Ապրիլի 23-ին` ժամը 19:15-ին Հանրապետության հրապարակից կմեկնարկի ցեղասպանության 110-րդ տարելիցին ընդառաջ կազմակերպված ավանդական Ջահերով երթը։

Մեծ Բրիտանիայի, Ֆրանսիայի, Գերմանիայի, Ուկրաինայի արտգործնախարարները հետաձգել են հանդիպումը Լոնդոնում այն բանից հետո, երբ ԱՄՆ պետքարտուղար Մարկո Ռուբիոն հրաժարվել է մեկնել Լոնդոն։ Այս մասին տեղեկացրել է Sky News հեռուստաալիքը։

Կառավարությունն իր այսօրվա՝ ապրիլի 23-ի նիստում որոշում կայացրեց, որը հնարավորություն կտա այն օտարերկրացիներին, որոնք ունեն ՀՀ-ում կացության կարգավիճակի քարտ կամ ՀՀ-ում բնակության օրինականությունը հավաստող տեղեկանք՝ նույնականացվել և ստանալ Mobile ID: Դա հնարավորություն կտա օգտվել պետական առցանց ծառայություններից։

Ստի տարածումը կառավարող կուսակցության կողմից հասել է անասելի մասշտաբների։ Այս մասին Ազգային ժողովում ապրիլի 23-ին ավանդական ճեպազրույցների ժամանակ ասել է ընդդիմադիր պատգամավոր, Հայաստանի Հանրապետական կուսակցության անդամ Հայկ Մամիջանյանը։

Ստորագրվել է համատեղ հայտարարություն Ադրբեջանի և Չինաստանի միջև համապարփակ ռազմավարական գործընկերության հաստատման վերաբերյալ։

ԱՄՆ պետքարտուղար Մարկո Ռուբիոն չեղյալ է հայտարարել ուղևորությունը Լոնդոն՝ բանակցություններ վարելու Ուկրաինայի պատերազմին վերջ տալու համար։ Դա տեղի է ունեցել այն բանից հետո, երբ Ուկրաինայի նախագահ Վլադիմիր Զելենսկին հայտարարել է, որ Կիևը չի ճանաչի Ղրիմը որպես ռուսական՝ համաձայն խաղաղության համաձայնագրի, գրել է New York Times-ը։ Պետդեպարտամենտի ներկայացուցիչ Թեմի Բրյուսը Ռուբիոյի որոշումը բացատրել է նրա զբաղվածությամբ։ «Դա վերաբերում է նրա ժամանակացույցի տեխնիկական խնդիրներին»,- ասել է մամուլի քարտուղարը։

ՀՀ կրթության, գիտության, մշակույթի և սպորտի նախարարությունը հերքում է լուրերը, թե բուհեր ու դպրոցներ շրջաբերականներ է ուղարկել ջահերով երթին չմասնակցելու վերաբերյալ կոչով։

Երևանի «Զվարթնոց» օդանավակայանում այս գիշեր դիմավորեցին ծանրամարտի Եվրոպայի չեմպիոններին, մեդալակիրներին, Հայաստանի կանանց և տղամարդկանց թիմերին: Ծանրորդները Երևան ժամանեցին Քիշնև-Վիենա-Երևան չվերթով կեսգիշերն անց 03:45-ին:  

Անցյալ շաբաթ Ամերիկայի Հայ դատի հանձնախումբը (ANCA) հայտարարել է, որ ապրիլի 14-ին ԱՄՆ շրջանային դատարանը մերժել է Կալիֆոռնիայի Լագունա Բիչում բնակվող ադրբեջանցի փաստաբան Այնուր Բագիրզադեի 500 միլիոն դոլարի հայցն Ամերիկայի Հայ դատի հանձնախմբի և 29 այլ անձանց դեմ: Դրա մասին գրում է The California Courier-ը։