուժերը մտադիր են Սիրիայում ստեղծել ռազմաբազաներ, այսօր գրել է իշխանամետ Türkiye թերթը՝ հղում անելով թուրքական անվտանգության մարմիններում իր աղբյուրներին:

Իրանի արտաքին գործերի նախարարության պաշտոնական ներկայացուցիչ Սեյեդ Աբդոլռասուլ Մոհաջեր Հեջազին կիրակի օրը Թեհրան-Ապրին չոր նավահանգստի տերմինալի կառուցման եզրափակիչ փուլի բացման արարողության ժամանակ հայտարարել է, որ Իրանի Իսլամական Հանրապետությունը պատրաստ է օբյեկտներ տրամադրել Բենդեր Աբբասում, որպեսզիօգնի հարևան երկրներին անկախ նավահանգստային կազմակերպություններ ստեղծելու գործում, հաղորդում է Mehr-ը։

Հայաստանի պաշտպանության նախարարությունը չի հաստատել իշխող կուսակցության պատգամավոր Հայկ Սարգսյանի այն հայտարարությունը, թե խոշոր գործարարների մեծ մասը երեխաներին ազատում էբանակում ծառայելուց:

Ֆրանսիայի ծովափնյա Ալպերի դեպարտամենտում, որտեղ այսօր ավարտվում է Կաննի կինոփառատոնը, էլեկտրաէներգիայի զանգվածային անջատում է տեղի ունեցել։ Տեղեկությունը հայտնում է ՌԻԱ Նովոստին՝ վկայակոչելով արտասահմանյան ԶԼՄ-ներին:

Իրանն այսօր պաշտոնապես գործարկել է առաջին օդային տաքսին՝ բացելով ազգային ավիացիայի զարգացման նոր էջ: Այս մասին հայտնում է իրանական IRNA–ն:

ՀՀ վարչական դատարանն անվավեր է ճանաչել Երևանի «կարմիր գծերի» համար սահմանված տեղական վճարին վերաբերող ավագանու որոշման դրույթները: Այս մասին նշված է «Հետքի» հրապարակման մեջ։