Ռուսաստանի արտաքին գործերի նախարար Սերգեյ Լավրովը և ԱՄՆ պետքարտուղար Մարկո Ռուբիոն քննարկել են ուկրաինական կարգավորման հարցը, ինչպես նաև Իրանի և Սիրիայի շուրջ ստեղծված իրավիճակը։

Եվրախորհրդարանը (ԵԽ) Ստրասբուրգում կայացած լիագումար նիստում մերժել է Եվրահանձնաժողովի (ԵՀ) ղեկավար Ուրսուլա ֆոն դեր Լյայենին անվստահություն հայտնելու բանաձևը։ Տեղեկությունը հայտնում է ՏԱՍՍ-ը։

ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը Աբու Դաբիում հանդիպման ընթացքում քննարկել են Հայաստան-Ադրբեջան միջպետական հարաբերությունների կարգավորման օրակարգի տարբեր ասպեկտներ: Տեղեկությունը հայտնում է ՀՀ ԱԳՆ մամուլի ծառայությունը։

Թուրքիայի նախագահ Ռեջեփ Թայիփ Էրդողանը ուժեղացնում է ճնշումը իր հիմնական քաղաքական մրցակիցների վրա՝ ինը ամսվա ընթացքում ամբողջ երկրում ձերբակալելով ընդդիմադիր Հանրապետական ​​ժողովրդական կուսակցության (ԺՀԿ) հետ կապված ավելի քան 500 մարդու, հաղորդում է Reuters-ը։

Ագարակ-Քաջարան նոր ճանապարհին, «Հյուսիս-հարավ» ծրագրի շրջանակներում, ավարտվել են առաջին թունելի փորման աշխատանքները։ Այսօր կառավարության նիստում այս մասին հայտարարեց ՀՀ տարածքային կառավարման և ենթակառուցվածքների նախարար Դավիթ Խուդաթյանը։

Ուժայինները մտել են խուզարկության ՀՅԴ Բյուրոյի նախկին ներկայացուցիչ Հրանտ Մարգարյանի բնակարան: Այս մասին NEWS.am–ին հայտնեց ՀՀ ԱԺ «Հայաստան» խմբակցության պատգամավոր Քրիստինե Վարդանյանը։

Գլխավոր դատախազության ապօրինի ծագում ունեցող գույքի բռնագանձման գործերով վարչությունը պահանջ է ներկայացրել դատարանին՝ ՀՀ Ազգային ժողովի պատգամավոր Արթուր Սարգսյանից և նրա հետ փոխկապակցված անձանցից հօգուտ Հայաստանի Հանրապետության բռնագանձել անշարժ և շարժական գույք, դրամական միջոցներ։ Տեղեկությունը հայտնում է ՀՀ դատախազությունը։

ՀՀ քննչական կոմիտեի կողմից խուզարկության ժամանակ առգրաված և որպես ահաբեկչության նախապատրաստման ապացույցներից մեկը ներկայացված նռնականման առարկայում սիսեռի հատիկներ են եղել։ ՀՅԴ Հայաստանի Գերագույն մարմնի հանրային կապերի գրասենյակը հրապարակել է նռնականման առարկայի լուսանկար՝ հիշեցնելով, որ այն նախատեսված է սթրայքբոլ հայտնի տակտիկական, սպորտային խաղի համար։

ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը ԱՄԷ մայրաքաղաք Աբու Դաբիում ընդմիջումից հետո վերսկսել են բանակցությունները։ Այս մասին հայտնել է TASS-ի աղբյուրը։