Կոնգրեսական Ֆրենկ Փալոնեն վերադարձել է Բաքվից, որտեղ մասնակցում էր COP29 կոնֆերանսին։ Ադրբեջանի կառավարության կողմից հովանավորվող ցուցարարները «ողջունել» են Փալոնեին ինչպես COP29-ում, այնպես էլ այն հյուրանոցում, որտեղ նա կանգ էր առել։ Նա խուսափել է ֆիզիկական հարձակումից միայն պետդեպարտամենտի ջանքերի շնորհիվ։

The Armenian Report-ի հրապարակած տեսանյութում հայտնի անձինք՝ մարդու իրավունքների պաշտպաններ, ակտիվիստներ, ակադեմիական շրջանակների ներկայացուցիչներ խոսում են COP29-ը հյուրընկալող Ադրբեջանի մասին և բարձրաձայնում այն խախտումների մասին, որն իրեն թույլ է տալիս այդ երկիրը: Նրանք պահանջում են ճնշում գործադրել էթնիկ զտում իրականացրած և քաղբանտարկյալներ ունեցող երկրի նկատմամբ:  

ԱՄՆ նոր վարչակազմի օրոք հայ-ամերիկյան հարաբերությունների ապագան շարունակում է ակտիվ քննարկումների առարկա լինել հայ քաղաքական և փորձագիտական հանրությունում։ Ջո Բայդենի օրոք ԱՄՆ-ն գրեթե աննախադեպ հետաքրքրություն է ցուցաբերել Հայաստանի նկատմամբ` հատկապես Երևանի և Մոսկվայի միջև հարաբերությունների վատթարացման և հայ-ադրբեջանական բանակցությունների համատեքստում։

Հավաքական Արևմուտքը մեծացնում է ճնշումը հետխորհրդային տարածքի պետությունների վրա, կարծում է ՌԴ Դաշնության խորհրդի փոխնախագահ Կոնստանտին Կոսաչևը:

Աստվածաշնչում հիշատակված համաշխարհային ջրհեղեղի հետ է կապվում Նախիջևան անունը, իսկ Նախիջևան քաղաքը համարվում է Նոյ նահապետի կողմից հիմնադրված հնագույն բնակավայրերից մեկը Հայաստանում։ Ըստ ավանդության՝ Նոյը, Աստծու կամքով փրկվելով ջրհեղեղից, Արարատ լեռան գագաթից իջել է մերձակա հարթավայրը և իջևանել մի վայրում, որը հետագայում կոչվել է Նախիջևան («նախնական իջևան»)։ Բազմաթիվ պատմություններ կան այն մասին, որ Նոյ նահապետը թաղվել է հենց Նախիջևանում: 13-րդ դարի հայ պատմիչ Վարդան Արևելցին գրում է․ «Ի Նախչուան է տապանն մեծ նահապետին Նոյի և Նեմզարայ ի Մարանդ»:

Երկու նորություններ ալեկոծեցին հայ հասարակայնությանը անցած հանգստյան օրերի վերջին ժամերին։ Մի նորությունը Փաշինյանի պաշտոնյաների թիմում արդեն կայացած և դեռ կայանալիք պաշտոնանկությունների շքերթի մասին էր։ Մյուսը՝ այն մասին, որ հեռացող Բայդենի վարչակազմը թույլ է տվել Զելենսկուն ամերիկյան ATACMS հեռահար հրթիռներով հարվածել Ռուսաստանի տարածքի խորքին։ Ավելի ուշ տեղեկություններ ավելացան, որ Ֆրանսիան և Բրիտանիան նույնպես «կանաչ լույս» են տվել SCALP/Storm Shadow հրթիռներով ՌԴ տարածքին հավածնելուն։ Առաջին լուրը՝ Փաշինյանի թիմում պաշտոնանկությունների մասին, առայժմ մի կողմ թողնենք՝ որպես պակաս էական, մանավանդ որ պաշտոնանկությունների գործընթացը դեռ շարունակվում է։

Բաքվում COP29-ի ավարտից մի քանի օր առաջ և Ադրբեջանի իշխանությունների կողմից Ռուբեն Վարդանյանի ձերբակալությունից ավելի քան մեկ տարի անց նրա որդին՝ Դավիթ Վարդանյանը, դատապարտում է միջազգային հանրության խուլ լռությունը և կոչ անում ազատ արձակել իր հորը և 22 մյուս պատանդներին, որոնք բանտարկված են միայն մեկ՝ հայ լինելու պատճառով: Այս նախաբանով է ֆրանսիական Le Journal du Dimanche պարբերականը հրապարկել Բաքվում ապօրինի պահվող բարերար Ռուբեն Վարդանյանի որդու՝ Դավիթ Վարդանյանի հոդվածը, որը թարգմանաբար ներկայացվում է ստորև:

Ամենից վատ բանը, որ կարող է տեղի ունենալ Թրամփի նախագահության օրոք այն է, որ մի կողմից ԱՄՆ-ն ցանկացած տեսակի գերագրեսիվ գործողություններ իրականացնի Իրանի դեմ և մյուս կողմից չկարողանա կանգնեցնել Ուկրաինական պատերազմը: Այս մասին ֆեյսբուքյան իր էջում գրել է ամերիկագետ Սուրեն Սարգսյանը։ Նրա կարծիքով՝ իրադարձությունների նման զարգացման դեպքում Հարավային Կովկասի համար, ըստ էության, կարող են նոր սպառնալիքներ առաջանալ։

«Բաքվում COP 29-ի անցկացումը համաշխարհային քաղաքականության տապալումն է»,-ՄԱԿ-ի երևանյան գրասենյակի դիմաց անցկացվող «Stop Greenwashing Genocide!» խորագրով բողոքի ակցիայի ժամանակ հայտարարեց «Վերադարձ դեպի Դիզակ» ՀԿ ղեկավար Մարգարիտա Քարամյանը։